tag:blogger.com,1999:blog-2654893522467308752024-03-13T11:34:37.893+08:00jcch-landUnknownnoreply@blogger.comBlogger102125tag:blogger.com,1999:blog-265489352246730875.post-87578614015979747432020-08-15T15:33:00.000+08:002020-08-15T15:33:38.084+08:00健康喺遙遠嘅未來,有個遙遠嘅銀河系…<div><br></div><div>自從831個週期之前,gnok ohgn 政府實施全民機械化以來,當地人以為所有疾病都已經消滅左;機械身體唔會被生物感染,而且透過內置分子機器修服受損部分,以及機械身體每隔3個週期就必須更換,否則會迅速變脆,最後無法運作嘅設計,更加連機械嘅問題都難以產生。</div><div><br></div><div>但係,上一個週期,因為gnok ohgn政府試圖修改法例,令rcp國可以控制機械身體管理局,所以當地出現一啲示威浪潮,結果政府剝奪左幾百人更換身體嘅權利之後,先平息咗示威…</div><div><br></div><div>"阿莊,點解會搞成咁?"阿阻自雖然同其他gnok ohgn人一樣,用緊機械身體,但係面部表情依然豐富,因為幾百個週期之前,機械身體嘅先進結構,已經可以模擬幾乎全部生物人類行為。"我地間餐廳生意差成咁,就黎俾政府釘牌!"阿阻自打開雞頭酒機,然後將幾個五顏六色嘅化學品膠囊放入去;機器下面,就開始有雞頭酒滴落隻膠杯度。</div><div><br></div><div>"咁都無計架,都無客!唔係事必要食野架嘛!你估叉電同上網咩!"阿莊一路切菜,一路呻:"政府話而家有傳染病喎,多過兩個人聚集就會中招,仲禁埋堂食,挑,機械身體都會有病?"阿莊將切好嘅菜倒入烹飪機,然後烹飪機嘅屏幕出現指示:"尚欠1500克模擬牛肉碎"</div><div><br></div><div>於是阿莊攞起塊模擬牛肉,放入絞肉機。呢個時候門鐘響起,阿莊出去應門。</div><div><br></div><div>"唔該一盒芝蛋汁煙肉麵。"阿拍斥向阿莊口頭落單。然後,雙方嘅錢銀交易已經自動完成,阿莊於是同阿拍斥寒喧幾句,講下機械寵物同星際旅行---之後,阿莊不知不覺流淚。</div><div><br></div><div>"呢半個週期,政府話電子寵物有病,就沒收晒佢哋,話其他星球啲病仲勁,就禁埋星際旅行,而家連堂食都禁埋…但啲人仲係有病!咁點算呀?"</div><div><br></div><div>"阿莊,唔好咁,俾人見到以為你又有病。"阿拍斥托一托眼鏡,再拍一拍阿莊個膊頭,咁樣講。因為佢係機械身體管理局嘅高層,所以阿莊即刻抹乾眼淚,然後喺出菜口拎個金屬盒俾阿拍斥。</div><div><br></div><div>xxxxxxxxxxxxxxxxxxxxxxx</div><div><br></div><div>阿拍斥返到A旋臂星際展覽廳。其實呢半個週期以來,都無任何展覽,而最近展覽廳就用左黎做"醫院"---一種幾百個週期以來都無出現過嘅場所。</div><div><br></div><div>"醫院"嘅"病房"有幾百個,由出面睇係透明嘅,但喺裡面就望唔到出面。大部分"病人"都係瞓喺床上面,其實外表無乜唔妥,只係有人經過嘅時候,容易破口大罵"我無病,做乜困住我呀!"</div><div><br></div><div>偶然有"病人"想衝出去,結果就會喺病房嘅邊界觸電,然後向後跌低,之後靜左---咁係因為機械身體嘅數碼腦,因為電擊而暫時熄機,以免程式受損。</div><div><br></div><div>阿拍斥黎到一間"病房",去揾一個編號229LYC嘅"女病人"。呢間"病房"除左229LYC,仲有幾個"護士"看守住。229LYC樣貌比較清純,但係雙手被鐵鏈縛喺床頭,一見阿拍斥,就不停狂鬧,"你個卜乖,做乜又黎呀,做咁能多衰野,因住下年無得換身呀…"</div><div><br></div><div>幾個"護士"想將一個綠色波塞入229LYC嘅口度,佢即刻想合實個口,但係始終俾"護士"撬開左;個波塞住佢個口,之後佢就搏命掙扎,但始終掙脫唔到鐵鏈。阿拍斥入左黎,一叫"閂門","病房"外面即時變成不透明白色。</div><div><br></div><div>幾分鐘之後,阿拍斥叫"開門",然後拉返好條褲。229LYC已經郁都唔郁,而"護士"就企喺兩邊,望住阿拍斥喺數碼腦入面更新紀錄---"229LYC經衝擊治療後,病情仍然嚴重,預計將因病不能更換身體,建議運往高度設防設施隔離"</div><div><br></div><div>之後,佢行出病房,開始諗下聽日去napja旅行要執嘅行李。</div><div><br></div><div>"我好滿意政府同而家嘅生活,所以我好健康,嘻嘻…"</div><div><br></div><div>❨完❩</div><div>❨以上為虛構故事❩</div>jackyhttp://www.blogger.com/profile/16476728886242158120noreply@blogger.com0tag:blogger.com,1999:blog-265489352246730875.post-72449004118307986112020-05-22T21:04:00.001+08:002020-05-22T21:04:37.104+08:00香港三劫<div>劫,就係無得避,只能硬食。</div><div>香港人嘅前路,有三個大劫,一個比一個深,一個比一個大。</div><div><br></div><div>第一劫:港共同中共嘅愚蠢惡政,導致香港連同中國一齊被孤立。事實上,呢一劫我地早已深陷其中,而且大多數人未必可以過到。</div><div>吳子云:凡兵之所起者有五:一曰爭名…三曰積惡…。其名又有五:一曰義兵,…三曰剛兵…。禁暴救亂曰義…因怒興師曰剛…。五者之數,各有其道:義必以禮服,…剛必以辭服</div><div><br></div><div>現時中西交惡,固然有實力對比改變嘅形勢問題,但激發爭端嘅原因,仍然係雙方互相討厭。特別係中國國內嘅半內聯網,經常討論擊敗美國之後,我地要點點點報復,加上中共迫害異見及異族嘅紀錄,與及海外中國人嘅劣行,要西方人唔對中國人起戒心,根本無可能。西方對中國出手,豈不是如吳子所云,因怒興師?中共港共國內種種嚇,燒,拆,捉,打,姦,殺,棄,豈不是西方禁暴救亂嘅好理由?</div><div><br></div><div>中國如果想避開同西方嘅爭端,一方面應改過自新,停止煽動對外國同國內異見、異教、異種嘅仇恨,另一方面應按吳子嘅建議,對外國人重新以禮相待,對西方政府好言相勸,盡可能改善外國對中國嘅形象。但顯然佢地行左相反嘅方向。所以香港人嘅孤立劫,注定避唔開。</div><div><br></div><div><div>第二劫:氣候變化帶黎全球糧食減產。</div><div><br></div><div>如果第一劫係中國同西方各自蓄謀已久嘅結果,咁第二劫就係全世界過度發展嘅後果。</div><div><br></div><div>人類活動帶來氣候變化嘅證據愈來愈多,由於本人並非相關學科出身,故此冇辦法喺度詳細探討。但係氣候變化帶來氣溫及降雨量嘅變化,自然會影響農業收成,而按照現時嘅主流意見,應該都係壞嘅影響。</div><div><br></div><div>當然,全球糧食減產暫時仍未發生。按照聯合國糧食及農業組織嘅數字,近十年嘅穀物產量同庫存量總體上都係上升緊。(見 http://www.fao.org/worldfoodsituation/csdb/zh/ )。但係如果主要嘅農產品出口國,例如美國或者巴西,出現顯著嘅氣候變化,導致農業受到嚴重打擊,將會禍及全球。譬如2019/20年嘅穀物產量如果下跌一成,而利用量並冇減少---而既然全球人口仍然增加,似乎都根本唔會減少---咁樣預計嘅穀物庫存量,就會由9億噸大跌至6.5億噸。咁樣已經足以導致全球穀物期貨大漲價。如果之後2年,4年,都仍然有咁嘅缺口呢?</div><div><br></div><div>假如全球暖化嘅趨勢呢個世紀都無法遏止---而呢個正正就係普遍嘅預期,就算之前嘅巴黎協定可以達成,2100年全球都會升溫攝氏4度---咁全球糧食大幅減產就會出現。</div><div><br></div><div>而且全球糧食減產,並非好似某啲人預期咁,同全球温度上升成比例。正好相反,因爲農業已經高度機械化同科學化,所以由種子開始,到農藥、化肥、燃料、機器,都極之依賴全球物流網絡。只要少數環節出現問題,就會影響某地嘅農業產能。而某地農業產能大跌,可能會導致社會動盪,反過來又影響鄰近地區嘅物流同生產......譬如湄公河流域嘅國家,已經面臨中國喺上游築壩影響湄公河流量嘅問題,如果未來氣候變化導致降雨量再下降,勢必危及稻米生產,最後限制出口,令世界大米供應緊張。結果可能會引起中國及整個東南亞嘅糧荒……</div><div><br></div><div>氣候變化糧食減產造成嘅大範圍災難,喺古代已經發生過。例如公元前12世紀,地中海嘅青銅器文明突然崩潰,可能同連年旱災,飢荒,與及因此而出現嘅海上民族有關---幾十年來農作物一直失收,一方面令流民增加,另一方面削弱列國嘅防衞能力,結果令海上民族(其實係各地海盜同難民嘅合體)破壞咗東地中海嘅貿易,令某啲國家無法輸入糧食及必需品,呢啲國家徹底崩潰,從此消失。</div><div><br></div><div>香港喺應對糧食減產方面,基本上無能爲力。因爲香港連最基本嘅農地及農業人口都非常之少,所以糧食無法自給自足。只要農業大國減少糧食出口,香港嘅糧食價格好可能飛漲。經過第一劫---西方孤立之後,香港仲有冇錢喺國際市場搶糧?仲有冇糧俾香港人去搶?經過兩個大劫之後,仲剩返幾多香港人?</div></div><div><br></div><div><div>上星期講到香港無得避開嘅兩大劫:西方因為中國而孤立香港,與及氣候變化做成世界農業減產。我個人比較悲觀,認為經過呢兩劫,香港已經少左七八成人。但係相比之後呢一劫,都只係小巫見大巫,而且呢一劫係最可悲---人類為左解決前兩劫造成嘅災難,反而陷入更大嘅災劫之中。</div><div><br></div><div>第三劫:後人類統治---利維坦時代。</div><div><br></div><div>以往人類無論遇到戰爭,飢荒,或者其他災難,即使一無所有,傷亡慘重,最後都會靠自己黎克服困難,重新出發。</div><div>但係到左而家,人類嘅科技已經高到一個地步,有機會喺未來製造一種比人類更強大,更高智慧嘅機器或者物種。無論係基因工程,抑或係AI,物聯網,大數據,只要不斷發展,都可以變成人類嘅新統治者。</div><div>本來喺人類生活仍然舒適愉快嘅時候,呢啲新科技可能只會用黎醫治癌症,指揮交通,或者幫助政府對付犯罪分子,甚至作軍事用途;呢個時候,人類仍然係造物嘅主人,無論善用抑或惡用,都唔會被控制。</div><div>但係,經過兩個劫難之後,人類係咪仲可以舒適生存?還是因為各種物資產量大跌,令全世界人類都深陷苦難之中?</div><div>絕望嘅人類,喺貧窮,飢荒,疾病,戰爭當中,希望得到拯救。正如Thomas Hobbes所著<<利維坦>>一書指出,社會要和平,人就要交出權力俾"利維坦"---但係,利維坦唔一定係佢所認為嘅國家。喺科技更高嘅未來,可以係透過基因工程產生,智力極高嘅超級生物❨無論似唔似人❩,或者可以連結所有機器,從而控制全世界嘅超級AI。</div><div>一旦呢種新嘅利維坦出現,而人類被統治,則會進入"後人類統治"嘅時代---利維坦時代。至於利維坦會點樣統治,以我區區一個普通人,好難估計;但係,恐怕不外乎令人類毀滅,令人類社會變成動物園,或者以可見及隱藏嘅方式,令人類遵從佢嘅指示。</div><div><br></div><div>至於第三劫對香港嘅影響?人類毀滅,或者社會變成動物園,呢兩樣自然係悲慘。即使利維坦想人類整體可以變得更好,但係由於地球資源有限,則每人所消耗嘅資源必定會被逼大大減少,或者直接減少人類數量,因此各地嘅物流運輸必然大減,而香港人口將會被強制減至極低水平---1901年,香港人口唔夠三十萬,可能代表喺有限嘅物流同海外貿易嘅情況下,香港人口嘅極限。</div><div><br></div><div>香港太細,而且外向,無力改變未來</div><div><br></div><div>如果我唔係香港人,而係美國人或者中國人,就唔會叫呢三個做劫,而只係問題,因為大國可以喺災難發生前作出改變,黎避免災難。但係香港有兩個特點:細,而且係外向型經濟,令香港人無從改變命運。</div><div>香港細,人口唔多,而且鄰近中國,於是權力基礎難以擴大,無力係西方與中國之間斡旋;外向型經濟,令香港唔能夠應付稍長時間嘅物流同貿易中斷。至於利維坦,就算香港唔研究,其他大國全部都研究緊呀,仲點走得甩?</div><div>香港歷劫之後,恐怕無法復原。既然係咁,作為香港人,只能坦然面對,接受現實,話唔定喺利維坦時代,倖存嘅香港人會有另一番新氣象。</div></div>jackyhttp://www.blogger.com/profile/16476728886242158120noreply@blogger.com0tag:blogger.com,1999:blog-265489352246730875.post-3362814973121716152019-11-24T09:54:00.001+08:002019-11-24T09:54:23.885+08:0019年區選<div>或者我講野太難聽,咁好啦,我用好聽啲嘅tone再講,不過可能都係難聽過粗口。</div><div><br></div><div>以目前嘅香港政制黎講,區議會選舉應該算係最唔重要,對香港影響層次最低,所以勉強被容忍可以有一人一票嘅選舉。但係,正因為低層次同無咁重要,所以如果想將佢變成正邪大決戰,咁就要做好多附加嘅野。</div><div><br></div><div>道理就好似你攞住一舊水,但要喺金行拎到幾十萬嘅頸鍊,咁你最後成功,應該都唔係好關嗰一舊水事一樣---你可能揸槍打劫金行,或者帶個有錢人幫你買。</div><div><br></div><div>咁究竟各位,你地想借區議會選票呢一舊水,食乜野大茶飯呢?你地嘅槍,或者有錢佬喺邊呢?如果唔可以靠自己嘅實力,或者外國勢力嘅強大支援,咁究竟點樣令一個管幾條街嘅民政嘅區議會議席,變成正邪大決戰嘅一個重要角色---而本來區議會就唔會有呢種影響全港政權嘅功能---呢個係一個謎,或者就只係一個天仙局。</div><div><br></div><div>我唔會叫人特登唔好投,但請回歸現實,回歸基本,畢竟區議會只係處理區內嘅事務而唔係全港事務,然後做區議員有錢收,呢兩個先係事實。所以投票嗰陣,只應考慮邊個做區政比較好,或者你想啲人工俾邊個同唔好俾邊個。其他都只係虛妄嘅幻想。</div>jackyhttp://www.blogger.com/profile/16476728886242158120noreply@blogger.com0tag:blogger.com,1999:blog-265489352246730875.post-26706312335872617262019-11-14T16:59:00.001+08:002019-11-14T16:59:42.726+08:00動機<div>以下唔係由可行性,而係由動機去分析示威者嘅行動。</div><div><br></div><div>如果只想外國出手解圍,其實已經可以返屋企休息,因為西方國家早已計畫逐步制裁中共,而香港已經成為籌碼,要影響外國嘅行動,更需要游說團而唔係武鬥團。</div><div><br></div><div>如果想撈舊式嘅政治資本,去選議員,加入政黨,或者扮香港大使,就應該露一露面,慷慨陳辭,然後匿埋或者去外國。而家嗰啲賣…唔係,應該話係唔知香港乜乜物物,就係做緊呢啲,試圖得利,順便影響外國介入方式。</div><div><br></div><div>如果想報仇,咁而家未必會出現喺會戰嘅前線,而係等緊機會,去伏擊休班警,落單警員或警車,甚至準備傷害警察子女等,正面尋仇難度好高,唯有用呢啲方式。</div><div><br></div><div>如果想癱瘓香港運作,以破壞香港嘅經濟,達到攬炒目的,咁固然可以去會戰嘅前線,但係更可以襯亂或者襯無人,進行破壞活動,逼人罷工。</div><div><br></div><div>對以上嘅人黎講,大會戰只係一種未必有效嘅手段,所以未來未必會經常見到佢地。但對以下嘅人黎講,情況就好唔同。</div><div><br></div><div>如果想保護屋企,學校或者朋友,唔想俾警察破壞,咁就會集中出現喺相關前線,對警察指罵,砌牆等,至於係咪衝鋒就視乎勇氣或者情緒。呢類人喺前線相當多,送頭嘅亦大多係呢類,因為同上面嗰幾類唔同,佢地係被動咁走入去,未必有戰鬥或者逃走嘅計畫,就算有,喺前線嘅擠逼同混亂環境,好多時都實行唔到,而且本來亦未必捨得走,往往錯過離開嘅時機。</div><div><br></div><div>如果無明確動機,只係想做啲嘢表達不滿,俾啲顏色政府睇,或者仍然希望政府順從民意,甚至只係想威,咁亦會出現喺前線,又或者做文宣貼連儂牆。呢類人亦係送頭大戶,特別係最初落場嗰陣,因為佢地並唔係以成敗得失去決定自己嘅行為,加上經驗不足,所以未必會去正確設想面對嘅情景,結果就係走唔切送頭,或者累其他人受傷同被捕。</div><div><br></div><div>至於好似我咁,覺得自己荷蘭叻,叫人打游擊戰同恐怖活動,唔好去大戰前線送頭破壞成場鬥爭,衰撚過對家嘅冷血廢中軍屍,當然唔會自己走去前線啦,我呢啲仆街free rider做乜要冒險?勸你地唔好送死已經仁至義盡,做乜要陪死?</div>jackyhttp://www.blogger.com/profile/16476728886242158120noreply@blogger.com0tag:blogger.com,1999:blog-265489352246730875.post-1462396257688460092019-10-08T19:50:00.001+08:002019-10-08T23:29:53.708+08:00港英餘孽·國泰美心<p dir="ltr">將港英餘孽同國泰美心擺埋一齊,可以話夾硬,但如果由中國嘅角度睇,可能係有關係。今次嘅抗暴之戰,中國對呢兩樣野嘅觀感與及鬥爭,個人猜想可能就係其中一條暗線。</p>
<p dir="ltr">首先講"港英餘孽"。呢個詞,97前後成日聽,但係而家好少講,所以後生仔女唔知係乜,都唔出奇。</p>
<p dir="ltr">睇維基,港英餘孽"其意思指<a href="https://zh.m.wikipedia.org/wiki/%E8%8B%B1%E5%B1%AC%E9%A6%99%E6%B8%AF">英屬香港</a>時代,執政當局工作或培育出來的<a href="https://zh.m.wikipedia.org/wiki/%E5%85%AC%E5%8B%99%E5%93%A1">公務員</a>、<a href="https://zh.m.wikipedia.org/wiki/%E7%AB%8B%E6%B3%95%E5%B1%80">立法局</a>議員、<a href="https://zh.m.wikipedia.org/wiki/%E8%A1%8C%E6%94%BF%E5%B1%80">行政局</a>議員;從<a href="https://zh.m.wikipedia.org/wiki/%E5%BB%BA%E5%88%B6%E6%B4%BE_(%E9%A6%99%E6%B8%AF)">建制派</a>的觀點來看,是指西方的代理人或西方的傀儡。 " ❨https://zh.m.wikipedia.org/zh-hk/%E6%B8%AF%E8%8B%B1%E9%A4%98%E5%AD%BD❩,睇落好籠統,但或者正因為咁,所以對香港黎講,先至咁大殺傷力。</p>
<p dir="ltr">"港英餘孽"同中國關係最僵嘅時候,就係回歸前中英之間對過渡安排嘅爭論。爭論啲乜,其實喺而家嘅香港人黎講,係過左去嘅問題,但對中國黎講,港英餘孽跟住衛奕信起新機場,中國驚俾英國佬駛晒啲錢;配合彭定康搞普選,又廢除多條法例,中國更認為係喺主權移交前搞破壞,令香港政制喺97前後不能銜接,結果中國另設臨時立法會,七一後立即將彭定康年代廢除嘅惡法還原。甚至當年江湖傳聞,陳方安生係為左做下一任特首,先至過渡做布政司司長,然後就逼走陳方安生。</p>
<p dir="ltr">有鑑於此,中國對港英時代遺留落黎嘅官員同議員,甚至整個制度,都有相當敵意,就不足為奇。但係另一方面,中國又不得不用呢啲舊人去令特區政府維持運作,甚至不得不用"港英餘孽"入面嘅主要成份---AO出身嘅官員去做特首。所以表面上,中國日日都話支持特區政府施政,實際上恐怕並非如此,雙方可能係互相利用之餘又互相厭惡。尤其曾蔭權嘅下場,更令政府中人心寒。</p>
<p dir="ltr">譬如逃犯條例修訂同埋之後嘅鬥爭,由我呢啲街外人睇,唔係只有特區政府同示威者鬥,中國同特區都可能鬥緊,所以林鄭先會喺會議爆大鑊,再有錄音泄漏俾路透社。至於中國就一直暗中逼特區政府企硬,令特區政府無法透過政治方式解決問題。坊間有人認為而家嘅亂局,係特區政府執行中國指示所致,但點解中國要咁指示?可能因為港英餘孽始終係港英餘孽,令人痛恨,最好就係同示威者鬥到兩敗俱傷;點解特區政府會強硬到底?可能因為對中國低能又帶有惡意嘅指示煩厭,所以索性用最殘暴嘅手段,去敗壞中國嘅名聲…</p>
<p dir="ltr">既然中國對理應係自己下屬嘅"港英餘孽"都諸多猜忌,咁對於英資嘅怡和太古,應該都唔會當無野。尤其是,怡和同太古,係揸住一啲香港重要企業,例如怡和手上有惠康,7-11,美心,萬寧,pizza hut,香港Ikea,文華東方酒店等;太古則持有國泰。</p>
<p dir="ltr">可以合理咁懷疑,中國會將呢啲老牌英資當成全面管治香港嘅障礙,畢竟非我族類,其心必異…但係點解呢啲英資會支持所謂"止暴制亂"呢?錢,固然要揾,但更有可能係,面對中國嘅政治威脅,與及國企中資嘅競爭同惡意收購壓力,佢地似乎無辦法唔做馬前卒受靶。於是,就會見到美心太子女高調摟打,與及國泰肉酸炒人。而中資國企呢,就係咁意登下廣告撐政府,然後繼續靜雞雞做生意。結果係,國泰變成沒有國泰,美心就日日裝修。</p>
<p dir="ltr">當然,上面呢啲都只係我個人嘅猜測。但係中國一向都只能用文攻武嚇同銀彈(認真,佢無得唔用,民族主義,極權加個人崇拜,對外人嘅吸引力係零,所以中國嘅軟實力非常疲軟,只要唔自認中國人就好難認同佢地嘅所作所為),因此被中國威脅嘅人好難無任何動靜,但又敢怒不敢言,只可以含住一口冤氣,做世上最肉酸核突嘅掙扎同反抗。</p>
jackyhttp://www.blogger.com/profile/16476728886242158120noreply@blogger.com0tag:blogger.com,1999:blog-265489352246730875.post-86656874659129389212019-10-05T12:01:00.001+08:002019-10-05T12:05:21.526+08:00駁玩膠宣言<p dir="ltr">呢個玩膠宣言…唉,先唔講點解無革命黨同革命軍,無警察叛變,無外國軍隊,都可以成立臨時政府嘅問題。<br><br></p>
<p dir="ltr">宣言第一段就完全錯誤。幾千年來,人類並不喜破舊,只喜懷舊,華夏言必堯舜三代,西方言必希臘羅馬。破舊立新,乃工業革命後始能萌芽之思想。就香港而言,多數港人只怕懷念1989年前蒸蒸日上之過去,多於虛無未知之未來。撰寫及和議此宣言者不認同,不足為奇,但最少要明白不歌頌舊黃金時代,並以此為楷模,則在他人眼中,恐怕只見破壞,難見建立。<br><br></p>
<p dir="ltr">全篇宣言,僅第二段較可取。但未引用出處❨美國獨立宣言❩,無心之失乎?有心剽竊乎?<br><br></p>
<p dir="ltr">之後篇幅就屬於未有黨就搞革命之錯誤,於理於實皆不通。尤其不取消公安條例與緊急法,反而保留2018年前之條文;又只革除副局長以上官員,如此則警務處長反而能留任,更屬豈有此理。香港之惡政,根源在未有雙普選,但具體運作,則在公安條例及緊急法賦予政府之權力過大,與警察腐敗濫暴。撰寫宣言者,難道欲以舊惡法舊黑警,鞏固臨時政府?<br><br></p>
<p dir="ltr">自古以來官逼民反,我從未支持暴政,只對反抗與革命予以同情。但若無正確思想指導,則時代革命非但無法光復香港,反而會將香港推入人間地獄。如果此宣言代表革命主要參與者之思想及意見,則我不得不擔憂未來之情勢。無民心暴政即使推翻,卻代之以得民心之亂政,香港將永不翻身。望革命派中有識之士再仔細思量。</p>
jackyhttp://www.blogger.com/profile/16476728886242158120noreply@blogger.com0tag:blogger.com,1999:blog-265489352246730875.post-73260430724425217972019-10-02T08:54:00.001+08:002019-10-02T15:28:59.339+08:00論林鄭,警察如何叛港叛中<p dir="ltr">到今天為止❨2019年10月2日❩,香港市長林鄭月娥,與及香港武警一同背叛香港和中國,其罪狀顯而易見,甚至不需任何內幕佐證。</p>
<p dir="ltr">1. 逃犯條例修訂,本不應發生。香港經濟,以對外貿易及金融為支柱,非外國認同不可。然則修訂後外國人過境香港,有機會被香港政府拘捕及送到中國受審,已觸及外國最大之恐懼---中國法凌駕西方法;且正值美中貿易戰雲密佈,最需要香港發揮以往"白手套"功能之時,林鄭月娥卻明白告訴全世界,香港不再是白手套。如修例獲得通過,林鄭月娥早已犯下叛國罪:欲借逃犯條例修訂打擊中國。但回顧之後事態發展,林鄭恐怕本就不欲認真推行修例,項莊舞劍,志在沛公是也。</p>
<p dir="ltr">2. 林鄭利用修例引爆民眾怒火,摧毀香港固有政治,經濟,社會秩序,試圖將香港改為極權統治。由六月開始,林鄭未曾嘗試以政治方面解決問題,反而一再加強鎮壓,藉此做成緊急狀態之實;但遲遲不宣布宵禁或緊急狀態令,乃有將緊急措施變為恆常之嫌。恆常緊急狀態,乃古今獨裁者奪權之慣技,而且必會為社會帶來嚴重傷害,此叛港也;而期間及此後持續不斷之暴力,對中國聲譽及信用之傷害,從而為中國增加之困難,更難以勝數。更何況,一個縱容三萬警力行兇之市長,會否隨時抗拒北京號令?</p>
<p dir="ltr">3. 林鄭在會議中泄漏國家進一步控制香港經濟之計劃,又將錄音交予路透社,將計劃公之於世,乃林鄭叛中最明顯之信號。全面控制香港所有重要行業,乃必須秘密,審慎,緩慢推進之計劃,否則打草驚蛇,必會引起外國猜疑及反制。但林鄭輕易言之,又將之公開,顯然有意破壞中國之計劃。</p>
<p dir="ltr">4. 警察有意逐漸升級暴力,逼使港人充滿仇恨,達到養寇自重之目的。鎮壓示威,要不一直將武力封頂,令示威活動自然平息,或者被公眾唾棄;要不一開始就大量殺傷示威者,以臨時緊急狀態防止民眾再次聚集,以求迅速回復秩序。但警隊至今之作為,卻非上述任何一種---六月即已發射催淚彈,橡膠子彈,布袋鋼珠彈等過度武力,卻仍然讓示威者退走,然後七月起就大量濫暴,之後才開始令鐵路停駛,以便搜捕;新屋嶺與太子站之殺人疑陣,更刺激港人怒火。此類措施只能逐漸提升港人之仇恨,卻無助平亂。至昨天首次用實彈射擊,卻無大規模行刑式開火,又是無助解散或逮捕示威者,更不足以震懾示威活動,只會拖長示威浪潮。為鉅額加班費,以及緊急狀態所賦予之特殊權力,警察與林鄭狼狽為奸,殘港人以自肥矣。</p>
<p dir="ltr">林鄭與警察,為錢為權,不惜叛港叛中,殘害港人,陷害中國,固為人中之渣滓也。然其餘權貴名流,政客社運,或公開舔共,支持暴力鎮壓,或誤導港人,使其不明赴死,豈非追逐金錢利益之鼠輩乎?</p>
<p dir="ltr">孟子曰:"庖有肥肉,廄有肥馬;民有飢色,野有餓莩;此率獸而食人也!"今之數百萬香港藍白人,上至市長,下至平民,每以器毀物壞而怒,以示威者受傷被捕而喜,稱為"保物殺人",未嘗不可也。每思及此,乃知國事知不可為,非起義不可矣。</p>
jackyhttp://www.blogger.com/profile/16476728886242158120noreply@blogger.com0tag:blogger.com,1999:blog-265489352246730875.post-13577467841238674402019-09-16T21:30:00.001+08:002019-09-16T21:30:27.061+08:00初代高達<p dir="ltr">唔知道而家嘅香港人仲睇唔睇高達?<br>
如果事過境遷,佢地有機會睇初代高達,應該會有好深感觸。<br>
有幾多人好似阿寶咁,為自救同保護朋友,被逼反抗?因為觀念同立場嘅衝突,同家人爭炒甚至反目?<br>
有幾多人好似馬沙咁,被人所害失去至親,為報仇又失去更多?<br>
有幾多人好似白色基地嘅船員同難民咁,為避難而流離失所?目睹同伴犧牲但無可奈何?<br>
有幾多權貴好似薩比家咁,到敗亡前依然為爭權奪利而自相殘殺?<br>
今時今日,因為動畫技術嘅問題,應該無乜人會對裡面嘅戰鬥有興趣,但係劇情入面,角色嘅求不得,怨憎會,愛別離,因為鬥爭而激化,無人可以解脫…<br>
不過,阿寶始終係不幸之中有大幸。歷盡劫難,滿手鮮血,但仍然有"家"可歸,有等待佢嘅同伴。唔知係咪製作組嘅意思,但佢得到精神嘅小小救贖,係因為阿寶雖然會因衝動而犯錯,最嚴重試過偷高達出走,但始終未曾受惡念操縱,濫殺無辜;而且佢仍然保留人應有嘅複雜同曖昧,既不如賴巴愚忠,又不若娜娜天真。始終,佢只係別無選擇,被逼殺出個未來嘅少年,觀眾甚至監督都只能心軟,唔希望悲劇收場。</p>
jackyhttp://www.blogger.com/profile/16476728886242158120noreply@blogger.com0tag:blogger.com,1999:blog-265489352246730875.post-87372613565084682982019-09-11T11:06:00.001+08:002019-09-11T11:06:57.520+08:00衛我家邦耀香港<p dir="ltr">衛我家邦耀香港</p>
<p dir="ltr">衛我 衛我家與邦<br>
熱血 熱勝紅日光<br>
膽 似 鐵 打<br>
骨 似 精 鋼<br>
胸襟百千丈<br>
眼光萬里長<br>
誓奮發自強 耀香港</p>
<p dir="ltr">衛我家與邦<br>
每天要自強<br>
做我城衛兵<br>
熱勝紅日光</p>
<p dir="ltr">昂步挺胸大家作棟樑 為香港<br>
為世界生命<br>
造千分安康</p>
<p dir="ltr">衛我家與邦<br>
耀我家與邦<br>
熱勝紅 日 光</p>
jackyhttp://www.blogger.com/profile/16476728886242158120noreply@blogger.com0tag:blogger.com,1999:blog-265489352246730875.post-36760454265943275522019-08-30T15:27:00.001+08:002019-09-09T12:01:42.196+08:00幾種猜想<p dir="ltr">今日❨2019年8月30日❩,特區政府已經拘捕幾個著名前學運領袖,又派人意圖毆打民陣發言人,結果831遊行被民陣以警察反對為由取消;而且之前特首表明不接受五大訴求,又在不公開場合向警隊保證邊不會成立獨立調查委員會,加上近日再三出現入夜毆打,斬人事件,可見特區政府中有人希望製造某種緊急狀態❨而不一定由政府正式宣布❩,促成軍法或獨裁統治。</p>
<p dir="ltr">但究竟是誰參與此進程?又有何目的?以下為幾點無明確根據之猜測。</p>
<p dir="ltr">1. 鄉紳,社團:鄉紳勢力一直在香港政治佔一席位,而社團干預政治,則最遲在梁振英競選特首時,與上海仔有飯局時就開始曝光。兩者都有用威嚇,暴力解決問題的傾向,因此由721元朗站襲擊開始,可能在近期充當打手角色,協助促成緊急狀態,以得到來自港府甚至中國之金錢或政治報酬,並增加政治影響力。但他們的實力應未能凌駕警隊,因此不可能佔主導地位。</p>
<p dir="ltr">2. 警隊:相比鄉紳,社團,警隊作為香港人數最多的武力組織,倒是有能力要脅政府,阻止任何對他們不利之調查,逼使政府為警隊無限拘捕甚至開火權開綠燈,並要求凌駕其他紀律部隊和署局之地位。五大訴求中的獨立調查委員會,如果由警隊強力反對並阻止,實屬合理;但是,除非警隊高層都由殺人狂魔組成,並發展出根深蒂固之濫暴文化,否則警隊不太可能主動要求製造緊急狀態。要爭權奪利,以近期示威活動之頻率及烈度,警隊只需以放軟手腳為要脅即可,不必有系統地濫捕及虐打示威者;此等行為,只會成為日後被追究之證據。因此,警隊近期之暴行,可能出於港府或中聯辦指示,但如果之後突然失蹤,甚或公然抗命兵變,則恐為警隊自保之行動。</p>
<p dir="ltr">3. 林鄭:除了警隊,她對政府其他部門應該仍有指揮權。至於警隊方面,卻不無疑問,一方面,縱容警隊及鄉黑濫暴,會為她招致道德及輿論壓力,但另一方面,如果她旨在利用緊急狀態做成獨裁統治,以長保權位,則有可能指使警隊及鄉黑破壞社會秩序。唯在中美夾縫中,常人恐不欲成為香港獨裁者,以免承受大國之壓力甚至生命安全威脅;同理,如無中國授意,林鄭亦不應令事態升級至威脅一國兩制,否則一旦下台,將被追究罪責。故林鄭要藉緊急狀態以建立獨裁統治,可能僅為自保,狗急跳牆,而且必須確保警察服從指揮;否則,她可能早被架空,或受中國指揮。</p>
<p dir="ltr">4. 中國:中國一直希望香港和平穩定,但不容挑戰一國兩制與國家安全。因此,出於維穩需要,中國可能會力主鎮壓。但要維穩,未必需要以殘暴方式處理,儘管在中國國內,流血鎮壓屢見不鮮,但香港卻為避免國際壓力而鮮見。如今次緊急狀態為中國主導,則可能為中美鬥爭需要示人以強;或中國內部之鬥爭白熱化,希望藉香港動亂,鬥倒其中一派。最壞情況之一,可能是逼香港頒布緊急狀態令,打壓反對聲音,控制互聯網及其他通訊,然後秘密搶奪金管局美金資產,以救空虛國庫於一時。此一假說暫時仍然荒誕,因為如此香港必不能再擔當國際金融中心,對中國之打擊巨大且難以估計;然而若美國之打擊繼續加強,令中國短期內發生金融災難,則中國會殺金蛋鵝止一時之飢,亦不足為奇。</p>
<p dir="ltr">5. 變數---示威方式:示威者當然不能宣布戒嚴或緊急狀態。但是次危機中,示威者放棄任何可見組織及代表,只要有人召集就有人出現,然後完全由現場人士自行決定行動,而且所用武力一再升級。此一現象之後果,不單是對街道及警局之破壞增加,而且導致談判代表無法產生,後者足以令以往政府之分化計策難以生效。這會否導致中國,林鄭,警隊制訂計劃時,受到前所未有之壓力,從而促成緊急狀態之產生?畢竟黃大仙就有警員喝罵途人,叫途人"唔好扮街坊",這情況就跟民變,或者游擊戰相差無幾。面對普通示威可以只維持秩序,但面對反政府游擊隊呢?</p>
<p dir="ltr">6. 變數---外國干預:儘管一直有傳示威者收外國錢搞事,但在此根本不必討論此荒誕傳說。外國干預之形式,往往在於以人權為由,制裁中國及香港,甚或逼使香港從速雙普選---中國顯然視之為和平演變,顏色革命之類重大國家安全威脅。其中美國跟中國早已展開貿易戰及網絡戰,故此特朗普直指香港為新冷戰中之西柏林。外國干預可能令中國或林鄭在制訂計劃時,添加時限壓力:例如應該怎樣在美國國會重開,十一70週年國慶,或者中國經濟危機無法掩藏前,將香港危機解決,以減少外國干預之藉口和壓力?甚至在被逼准許香港推行雙普選前,林鄭該如何逃亡?中國應如何搶走香港美金?</p>
<p dir="ltr">以上為本人猜想六個參與者怎樣促成緊急狀態,與及背後之動機和盤算。因本人並非當中一份子,故無法證實當中是非真偽,只希望盡述本人所見所聞,以供各位參考。最後,星星之火,可以燎原,各方之盤算可能會做成意外後果,敬請保持小心,警覺。</p>
jackyhttp://www.blogger.com/profile/16476728886242158120noreply@blogger.com0tag:blogger.com,1999:blog-265489352246730875.post-21462930909577663962019-08-28T18:02:00.001+08:002019-08-28T21:16:55.749+08:00覆 嘉道理公開信<p dir="ltr">Sir Michael Kadoorie嘅公開信內容之誠懇,立意之真摯,為其他公眾人物所無。而且,佢嘅家族紮根香港百幾年,可能佢地比其他香港人更香港,更清楚香港係乜野,以及香港需要乜野,呢幾樣喺公開信都充分表現。最難能可貴嘅係,佢公開表示,唔可以令年青人絕望,年青人係未來嘅希望。相信對於年輕示威者黎講,總算得到一絲安慰。我在此衷心感謝Sir Michael Kadoorie對香港全體命運嘅關心。</p>
<p dir="ltr">可惜,即使係嘉道理家族,都無辦法解決一個問題---信用問題。佢希望香港人可以一如以往,用互相尊重,理解及公開對話解決今次危機(原文為mutual respect, understanding and open dialogue)。簡單黎講,就係希望雙方和談。但和談嘅前題係乜野呢?以我有限所知,有三個:</p>
<p dir="ltr">1. 雙方都要可信<br>
2. 有強力嘅第三方保證協議執行,及防止報復行為<br>
3. 有一個雙方都能勉強接受嘅界線</p>
<p dir="ltr">由於今次香港危機,已經變成美中冷戰嘅一部分,而美中以上亦無更強大嘅國家或機構可以調停,所以2. 係無可能存在。至於3. 亦不存在,因為5大訴求對示威者黎講,係缺一不可嘅底線,否則任何1條都無可能確實執行;而對政府而言,哪怕只係接受最小兒科嘅撤回逃犯條例修訂,都好可能導致現屆政府管治全面崩潰。</p>
<p dir="ltr">而最大嘅問題,係1. 雙方都認為對方完全不可信。</p>
<p dir="ltr">喺示威者眼中,特區政府從來都唔係用民主方式產生,所以先天已不可信;具體到而家呢一刻,示威者同公眾,唔通可以相信林鄭同警察?林鄭由社署署長,發展局局長,政務司司長,直到特首任內,所作所為,劣蹟斑斑,大話連篇,甚至公開聲稱示威者喺香港"no stake",將香港人當成古代嘅奴隸,毫無權利可言。至於警察,打示威者就大大力,拉到警署同拘留所之後更係無惡不作,而對黑社會打人斬人,就喺現場視而不見,事後消極應對,而每日嘅記者會更加變成真理報同人民日一樣,只有謊話連篇。咁嘅特首同警察,對明眼人黎講,點信得過呢?</p>
<p dir="ltr">掉返轉,喺政府眼中,示威者究竟係乜野人?一班永遠蒙面,無領導,無代表,無組織,因此連談判對像都無,面目模糊嘅人。政府可以捉個別示威者然後施以酷刑,但係無辦法喺被捕者入面揾到代表;而台面上嘅反對派,就根本無任何組織可以代表大部分示威者,甚至大部分傳統政黨,一出現就會被前線示威者鄙視,對外措辭稍欠強硬,都會被口誅筆伐,如果想制止破壞,就更加會被推走。咁,點樣揾可信嘅對手去談判❨利用❩呢?就算有代表出黎,稍有讓步都好可能即刻被鬧走,然後示威繼續無法平息。</p>
<p dir="ltr">即使嘉道理家族碌爆人情卡,勉強營造出一個真正嘅談判平台,去解決2. 同3.﹐但無論如何,都唔會有可信之人去進行談判。而呢個現象,係由呢二十幾年來嘅政治失敗造成,而失敗嘅癥結,就係中共反對雙普選,反而設計出小圈子特首選舉,立法會嘅比例代表制同功能組別。於是,特首以下,全政府都大行親疏有別,只有中共代言人同富豪"have stake",其他香港"have no stake";反對派不斷分裂,又或者係喺比例代表制入面,反對派本來就唔應該團結,結果莫講話政權交替,連為民請命都難於登天。如此為政,令上流腐敗,中產供樓供到暈,低下層朝不保夕,就算香港人仍然充滿"Lion Rock Spirit",佢地嘅"energy, ambition, drive and creativity"究竟可以做啲乜呢?揾錢移民,定係玉石俱焚?</p>
<p dir="ltr">既然而家嘅危機甚至內戰,係源於中共佔據香港前後近三十年來,政治失敗做成嘅大分裂,咁之後嘅發展,應該唔會返返去2018年嘅狀態。一國兩制已經瀕臨崩潰,而之後嘅發展仍有變數。香港究竟會係將所有示威者拘捕,令佢地變成廢人或者死人,然後變成中共直轄市或者由中共扶植嘅極權特區呢?抑或喺外國幫助下,得到真正嘅民主同自由,擺脫中共嘅黑手呢?呢樣相當有賴香港嘅權貴會點樣行動。而嘉道理作為真正植根香港嘅偉大家族,我衷心希望佢地可以作出最合乎佢地同香港共同利益嘅行動,令香港可以真正成為"this generation, the next, and beyond"嘅美好家園,正如一直以來嘉道理家族對香港作出嘅無數貢獻一樣。</p>
<p dir="ltr">最後,祝Sir Michael Kadoorie身體健康,心想事成,嘉道理家族繼續興旺。</p>
<p dir="ltr">普通市民<br>
Jacky<br>
</p>
jackyhttp://www.blogger.com/profile/16476728886242158120noreply@blogger.com0tag:blogger.com,1999:blog-265489352246730875.post-39084045106972789322019-08-11T10:49:00.001+08:002019-08-28T17:57:48.742+08:00內戰中設立之組織<p dir="ltr">事到如今,一個組織係必然出現。但係,同泛民嗰班舊電池,揾食主義者,間諜所講嘅大台完全無關。</p>
<p dir="ltr">假設內戰嘅結果,係香港脫共,喺外國監護下,準備雙普選。然後,出黎參選嘅就只有泛民嗰班舊電池,揾食主義者,間諜;唔要佢地嘅,就得返啲有錢佬代言人…講真,各位前線示威者見到,真係揀得落手?至於城邦熱血,相信好多人都覺得有問題,雖則我都唔知係乜問題…</p>
<p dir="ltr">揀黎揀去,所有19年之前出現過嘅人入面,其實好多人都係想選本民前,但係佢地喺外界眼中,除左掟磚同青靚白淨,仲有被迫害,幾乎乜都無,而且最少喺表面上,佢地喺呢場內戰入面,係完全缺席;至於真前線嘅蒙面人,內戰勝利之前,有邊個可以現真身呢?</p>
<p dir="ltr">講左咁耐,其實現時嘅問題除左贏,仲有贏左之後邊個收拾殘局嘅問題;而且,呢兩個問題係有關連嘅。外國就算有心出手,協助喺香港推行新體制,但見到嘅都係一班本來就無心奪權嘅人,只怕唔會肯出太多力---明明打緊內戰,但呢班人淨係想選議員,連特首都唔想選,咁究竟撐黎做乜?幾十個議員嘅力量,連功能組別都取消唔到啦!又點樣保障外國在港利益呢?</p>
<p dir="ltr">所以,呢度講嘅組織,事實上係一個代表前線示威者,為左實現五大訴求,從而代表全港利益嘅奪權組織,佢地應該會慢慢透過各種行動,去準備奪權:</p>
<p dir="ltr">1. 利用或製造台面上嘅政治明星,呢啲係用黎sale俾香港人同外國政府睇嘅;<br>
2. 建立同宣傳一種香港未來嘅意識形態同藍圖,作為指導嘅思想;<br>
3. 加緊與外國談判,意圖透過外國勢力扭轉香港局勢。</p>
<p dir="ltr">最後,係一個利申:我係愛國愛港嘅人,以上嘅組織唔好揾我,我實報警…</p>
jackyhttp://www.blogger.com/profile/16476728886242158120noreply@blogger.com0tag:blogger.com,1999:blog-265489352246730875.post-77515464157664054982019-07-02T15:37:00.001+08:002019-07-02T15:37:13.423+08:00香港治亂之源與未來<p dir="ltr">香港治亂之源與未來</p>
<p dir="ltr">自南京條約始,香港即為商埠,列國互通有無,商賈盆滿缽滿,徙民兩餐溫飽。二十世紀以降,雖有日軍侵港,致有三年八月之難;胥吏貪瀆,促成六七暴動之劫;然劫難渡盡,香港仍能粗安。</p>
<p dir="ltr">所以能粗安者,曰泰西之英吉利,曰港督府之法度,曰徙民之堅忍。泰西之英吉利,保香港免遭禁運;港督府之法度,保商賈徙民之生計;徙民之堅忍,保列國官商之周全。三者如大廈之三柱,去此三柱,香港大廈必傾矣。</p>
<p dir="ltr">然近三十年來,香港局勢大變。泰西之英吉利去,北國之共產黨來;有法度之港督府撤,無法度之特區府立;堅忍之徙民,化為義理之定民。三柱俱歪,香港頓成危樓。</p>
<p dir="ltr">近年,大廈危而未傾之緣由,曰共產黨之不敢,列國之不忍。共產黨欲長久利用香港,以無信用之人民幣匯兌有信用之美金,不敢大變港督府之舊政;列國投資香港百數十年,不忍財產毀之一旦。居此危樓,特區府非小心周旋,謹慎固守,緊守法度不可。</p>
<p dir="ltr">惟特區府自始即無法度。概論之,曰兩偏幫,兩忽視。偏幫北國,忽視列國香港,所以有二十三條,千億高鐵大橋;偏幫巨賈,忽視平民,所以有高樓價,低工資。</p>
<p dir="ltr">兩偏幫,兩忽視,禍港殃民,路人皆見。然特區府視約無睹,乃假選舉之過也。假選舉者,北國素與泰西不睦,鄙視泰西文明,忌憚泰西控制香港,乃勾結巨賈,控制特首選委,壟斷立法會功能組別也。且立法會尚有泛民一類,表為反對黨,裡為維穩黨,嘗力主民主回歸,使香港入北國之手也。是已兩偏幫兩忽視愈演愈烈也。</p>
<p dir="ltr">至二零一九年,北國與美利堅交惡,乃指使特首修訂逃犯條例,藉以北國之司法,打擊在港泰西勢力與反對派。列國官商大懼,欲加緊制裁北國,禍及香港,義理之民為保香港,和平示威有之,衝擊特區府有之,乃至七一立法會之役,毀特區徽,懸港英旗,以吾觀之,皆因特區府無法度,大廈將傾也。</p>
<p dir="ltr">吾以為,必欲救香港之將傾,惟短中長三策兼用之。短策者,撤回逃犯條例修訂,以撫列國官商;放棄控告示威者,以慰義理之民。中策者,特首掛官,代之以北國、美利堅皆認可之人物,以示誠意。長策者,加緊重啟政改,五年內特首,立法會皆由真普選產生;修改基本法,香港不必維護北國之國防與主權,特首,議員,法官不必北國任命,駐港解放軍減至一百人,並建千人香港兵團。非兼用三策,必不能取信於列國與義理之民也。</p>
<p dir="ltr">香港之粗安,起於以泰西之一城而納北國;香港之漸亂,起於以北國之一城而拒泰西。必欲長治久安,則香港須守中立,以兼納泰西北國。還請諸君努力,守護香港。</p>
jackyhttp://www.blogger.com/profile/16476728886242158120noreply@blogger.com0tag:blogger.com,1999:blog-265489352246730875.post-69475996604621021982014-10-06T22:17:00.004+08:002014-10-06T22:26:06.190+08:00香港有事,黑白支援<div lang="zh-HK" style="margin-bottom: 0cm;">
香港的歷史又翻過新一頁!自九二八警方以催淚彈懲罰示威者以來,佔中亂港分子於金鐘、旺角、銅鑼灣一帶堵塞馬路,正式暴露美帝及佔中三光頭之狼子野心!其後偉大、光明、正確的共產黨員梁振英卻沒有再用催淚彈甚至橡膠子彈清場,箇中有何因由?</div>
<div lang="zh-HK" style="margin-bottom: 0cm;">
<br /></div>
<div lang="zh-HK" style="margin-bottom: 0cm;">
早前以八一七遊行爲梁特首立下汗馬功勞的張融同志,表示正義市民將會自行清場,痛擊佔中亂黨。這固然是不錯的,旺角市民及愛國幫會已經多番出擊,令亂黨氣燄稍減。然而不才作爲梁振英及張融同志的擁躉,卻感到此計不能持久,因爲警方面對清場義舉,竟然出手維護亂黨,築起人鏈阻擋正義市民,並將部分人士拘捕!</div>
<div lang="zh-HK" style="margin-bottom: 0cm;">
<br /></div>
<div lang="zh-HK" style="margin-bottom: 0cm;">
雖然警方深知他們都是義憤填膺,才響應陳淨心及高達斌同志的號召出手對付奸邪,所以事後隨即釋放各人,但是這已經顯示,林鄭和葉劉等<span style="font-family: Times New Roman, serif;">AO</span>黨、地產黨對鋤奸大業多加阻撓,有意令梁振英同志難堪!甚至曾鈺成還勾結美帝妖邪黎智英,妄圖令佔中之亂延續,藉此推翻特區政府之統治!幸好愛港力諸公今日出動包圍壹傳媒總部及學賊黃之鋒巢穴,稍挫妖邪銳氣,否則後果不堪設想!</div>
<div lang="zh-HK" style="margin-bottom: 0cm;">
<br /></div>
<div lang="zh-HK" style="margin-bottom: 0cm;">
究竟以後應該如何平定佔中之亂呢?不才之智慧難及各位愛國愛港同志,實難以猜度,卻仍能發現上中奇下四策。</div>
<div lang="zh-HK" style="margin-bottom: 0cm;">
<br /></div>
<div lang="zh-HK" style="margin-bottom: 0cm;">
所謂下策,即爲之前兩三日直接衝擊旺角、銅鑼灣乃至金鐘之集會,既會被投降心切的林鄭和有意篡奪特首寶座的葉劉所把持的警隊阻撓,又會被美帝爲首的歐美日傳媒抹黑。</div>
<div lang="zh-HK" style="margin-bottom: 0cm;">
<br /></div>
<div lang="zh-HK" style="margin-bottom: 0cm;">
所謂奇策,即爲類似今日包圍壹傳媒總部、黃之鋒巢穴之行動,可以爲各匪首帶來心理震撼,然而警察往往隨後便至,因此不能持久,只能偶一爲之。</div>
<div lang="zh-HK" style="margin-bottom: 0cm;">
<br /></div>
<div lang="zh-HK" style="margin-bottom: 0cm;">
所謂中策,即爲昨日的士慢駛行動。或曰,這豈不是令其他人受到不便嗎?正是如此。如果的士慢駛行動可以遍及全港<span style="font-family: Times New Roman, serif;">18</span>區,則並不於金鐘、銅鑼灣、旺角居住的民眾,亦會感受到佔中帶來的不便,從而加緊聲討佔中亂黨,當然所有的士及其他參與車輛都要繫上多條藍絲帶,以宣傳我等文明威武之師的實力!</div>
<div lang="zh-HK" style="margin-bottom: 0cm;">
<br /></div>
<div lang="zh-HK" style="margin-bottom: 0cm;">
所謂上策,聽起來比較奸狡,然而我國兵聖孫子有云,<span style="font-family: Times New Roman, serif;">''</span>兵者,詭道也<span style="font-family: Times New Roman, serif;">''</span>,要成大事就不能畏首畏尾,要用多點偷天換日的手段。</div>
<div lang="zh-HK" style="margin-bottom: 0cm;">
<br /></div>
<div lang="zh-HK" style="margin-bottom: 0cm;">
不才所想的上策,就是動員大量愛港力、愛港之聲、甚至同鄉會人士,全部戴上黃絲帶,然後到紅隧、獅隧、羅湖橋靜坐。之後再由曾偉雄曾經座鎮的新界北派遣警員逐個據點包圍<span style="font-family: Times New Roman, serif;">---</span>當然,要保證此少數精兵不聽從<span style="font-family: Times New Roman, serif;">AO</span>黨和地產黨號令,而對黨及梁振英同志忠心耿耿<span style="font-family: Times New Roman, serif;">---</span>再交由愛國幫會人士手繫藍絲帶,大叫<span style="font-family: Times New Roman, serif;">''</span>佔中擾民,清場有理<span style="font-family: Times New Roman, serif;">''</span>,然後示範和平清場,所有黃絲帶人士遇到藍絲帶都要自動起立鼓掌,然後逐一與警員、藍絲帶幫會人士握手。其中新記、和記、冧把高層與督察握手的照片,要交由文滙、大公、商報等做頭版。</div>
<div lang="zh-HK" style="margin-bottom: 0cm;">
<br /></div>
<div lang="zh-HK" style="margin-bottom: 0cm;">
如此,則可令民衆感到疑惑,爲何旺角、銅鑼灣乃至金鐘等地的亂黨難以驅逐呢?他們究竟收了多少的美金呢?於是就會對不撤退的亂黨更加反感。如此則佔中亂黨將盡失民心,一觸即潰,然後梁振英同志就可以挾平亂之勢,坐擁黑白兩道、偉大祖國的全力支持,推出二十三條,清算所有反中亂港者!</div>
<div lang="zh-HK" style="margin-bottom: 0cm;">
<br /></div>
<div lang="zh-HK" style="margin-bottom: 0cm;">
香港有事,黑白支援。啊,真偉大的景象。</div>
jackyhttp://www.blogger.com/profile/16476728886242158120noreply@blogger.com0tag:blogger.com,1999:blog-265489352246730875.post-57933351128186811822014-08-18T21:27:00.002+08:002014-08-18T21:35:40.631+08:00八一七遊行令跳樑小丑自取滅亡<div style="margin-bottom: 0cm;">
<span lang="zh-HK">香港昨天終於創造歷史,以驚天地泣鬼神之勢,舉行了</span>和平普選大遊行
<span lang="zh-HK">,各界扶老攜幼參與,<a href="https://hk.news.yahoo.com/%E5%8D%97%E4%BA%9E%E4%BA%BA%E9%9D%9E%E6%B4%B2%E4%BA%BA%E7%A9%BF%E6%B1%95%E5%B0%BE%E7%B8%BD%E6%9C%83t%E6%81%A4%E6%92%90%E5%A0%B4-222017998.html">有非洲及東南亞愛國愛港同志鼎力相助</a></span><span lang="zh-HK">,更有祖宗顯靈,令人數創新高達</span><span style="font-family: Times New Roman, serif;">11</span><span lang="zh-HK">萬人,比一眾以和平爲名,暴力佔中爲實的反動派所策動的<a href="http://www.nanzao.com/tc/hk/35584/xiang-gang-jing-fang-fan-zhan-zhong-you-xing-ren-shu-chao-guo-qi-yi">七一遊行人數更多</a></span><span lang="zh-HK">,堪稱近年愛國愛港同志的光輝勝利!策劃遊行的<a href="http://evchk.wikia.com/wiki/%E6%AA%94%E6%A1%88:%E5%B7%A5%E8%81%AF%E6%9C%83%E9%81%8A%E8%A1%8C%E5%A7%90%EF%BC%9A%E3%80%8C%E5%8F%8D%E4%B8%AD%E5%A4%AE%E3%80%81%E6%92%90%E5%BC%B5%E8%9E%8D%E3%80%8D">張融同志</a></span><span lang="zh-HK">,實應記一功,梁振英<a href="http://ent.i-cable.com/cen/news_video/index.php?video_id=41395">因公忘私</a></span><span style="font-family: Times New Roman, serif;"></span><span lang="zh-HK">,<a href="http://paper.wenweipo.com/2014/08/16/YO1408160004.htm">以個人名義親身支持</a></span><span lang="zh-HK">,更有大禹治水,三過家門而不入之聖賢風範!</span></div>
<div style="margin-bottom: 0cm;">
<span style="font-family: Times New Roman, serif;"><br /></span><span lang="zh-HK">此一壯舉非但令反動派面目無光,更令幾個潛伏多時之妖人暴光!例如掃把頭葉劉淑儀,竟於此時<a href="http://hk.apple.nextmedia.com/realtime/news/20140818/52805537">安排旗下香港青年會派錢予記者</a></span><span lang="zh-HK">,意圖栽贓嫁禍張融同志賄賂各國義士參與遊行!須知道葉劉乃</span><a href="http://jcch-land.blogspot.hk/2012/07/blog-post.html"><span style="font-family: Times New Roman, serif;">AO</span><span lang="zh-HK">黨要員</span></a><span lang="zh-HK">,<a href="http://orientaldaily.on.cc/cnt/news/20140818/00176_086.html">兼有子女於美帝升學</a></span><span lang="zh-HK">,代表陰暗角落的反對勢力,如今成爲立法會議員,實乃梁振英治港之心腹大患。</span></div>
<div style="margin-bottom: 0cm;">
<br /></div>
<div style="margin-bottom: 0cm;">
<span lang="zh-HK">尚有立法會主席曾鈺成,竟發</span><a href="http://tsangyoksing.blogspot.hk/2014/08/blog-post_18.html"><span style="font-family: Times New Roman, serif;"><<</span>鄭伯克段<span style="font-family: Times New Roman, serif;">>></span><span lang="zh-HK">妖文</span></a><span lang="zh-HK">,諷刺梁振英及其班子爲叔段一黨,不安於分,昧於實況,不得民心,最終將要被他這位鄭莊公平亂剪除!他不但<a href="https://hk.news.yahoo.com/%E6%9B%BE%E9%88%BA%E6%88%90%E8%A2%AB%E6%96%A5%E7%B8%B1%E5%AE%B9-%E6%96%BD%E8%99%90%E8%80%85-215831764.html">縱容激進反對派拉布</a></span><span lang="zh-HK">,以收買人心,而且<a href="http://hk.apple.nextmedia.com/news/art/20140508/18712968">公然拋棄社會主義,鼓勵台灣和西藏獨立</a></span><span lang="zh-HK">,可謂司馬昭之心,路人皆見!</span></div>
<div style="margin-bottom: 0cm;">
<br /></div>
<div style="margin-bottom: 0cm;">
<span lang="zh-HK">然而不才以爲,如今看似滿朝妖孽,實則形勢大好!秘密就在曾鈺成</span><span style="font-family: Times New Roman, serif;"><<</span><span lang="zh-HK">鄭伯克段</span><span style="font-family: Times New Roman, serif;">>></span><span lang="zh-HK">一文之中。曾鈺成、葉劉、林鄭等妖人,借外國勢力得以竊居高位,近日終於張牙舞爪,插贓嫁禍有之,借古諷今有之,借政改出位有之,皆借英美、地產黨之力敗壞朝綱。然而梁振英雄才大略,內有精忠報國,決心<a href="http://hk.apple.nextmedia.com/realtime/news/20140728/52738386">放棄居英權的張融</a></span><span lang="zh-HK">、雄辯滔滔的張志剛、<a href="http://news.stheadline.com/dailynews/content_hk/2012/11/18/215232.asp">擅打輿論戰的邵善波</a></span><span lang="zh-HK">、有教無類的羅范焦芬鼎力相助,外有偉大祖國全力支持,朝中妖孽之愚行,實乃莊公縱叛以平之,可見其人</span>不但精於謀略,而且善於了解情況,知己知彼
<span lang="zh-HK">,焉有不勝之理!他日妖人於普選提名之時,振英振臂一呼,<a href="http://eastweek.my-magazine.me/?aid=18456">洪門上海仔</a></span><span lang="zh-HK">、警務處處張曾偉雄等即率眾平亂,以大量鐵馬圍之於內,全港警力、洪門子弟斷敵援、破地產黨於外,解放軍於中環殲美帝艦隊於海上,則香港亂局,自當一舉掃平!</span></div>
<div style="margin-bottom: 0cm;">
<br /></div>
<div style="margin-bottom: 0cm;">
<span lang="zh-HK">香港之亂既平,振英自當另覓賢能代之。不才斗膽獻策,以擅於決斷之吳亮星任立法會主席,<a href="http://hk.apple.nextmedia.com/news/art/20140615/18760177">則可以随時剪布</a></span><span lang="zh-HK">,挫敗反對派之氣燄;以張融之能幹、善於組織,出任政務司司長,定必勝任有餘;又以張震遠、林奮強之公職經驗,可於立法會爲吳亮星左右手,內朝既安,則基本法二十三條立法定必水到渠成,所謂泛民、本土派,就只能噤若寒蟬,乃至土崩瓦解!再以蔡耀昌、</span>何喜華、<span lang="zh-HK">施麗珊等<a href="http://news.sina.com.hk/news/20140811/-9-3332321/1.html">統領新香港人,與舊香港人通力合作</a></span><span lang="zh-HK">,香港自可再現獅子山下之光芒!</span></div>
<div lang="zh-HK" style="margin-bottom: 0cm;">
<br /></div>
<div lang="zh-HK" style="margin-bottom: 0cm;">
八一七遊行,引出一小撮跳樑小丑,以壞梁振英之鴻圖大計,然而他們的惡行終必自招滅亡,如此則香港安定,祖國金融安全得保,有福同享矣!</div>
jackyhttp://www.blogger.com/profile/16476728886242158120noreply@blogger.com0tag:blogger.com,1999:blog-265489352246730875.post-39597837040817611622013-12-31T19:15:00.004+08:002013-12-31T19:15:57.239+08:00論希臘羅馬公民身份(下)
<div style="margin-bottom: 0cm;">
<span lang="zh-HK">論希臘羅馬公民身份</span><span style="font-family: Times New Roman, serif;">(</span><span lang="zh-HK">下</span><span style="font-family: Times New Roman, serif;">)</span></div>
<div style="margin-bottom: 0cm;">
<br />
</div>
<div style="margin-bottom: 0cm;">
<br />
</div>
<div style="margin-bottom: 0cm;">
<br />
</div>
<div lang="zh-HK" style="margin-bottom: 0cm;">
上篇講羅馬開放公民身份,積極吸納移民、戰敗國人民及解放奴隸加入公民行列,終於變成西方最偉大嘅帝國,接近擴張嘅極限。爲咗消除內戰,同時令帝國得以正常運作同發展,羅馬帝國嘅公民身份經過兩次重大嘅轉變。</div>
<div lang="zh-HK" style="margin-bottom: 0cm;">
<br />
</div>
<div lang="zh-HK" style="margin-bottom: 0cm;">
<br />
</div>
<div lang="zh-HK" style="margin-bottom: 0cm;">
奧古斯都:制度性吸納公民新血,促進帝國繁榮昌盛</div>
<div lang="zh-HK" style="margin-bottom: 0cm;">
<br />
</div>
<div lang="zh-HK" style="margin-bottom: 0cm;">
帝政初期,意大利半島已經變成羅馬帝國嘅本國,所有原來其他城市嘅公民都變成羅馬公民。於是公民身份如果要繼續開放,就要轉爲向廣大嘅行省人民開放。但如果向全部行省人民開放,唔單止引起原來嘅公民不滿,而且亦會超出當時制度嘅容納能力,最後天下大亂。</div>
<div lang="zh-HK" style="margin-bottom: 0cm;">
<br />
</div>
<div lang="zh-HK" style="margin-bottom: 0cm;">
深思熟慮之下,奧古斯都將吸納羅馬公民嘅方式制度化。其中一部分政策係由佢養父凱撒生前所制定,就係做醫生同教師可以成爲羅馬公民,不過唔可以世襲。此外,以前亦已經有贈予地方豪族公民權、或者俾有錢人買公民權嘅習慣。更大規模嘅吸納公民措施,同奧古斯都嘅軍事改革有關。</div>
<div lang="zh-HK" style="margin-bottom: 0cm;">
<br />
</div>
<div style="margin-bottom: 0cm;">
<span lang="zh-HK">奧古斯都爲咗</span>弭<span lang="zh-HK">兵息戰,決定將五十萬大軍大幅削減至十七萬人。但係,呢十七萬人,通稱軍團兵,並唔係羅馬嘅全部兵力。奧古斯都改革兵制之後,每個軍團除咗軍團兵,仲有數目相當嘅輔助兵。軍團兵只限羅馬公民應募,而輔助兵就專爲行省人民而設,而且軍團兵嘅裝備較佳,薪餉較高,服役年期更短,退休金亦更多</span><span style="font-family: Times New Roman, serif;">...</span><span lang="zh-HK">即使係咁,輔助兵依然吸引大量行省人民應募,因爲輔助兵退役之後,可以獲得羅馬公民身份,而且可以世襲。</span></div>
<div style="margin-bottom: 0cm;">
<br />
</div>
<div style="margin-bottom: 0cm;">
<span lang="zh-HK">當時嘅羅馬公民比起行省人民,實在有唔少優待,因此能夠吸引行省人民應募輔助兵。例如司法,羅馬公民唔怕受行省總督或者官吏欺壓,因爲有個喺羅馬嘅法院做上訴庭,咁就唔怕俾地方法官屈打成招;想做中央或地方官,更加係非羅馬公民不可參選或投票;最現兜兜嘅着數就係稅制,除咗人人都要俾嘅消費税</span><span style="font-family: Times New Roman, serif;">(</span><span lang="zh-HK">税率</span><span style="font-family: Times New Roman, serif;">1%)</span><span lang="zh-HK">,行省人民每年都要俾</span><span style="font-family: Times New Roman, serif;">10%</span><span lang="zh-HK">嘅行省税,而羅馬公民就唔駛俾行省税,只係要俾一筆過、税率</span><span style="font-family: Times New Roman, serif;">5%</span><span lang="zh-HK">嘅遺產税同解放奴隸税,而且前者只要係六等親以內繼承就免税,後者其實係奴隸嘅贖身費,主人通常只係暫時代繳</span><span style="font-family: Times New Roman, serif;">......</span></div>
<div lang="zh-HK" style="margin-bottom: 0cm;">
<br />
</div>
<div style="margin-bottom: 0cm;">
<span lang="zh-HK">於是,羅馬公民唔單止有地位,而且有現兜兜嘅着數,足以吸引大量行省民當兵、做教師及醫生;而吸納呢啲以職業貢獻帝國嘅行省民做羅馬公民,亦對帝國嘅防衛同發展有利。於是百多二百年後,羅馬帝國嘅精英階層,包括皇帝在內,就多咗好多以前係行省民、但努力咗幾代嚟貢獻帝國嘅家族。真係好有獅子山下精神</span><span style="font-family: Times New Roman, serif;">...</span><span lang="zh-HK">吖唔係,係羅馬精神先啱。事實上,而家唔少國家嘅投資移民同工作移民,喺精神上同羅馬帝國吸納公民嘅措施一樣,可以話,呢個係羅馬重要遺產之一。</span></div>
<div lang="zh-HK" style="margin-bottom: 0cm;">
<br />
</div>
<div lang="zh-HK" style="margin-bottom: 0cm;">
<br />
</div>
<div lang="zh-HK" style="margin-bottom: 0cm;">
卡拉卡拉:行省民自動變成羅馬公民,卒至帝國衰落</div>
<div lang="zh-HK" style="margin-bottom: 0cm;">
<br />
</div>
<div lang="zh-HK" style="margin-bottom: 0cm;">
奧古斯都改革,奠定羅馬帝國發展強盛嘅基礎。兩百幾年後,一個唔多出名嘅羅馬皇帝卡拉卡拉,頒布咗一個“安東尼奧勒令”,結果摧毀咗呢個基礎。勒令嘅內容好簡單,就係將所有未曾取得羅馬公民身份嘅行省人民,升級做羅馬公民。</div>
<div lang="zh-HK" style="margin-bottom: 0cm;">
<br />
</div>
<div lang="zh-HK" style="margin-bottom: 0cm;">
公平,真係好公平;大鑊,真係好大鑊。</div>
<div lang="zh-HK" style="margin-bottom: 0cm;">
<br />
</div>
<div style="margin-bottom: 0cm;">
<span lang="zh-HK">公平,大家好易理解,因爲所有行省人民</span><span style="font-family: Times New Roman, serif;">---</span><span lang="zh-HK">直到呢個時代,依然佔帝國境內大多數</span><span style="font-family: Times New Roman, serif;">---</span><span lang="zh-HK">自此變成羅馬公民,享有同等嘅司法權利、政治權利、仲有低稅率。但係大鑊呢一點,如果你唔係羅馬皇帝或者執政官、總督、元老院議員等等嘅國家棟樑,又冇一千八百年後嘅馬後炮觀點,當時嘅人未必咁容易睇得出。</span></div>
<div lang="zh-HK" style="margin-bottom: 0cm;">
<br />
</div>
<div lang="zh-HK" style="margin-bottom: 0cm;">
首先,我哋睇返上面,奧古斯都改革之初,點解唔將整個帝國嘅人都變成羅馬公民。就係怕當時原來嘅公民反感,與及要令制度可以容易處理,避免天下大亂。卡拉卡拉嘅勒令,正正就係導致奧古斯都最想避免嘅情況出現。</div>
<div lang="zh-HK" style="margin-bottom: 0cm;">
<br />
</div>
<div style="margin-bottom: 0cm;">
<span lang="zh-HK">原有公民嘅反感並未大到排擠新香港人</span><span style="font-family: Times New Roman, serif;">...</span><span lang="zh-HK">吖應該係新羅馬公民,但係佢哋當中大多數都係親自或者有先祖嘅努力同貢獻,先至可以成爲公民;但而家嘅新公民,喺佢哋眼中,根本乜都冇做過就有公民身份。而新公民就認爲,好命好過好波,駛乜做輔助兵喺雪山、森林、沙漠同蠻族死過吖,而家皇帝開句聲就令大家都可以拎到着數,哈哈哈,咁搏咁勤力,把鬼咩。結果,就係爲國盡忠、貢獻社會嘅羅馬精神,變得蕩然無存。</span></div>
<div lang="zh-HK" style="margin-bottom: 0cm;">
<br />
</div>
<div lang="zh-HK" style="margin-bottom: 0cm;">
失去奮發向上嘅精神,任何制度都好難有效運作,何況呢條勒令嘅後果,會直接沖擊當時嘅各種制度。例如司法制度,本來羅馬嘅“終審法院”只爲佔少數嘅羅馬公民而設,但而家人數一次多咗幾倍,案件數量亦成比例咁增加幾倍,但法官同律師冇辦法同時增加,咁你話,點算?結果就係,終審法院接近癱瘓,十五年後另一個皇帝被逼立法,將終審權交俾行省總督。以前最少有部分人可以上訴,而家個個都冇得上訴,真係好公平。</div>
<div lang="zh-HK" style="margin-bottom: 0cm;">
<br />
</div>
<div style="margin-bottom: 0cm;">
<span lang="zh-HK">又例如財政。呢樣就真係小學生都識計,一生人交一次</span><span style="font-family: Times New Roman, serif;">5%</span><span lang="zh-HK">嘅遺產稅</span><span style="font-family: Times New Roman, serif;">(</span><span lang="zh-HK">仲要六等親以內免税</span><span style="font-family: Times New Roman, serif;">)</span><span lang="zh-HK">、解放奴隸税,同每年</span><span style="font-family: Times New Roman, serif;">10%</span><span lang="zh-HK">嘅行省民税比,邊樣嘅稅收多啲?咁你話,咁搞法帝國財政一下子少咗咁多收入,點算?嗰陣又未有債券,何況債券都要有足夠稅收擔保先有人敢買,唯有每次政府要錢嘅時候就加新税,加下加下稅率就高到不得了,同時税項多到記唔住。羅馬本來嘅簡單低税率稅制,就變成複雜高稅率稅制,而全體羅馬公民,不分新舊都要硬食,真係好公平。</span></div>
<div lang="zh-HK" style="margin-bottom: 0cm;">
<br />
</div>
<div lang="zh-HK" style="margin-bottom: 0cm;">
更大鑊嘅係軍事。輔助兵之所以可以忍受低薪同更長嘅服役年期,完全因爲退休之後可以得到羅馬公民身份。而家忽然間人人都係羅馬公民,咁輔助兵自然會要求同軍團兵同工同酬,雖然會大大加重財赤,但係咁先公平㗎嘛。</div>
<div lang="zh-HK" style="margin-bottom: 0cm;">
<br />
</div>
<div lang="zh-HK" style="margin-bottom: 0cm;">
不過,喺羅馬嘅軍隊入面,公平係會好大鑊。首先,輔助兵最大嘅吸引力在於退役後嘅公民身份,而家忽然冇咗呢重吸引力,就令行省嘅“新羅馬公民”再冇動力當兵,做成徵兵困難,即使後來同工同酬都冇辦法湊足新兵。其次,以前輔助兵表現得好,可以升格做軍團兵,甚至做百夫長同軍官,而家冇咗升做軍團兵呢部分,就令佢哋當中嘅大多數都唔再願意爭取表現,而原有嘅軍團兵亦因缺少競爭而變得怠惰。</div>
<div lang="zh-HK" style="margin-bottom: 0cm;">
<br />
</div>
<div lang="zh-HK" style="margin-bottom: 0cm;">
呢個公平咗但又懶咗嘅軍隊環境,加上日漸加劇嘅財政赤字、時有時冇嘅軍餉,與及全體新舊公民突然失去奮發向上嘅動力,結果就係後世所謂嘅三世紀危機:蠻族屢次擊敗羅馬軍,喺帝國境內燒殺掠奪;將領擁兵自重,各據一方,內戰打個不停;行政癱瘓,法律廢弛,各級政府無法運作。最後羅馬帝國實在太亂,於是戴克里先爲咗重整帝國,決定將帝國嘅根本,由法治改爲高壓極權,羅馬帝國於是變質、最後瓦解。當然,喺帝國末年,幾乎人人都要交重税,俾蠻族搶過幾次家當,最後成個西羅馬帝國滅亡,齊齊做亡國奴,一樣係好公平。</div>
<div lang="zh-HK" style="margin-bottom: 0cm;">
<br />
</div>
<div lang="zh-HK" style="margin-bottom: 0cm;">
<br />
</div>
<div lang="zh-HK" style="margin-bottom: 0cm;">
國家的公民如何,國家的日子也必如何</div>
<div lang="zh-HK" style="margin-bottom: 0cm;">
<br />
</div>
<div lang="zh-HK" style="margin-bottom: 0cm;">
由希臘羅馬文明嘅公民身份變遷可見,公民身份有幾開放、點樣開放,都會影響國家嘅發展。因此後世對於公民權利義務點樣界定,點樣吸納移民,都視爲重要嘅國策。太狹隘會妨礙發展,太開放會敗壞國政,人人冇權同人人都有好多權,同樣會危害國家生命。國家的公民如何,國家的日子也必如何。</div>
jackyhttp://www.blogger.com/profile/16476728886242158120noreply@blogger.com0tag:blogger.com,1999:blog-265489352246730875.post-44186396036828761602013-12-31T19:15:00.001+08:002013-12-31T19:15:23.616+08:00論希臘羅馬公民身份(中)
<div style="margin-bottom: 0cm;">
<span lang="zh-HK">論希臘羅馬公民身份</span><span style="font-family: Times New Roman, serif;">(</span><span lang="zh-HK">中</span><span style="font-family: Times New Roman, serif;">)</span></div>
<div style="margin-bottom: 0cm;">
<br />
</div>
<div style="margin-bottom: 0cm;">
<br />
</div>
<div style="margin-bottom: 0cm;">
<br />
</div>
<div lang="zh-HK" style="margin-bottom: 0cm;">
上篇講完希臘城邦嘅公民身份,呢篇開始輪到講羅馬嘅公民身份。羅馬人嘅公民身份同希臘人唔同,於是國家嘅發展方向亦唔同。</div>
<div lang="zh-HK" style="margin-bottom: 0cm;">
<br />
</div>
<div lang="zh-HK" style="margin-bottom: 0cm;">
<br />
</div>
<div lang="zh-HK" style="margin-bottom: 0cm;">
羅馬王政及共和:公民身份成爲擴張工具</div>
<div lang="zh-HK" style="margin-bottom: 0cm;">
<br />
</div>
<div lang="zh-HK" style="margin-bottom: 0cm;">
羅馬建城之初,出現以下嘅故事:</div>
<div lang="zh-HK" style="margin-bottom: 0cm;">
<br />
</div>
<div lang="zh-HK" style="margin-bottom: 0cm;">
羅慕路斯佔七山爲王,建立羅馬城。但係當時嘅羅馬人多數都係第二度嚟嘅逃犯、奴隸、貧民,幾乎個個都冇老婆,於是佢哋宴請附近嘅薩賓人,然後老笠咗幾百個女人。薩賓人當然唔肯罷休,出兵攻打羅馬,就喺雙方死傷眾多之際,薩賓女人帶埋仔女一齊衝出嚟,擋住雙方唔俾佢哋打仗。原來佢哋已經同羅馬人結婚生仔,唔想老公同自己外家打仗,希望佢哋講和。結果羅馬人同薩賓人講和,而且薩賓人全體搬入羅馬城居住,享有同羅馬人一樣嘅權利,羅慕路斯同薩賓人國王共同爲王。</div>
<div lang="zh-HK" style="margin-bottom: 0cm;">
<br />
</div>
<div style="margin-bottom: 0cm;">
<span lang="zh-HK">呢個薩賓婦女嘅故事,反映出羅馬人同希臘人喺公民身份方面有唔同嘅概念。希臘人認爲,公民權係睇血緣,完全唔接納外國人同奴隸做公民;但係羅馬人最少願意定一個條件,嚟吸納其他地方嘅人做公民。而羅馬建城之後經歷七個國王,當中大部分時間都係進行“征服鄰近城市</span><span style="font-family: Times New Roman, serif;">=></span><span lang="zh-HK">吸納戰敗城市人民做羅馬公民”嘅擴張工作,同時亦以開放嘅羅馬公民身份嚟吸引其他地方嘅人移民。</span></div>
<div lang="zh-HK" style="margin-bottom: 0cm;">
<br />
</div>
<div lang="zh-HK" style="margin-bottom: 0cm;">
後來羅馬城驅逐國王建立共和,依然繼續進行征戰。因爲羅馬城已經好多人,加上周圍容易征服嘅城市都已經被吸收,所以佢哋冇再將戰敗城市嘅人全部吸納。但係,佢哋建立羅馬聯盟將鄰近嘅城市接收,令佢哋成爲永久性嘅同盟或者附庸,同時賦予選舉權同被選舉權以外同羅馬公民權同等嘅拉丁同盟權,佢哋如果肯搬入羅馬,更加可以移民成爲羅馬公民;同時,古代有戰爭就會有人被俘虜淪爲奴隸,但係羅馬人鼓勵奴隸儲錢贖身成爲解放奴隸,佢哋嘅仔女就可以獲得羅馬公民身份。</div>
<div lang="zh-HK" style="margin-bottom: 0cm;">
<br />
</div>
<div lang="zh-HK" style="margin-bottom: 0cm;">
到後來羅馬聯盟嘅範圍擴大到整個意大利半島,羅馬聯盟嘅其他城市公民,希望能夠獲得羅馬公民權,但羅馬拒絕,於是佢哋決定出兵攻打羅馬,結果羅馬雖然打敗呢啲城市,但由於呢個係利用羅馬公民權嚟分化造反城市嘅結果,所以呢啲城市嘅公民終於得償所願,全部成爲羅馬公民。</div>
<div lang="zh-HK" style="margin-bottom: 0cm;">
<br />
</div>
<div lang="zh-HK" style="margin-bottom: 0cm;">
<br />
</div>
<div lang="zh-HK" style="margin-bottom: 0cm;">
開放公民身分,做就帝國但摧毀共和</div>
<div lang="zh-HK" style="margin-bottom: 0cm;">
<br />
</div>
<div lang="zh-HK" style="margin-bottom: 0cm;">
開放公民身份嘅好處,同上篇講嘅完全封閉希臘公民身份相比,實在顯而易見。羅馬公民嘅人數,因爲積極吸納其他城市嘅公民而不斷增加,由幾千人增加至幾十萬人,因此兵力亦比任何希臘城邦都多。雅典喺西西里損失三萬人,就足以導致衰落,但係羅馬喺第二次布匿克戰爭俾漢尼拔大敗三次,其中坎尼會戰有近七萬人戰死,但係依然能夠不斷徵兵再戰,唔單只鄰近城市願意提供兵力,連奴隸都可以即刻解放組成軍團,卒之轉危爲安,將大敵迦太基打敗,成爲地中海霸主。</div>
<div lang="zh-HK" style="margin-bottom: 0cm;">
<br />
</div>
<div style="margin-bottom: 0cm;">
<span lang="zh-HK">不過開放嘅公民身份亦做成危機,最終摧毀共和。喺我之前嘅文章</span><span style="font-family: Times New Roman, serif;">(<span style="color: navy;"><span lang="zxx"><u><a href="http://www.vjmedia.com.hk/articles/2013/10/11/51464)%E5%B0%B1%E6%8F%90%E9%81%8E">http://www.vjmedia.com.hk/articles/2013/10/11/51464)</a></u></span></span></span><span style="color: navy;"><u><span lang="zxx"><a href="http://www.vjmedia.com.hk/articles/2013/10/11/51464)%E5%B0%B1%E6%8F%90%E9%81%8E">就提過</a></span></u></span><span lang="zh-HK">,羅馬嘅投票制度係一種要經過公民討論再投票嘅直接民主制度,而直接民主制度有一個特點,就係人多就會癱瘓同腐化。因爲人多就好難透過商議同辯論,令所有與會者可以思考各方立場再投票</span><span style="font-family: Times New Roman, serif;">---</span><span lang="zh-HK">聽又聽唔到,講又冇機會講,甚至場都入唔到,呢啲討論會點參與呀?呢點各位如果有參加反國教集會,而又入唔到政總大門嘅,一定即刻明白。結果就係,賄選造票取代商議辯論,內戰又進一步取代公民大會主宰國政,最終摧毀羅馬共和。</span></div>
<div lang="zh-HK" style="margin-bottom: 0cm;">
<br />
</div>
<div lang="zh-HK" style="margin-bottom: 0cm;">
而當羅馬共和名存實亡,即係屋大維獲封爲第一公民及奧古斯都兩大頭銜之日,羅馬已經變成本國範圍覆蓋整個意大利、行省遍布整個地中海及西歐,西方史上最偉大嘅帝國,咁亦導致羅馬公民身份出現變化。</div>
jackyhttp://www.blogger.com/profile/16476728886242158120noreply@blogger.com0tag:blogger.com,1999:blog-265489352246730875.post-58408550531422427082013-12-31T19:14:00.000+08:002013-12-31T19:14:05.829+08:00論希臘羅馬公民身份(上)輔仁投稿版在此。爲怕有人too long don't read,於是網誌以原來分成三篇嘅方式刊登。<br />http://www.vjmedia.com.hk/articles/2013/12/31/58942<br />
<br />
<div style="margin-bottom: 0cm;">
<span lang="zh-HK">論希臘羅馬公民身份</span><span style="font-family: Times New Roman, serif;">(</span><span lang="zh-HK">上</span><span style="font-family: Times New Roman, serif;">)</span></div>
<div lang="zh-HK" style="margin-bottom: 0cm;">
<br />
</div>
<div lang="zh-HK" style="margin-bottom: 0cm;">
<br />
</div>
<div lang="zh-HK" style="margin-bottom: 0cm;">
<br />
</div>
<div lang="zh-HK" style="margin-bottom: 0cm;">
<br />
</div>
<div lang="zh-HK" style="margin-bottom: 0cm;">
身份,從來都係人類活動嘅基礎,所有家庭、機構、以至社會,都有將人劃分爲唔同身份嘅習慣。而且呢個分類係立體嘅,既有水平嘅內外之分,亦有垂直嘅上下之分。可以話,呢樣係源於某種生物遺傳,自然會出現嘅人類本能。</div>
<div lang="zh-HK" style="margin-bottom: 0cm;">
<br />
</div>
<div lang="zh-HK" style="margin-bottom: 0cm;">
當我哋將人類嘅組織規模擴大,直到國家嘅層面,就會發現,有一種身份特別重要,可以話係現代國家嘅基礎:公民。公民,現代嚟講泛指一國之中有權參與國政嘅人,附帶有各種權利同義務。而呢個概念完全由西方而來,所以直到今日,香港呢個中國殖民地依然好多人完全唔明何謂公民,或者一知半解。</div>
<div lang="zh-HK" style="margin-bottom: 0cm;">
<br />
</div>
<div style="margin-bottom: 0cm;">
<span lang="zh-HK">就算喺西方,公民嘅概念都經過唔少轉變。以下就簡介希臘同羅馬嘅公民身份概念,順便以馬後炮角度講解一下當年嘅概念帶嚟乜嘢後果。至於借古鑑今?</span><span style="font-family: Times New Roman, serif;">well</span><span lang="zh-HK">,冇話唔得嘅,但係咁,如果想做真正公民,麻煩先幫香港解殖,因爲殖民地蟻民喺政治上根本冇權話事,冇得參與話事過程就唔係公民,完。</span></div>
<div lang="zh-HK" style="margin-bottom: 0cm;">
<br />
</div>
<div lang="zh-HK" style="margin-bottom: 0cm;">
<br />
</div>
<div lang="zh-HK" style="margin-bottom: 0cm;">
希臘城邦時期:極爲封閉的公民身份</div>
<div lang="zh-HK" style="margin-bottom: 0cm;">
<br />
</div>
<div lang="zh-HK" style="margin-bottom: 0cm;">
有人認爲,希臘城邦係現代西方政體嘅根源,實際上唔可以好簡單咁講,西方國家嘅政治制度源於二千幾年前希臘城邦嘅某某制度,好多時最多只係個名似,內容已經好唔同。起碼,現代西方國家界定公民嘅方式,已經同希臘城邦時代差好遠。</div>
<div lang="zh-HK" style="margin-bottom: 0cm;">
<br />
</div>
<div lang="zh-HK" style="margin-bottom: 0cm;">
希臘城邦嘅公民身份可謂非常封閉,取得方式只有一個:父母都係該城邦嘅人,所生嘅成年男性。係呀,就係咁簡單,因爲希臘城邦並非現代國家,而係部落遷徙然後定居,再發展出嚟。部落嘅排他性非常徹底,完全以血緣劃界,成員只會來自同一祖先嘅幾個氏族,希臘城邦幾乎完全繼承呢個特徵。</div>
<div lang="zh-HK" style="margin-bottom: 0cm;">
<br />
</div>
<div style="margin-bottom: 0cm;">
<span lang="zh-HK">當時城邦公民身份封閉到不得了,所以根本冇移民嘅概念,外邦人嚟到城邦之後,無論幾傑出,都唔會取得城邦公民資格。例如希臘三哲都係喺雅典教哲學,其中蘇格拉底同柏拉圖都係雅典公民,但亞里士多德嘅哲學成就唔差得過前面兩位,而且係亞歷山大大帝嘅老師,又開學堂教哲學,居然從來冇取得過雅典公民身份,喺現代嚟講都幾出奇,現代國家莫講話對國家有傑出貢獻嘅偉人,就算本來揸嘅只係工作簽證嘅普通人,都有機會拎到國籍與及全套公民權利。但係希臘城邦就係咁納粹,你唔係阿利安人</span><span style="font-family: Times New Roman, serif;">...</span><span lang="zh-HK">吖,應該話唔係雅典人嘅話,你身身世世都唔係雅典人,呢一點所有城邦都係一樣。</span></div>
<div lang="zh-HK" style="margin-bottom: 0cm;">
<br />
</div>
<div lang="zh-HK" style="margin-bottom: 0cm;">
一開始我講過,人嘅身份有內外之分,亦有上下之分。希臘城邦入面上下之分係乜嘢呢?就係奴隷、農奴之類,永遠唔會做到公民。而通常公民之間亦有等級劃分,等級之間亦不能僭越。即使雅典公民有同等政治權利,到行軍打仗嘅時候,亦要按照財產劃分,有錢人可以騎馬做騎兵,普通人就要落地做方陣步兵,窮人就要做冇裝甲嘅輕裝步兵或者水手,就算你武功蓋世,只要你係最低層嘅公民,都要喺戰船入面划槳。</div>
<div lang="zh-HK" style="margin-bottom: 0cm;">
<br />
</div>
<div lang="zh-HK" style="margin-bottom: 0cm;">
<br />
</div>
<div lang="zh-HK" style="margin-bottom: 0cm;">
封閉公民身份,提高城邦凝聚力但限制發展</div>
<div lang="zh-HK" style="margin-bottom: 0cm;">
<br />
</div>
<div style="margin-bottom: 0cm;">
<span lang="zh-HK">希臘城邦源於部落傳統,因此公民劃分亦帶有部落色彩,只睇血緣關係,極之排外,就算係納粹都唔會封閉成咁。以現代人嘅眼光嚟睇,呢啲就係封建落後,連意大利黑手黨教父都收契仔,啲古希臘人竟然文塞到咁</span><span style="font-family: Times New Roman, serif;">...</span></div>
<div lang="zh-HK" style="margin-bottom: 0cm;">
<br />
</div>
<div lang="zh-HK" style="margin-bottom: 0cm;">
不過,正因爲封閉,所以有現代國家難以想像嘅凝聚力。最少係伯羅奔尼撒戰爭之前,希臘城邦嘅凝聚力極強,公民幾乎人人爲國盡忠,永遠同城邦榮辱與共,一言以概之,即係“公民即國家”。呢種凝聚力喺戰爭時期特別有用,佢哋面對外敵,城邦內部可以團結一致,死纏爛打,直到敵人知難而退爲止。例如波希戰爭嗰陣,波斯人喺溫泉關以幾十萬大軍進攻得千分之一數量嘅希臘聯軍,竟然足足被阻擋三日;雅典城被波斯人佔據,但雅典人並冇投降,反而喺全體撤離雅典城之餘聚集海軍,喺薩拉米斯海戰大破強大嘅波斯艦隊。呢種成就,只有希臘城邦先做得到。</div>
<div lang="zh-HK" style="margin-bottom: 0cm;">
<br />
</div>
<div lang="zh-HK" style="margin-bottom: 0cm;">
不過希臘城邦之所以能夠以小勝大,仲有另一個原因,就係佢哋本身就好戰成性。呢個特質,結合埋公民身份對外、對下都絕對封閉嘅性質,就有一個後果:人力不足,發展嚴重受限。又以雅典爲例,雅典曾經稱霸愛琴海,半個希臘都以佢馬首是瞻,但佢嘅公民數量真係少到嚇親人:就算係鼎盛時期,都只有約六萬人。六萬人,香港搵四、五個大型屋苑,居民數量都一定多過呢個數字。所以佢哋無論打贏幾多仗,都冇辦法徹底控制勢力範圍入面所有城邦,更加唔駛講將呢啲小城邦同化,變成一個大雅典,因爲六萬人實在太少,如果分成幾十個小部隊,分散喺海岸線複雜嘅希臘入面,好容易就會被逐個擊破。而雅典人又唔會開放公民身份,俾任何非雅典人,或者人數比公民更多嘅雅典奴隸。斯巴達嘅情況一樣,佢哋嘅步兵戰鬥力超群,但係公民數量更少,所以即使擊敗雅典成爲新霸主,都冇辦法長期維持霸權。</div>
<div lang="zh-HK" style="margin-bottom: 0cm;">
<br />
</div>
<div lang="zh-HK" style="margin-bottom: 0cm;">
每個希臘城邦嘅權力基礎,只有幾百至幾萬個公民,而公民嘅增長方式又只有自然增長一個方法。所以任何敗仗對城邦嚟講,都係一個巨大嘅災難。雅典就係因爲喺西西里全軍覆沒而衰落,但事實上,佢哋損失嘅只係大概三萬人,如果係其他型態嘅國家例如波斯帝國,或者係當時嘅北方蠻族,佢哋好多時輸一場仗就死傷被俘共十萬人,然後好快又可以聚集兵力再打一仗。但係對雅典人嚟講,就等於死咗一半以上嘅公民,立即做成希臘世界巨大嘅震撼,足以成爲佢哋所有敵人撕毀和約重新開戰嘅充分理由。最後,經過連年戰亂之後,希臘城邦嘅呢個缺點,令希臘始終一盤散沙,無法抗拒馬其頓、羅馬嘅征服,而希臘城邦亦成爲歷史陳跡。</div>
jackyhttp://www.blogger.com/profile/16476728886242158120noreply@blogger.com0tag:blogger.com,1999:blog-265489352246730875.post-91447205347706010632013-10-19T13:13:00.004+08:002013-10-19T13:13:33.451+08:00十九流奴才專倒主子米
<div style="margin-bottom: 0cm;">
<span lang="zh-HK">一年前我寫咗一篇文章</span><span style="font-family: Times New Roman, serif;">(<span style="color: navy;"><span lang="zxx"><u><a href="http://jcch-land.blogspot.hk/2012/11/blog-post.html">http://jcch-land.blogspot.hk/2012/11/blog-post.html</a></u></span></span>)</span><span lang="zh-HK">,講當時政府啞忍某政權寵物嘅亞視,實在係九流奴才嘅所爲。早幾日,政府公布咗電視免費牌照嘅申請結果,香港電視竟然落選,咁我又寫篇續篇講下呢件事啦。</span></div>
<div style="margin-bottom: 0cm;">
<br /></div>
<div lang="zh-HK" style="margin-bottom: 0cm;">
<br />
</div>
<div style="margin-bottom: 0cm;">
<span lang="zh-HK">其實,如果由開始討論發免費電視牌嘅時候講起,當時嘅政府都係奴才,但絕對唔會衰到九流嘅地步。王維基自己講,係</span><span style="font-family: Times New Roman, serif;">2009</span><span lang="zh-HK">年</span><span style="font-family: Times New Roman, serif;">12</span><span lang="zh-HK">月政府主動打電話邀請佢申請免費電視牌照,然後又喺</span><span style="font-family: Times New Roman, serif;">2011</span><span lang="zh-HK">年喺將軍澳批地皮俾佢起電視城,你話,嗰陣政府未必知道王維基係咪會令電視界翻天覆地,但肯定有誠意俾佢大搞特搞,而既然搵得鬧亞視唔應該做中央十台嘅維基,咁一定係唔順超亞視啦。依照我上篇嘅標準,大概上屆政府係想做一流奴才,又或者真心想改革電視廣播界,所以先會搵呢個翹口杉手嘅人嚟玩埋一份。何況佢都成日話,自己唔想搞新聞,淨係想拍劇,又做過政協,應該對某政權冇威脅喇啩,香港人好易滿足,有好戲睇仲上乜鬼街吖。</span></div>
<div style="margin-bottom: 0cm;">
<br /></div>
<div lang="zh-HK" style="margin-bottom: 0cm;">
<br />
</div>
<div style="margin-bottom: 0cm;">
<span lang="zh-HK">但真係估唔到,一到</span><span style="font-family: Times New Roman, serif;">689</span><span lang="zh-HK">上台,就成件事都變晒,由上年年中王維基已經批評政府拖延發牌,其實已經聞到政府浸除唔同咗,當然,喺其他方面其實全香港都聞到。然後就係亞視兩次喺政總示威,結果政府從惡如流,就咁收咗香港電視皮</span><span style="font-family: Times New Roman, serif;">...</span></div>
<div style="margin-bottom: 0cm;">
<br /></div>
<div lang="zh-HK" style="margin-bottom: 0cm;">
<br />
</div>
<div style="margin-bottom: 0cm;">
<span lang="zh-HK">蠢,真係蠢,真係好鬼蠢。要玩敵我分明就玩得明顯啲,邊有人會攬住隻癲狗攬得咁肉酸,仲要照舊俾隻狗咬到流晒血,話唔排除採取進一步行動先得㗎?係攬就攬得好啲,直頭話而家兩個電視台就夠吖嘛!話就話嗰兩個台冇免費頻譜,但佢哋只要用一蚊台嘅信號傳送方式就可以俾大部分住戶睇到,對垃圾亞視都好大威脅!何況家陣維基唔係自己友,九倉有線同小超人</span><span style="font-family: Times New Roman, serif;">Now</span><span lang="zh-HK">就係自己友喇咩?佢哋選特首嗰陣有投</span><span style="font-family: Times New Roman, serif;">689</span><span lang="zh-HK">咩?</span></div>
<div style="margin-bottom: 0cm;">
<br /></div>
<div lang="zh-HK" style="margin-bottom: 0cm;">
<br />
</div>
<div style="margin-bottom: 0cm;">
<span style="font-family: Times New Roman, serif;">OK</span><span lang="zh-HK">,就算唔用</span><span style="font-family: Times New Roman, serif;">689</span><span lang="zh-HK">最鍾意嘅敵我矛盾,用佢老闆即係某政權嘅河蟹維穩嚟講吖。香港電視嘅節目質素,大家有目共睹,睇完片花會好期待睇晒成套,香港嘅節目幾耐未試過咁?就算係不問世事唔講政治嘅師奶,都會睇電視,想睇好嘅劇集啦。政府用咁肉酸嘅方式收香港電視皮,係咪想連最維穩嘅師奶都逼上街頭?</span></div>
<div style="margin-bottom: 0cm;">
<br /></div>
<div lang="zh-HK" style="margin-bottom: 0cm;">
<br />
</div>
<div style="margin-bottom: 0cm;">
<span lang="zh-HK">我上一篇講嘅奴才論,就算係九流,都唔會特登倒主子米,但今屆政府,特別係</span><span style="font-family: Times New Roman, serif;">689</span><span lang="zh-HK">同埋頭馬將痔幹,就真係倒米到不得了,九流都不如,頂盡都係十九流。第日周街香港旗、港英旗、甚至維園播</span><span style="font-family: Times New Roman, serif;">HKTV</span><span lang="zh-HK">節目嚟反抗政府同某政權嘅時候,唔知佢哋有乜下場?</span></div>
jackyhttp://www.blogger.com/profile/16476728886242158120noreply@blogger.com0tag:blogger.com,1999:blog-265489352246730875.post-68408515318480172662013-10-12T11:26:00.002+08:002013-10-12T11:26:42.067+08:00雜論羅馬共和國末年之政制、選舉及其影響多謝輔仁網咁長都唔介意照登呢篇文<br />
<br />
<br />
<br />
<br />
<br />http://www.vjmedia.com.hk/articles/2013/10/11/51464<br />
<br />
<br />
近日香港就政改問題,特別係當中嘅特首選舉方法,有相當熱烈嘅討論。有「國師」之稱嘅陳雲,喺中國國慶日<a href="http://hk.news.yahoo.com/blogs/sandwich/%E9%81%B8%E6%93%87%E6%B0%91%E4%B8%BB%E5%88%B6%E5%BA%A6-%E6%B1%BA%E5%AE%9A%E6%94%BF%E5%BA%9C%E9%A2%A8%E6%A0%BC-013910857.html" target="_blank">發表文章</a>,
主張提名門檻不能過低,尤其唔應該採用公民提名爲主嘅方法。我大致上唔反對佢嘅意見,但當中佢用羅馬選舉爲例,就略嫌簡略,而且實際上忽略咗當時選舉方式
最重要嘅結果 - 内戰。正所謂前事不忘,後事之師,所以,就由我喺度爲大家稍爲講解一下究竟當時嘅政制同選舉係點嘅,與及由此我對香港政改嘅一啲意見。<br />
<br />
<br />
<br />
<h2>
<strong>政治制度簡介</strong></h2>
<h2>
<strong> </strong></h2>
所謂選舉,即係指國家元首、議員及重要官員嘅選舉方式,因此介紹選舉制度之前,亦需要講下羅馬共和國末年嘅政治制度係點。<br />
<br />
<br />
喺公元前一世紀嘅羅馬,佢哋嘅元首叫做執政官,共有兩名,後期規定必須一名係貴族一名係平民,任期係一年。佢哋負責嘅係領兵出征,與及每月輪流主持
元老院會議,仲有…冇仲有喇,係得咁多。可想而知,呢兩個執政官,以現代嘅政治制度嚟講,權力實在好少,任期又真係好短,政治實權係喺元老院手上。事實上
執政官喺當時嘅羅馬人心目中,係總司令多過政治元首,所以假設一個地方嘅戰事一年都搞唔掂,又或者共和國後期有行省需要治理,元老院會派呢啲啱啱卸任嘅執
政官去呢啲戰場同行省,名爲資深執政官,甚至到咗共和國末年,爭住選執政官嘅目的,就係爲咗之後做資深執政官撈油水。另外有裁判官,除咗主要嘅法官功能,
主要係當作副執政官,但數量喺羅馬共和國後期經常變動。<br />
<br />
<br />
羅馬共和國政治制度嘅特色,在於實權並唔係喺元首或者官員,而係喺各類會議入面,而當中實權最大、地位最高嘅,莫過於元老院。元老院可以負責派遣及
接待外國使者,指派官員去管理公共土地,包括埋頭先講嘅資深執政官負責嘅地區,指揮軍隊以及分配公共資金。而最重要嘅係,可以提供法律建議,然後由羅馬平
民大會通過執行。簡單嚟講,元老院就係身兼而家歐美嘅內閣同埋上議院/參議院,各位立法會議員,很想要吧。<br />
<br />
<br />
當然,元老院咁有power,都應該有其他官職制衡,最重要嘅就係羅馬平民大會嘅主席—保民官,共十名,佢哋可以代表平民反抗對平民唔公平嘅議案,
並且喺平民大會提出新法案,但法案只對平民有效。不過保民官除此之外並唔負責其他決策,加上到共和國末期,通常會喺任滿後加入元老院,所以重要性相對減
少。另外仲有元老院議員入面做過執政官兼且係地位最崇高嘅人,先可以出任嘅監察官共兩名,任期兩年,負責監察共和國治下所有地區嘅公共事務及財政,推薦新
人加入元老院,與及當元老院議員做出不當失德行爲,可以剝奪佢嘅議員資格。<br />
<br />
<br />
此外亦有較次要、負責財政嘅財務官,與及高一級嘅市政官,呢兩個職位主要係作爲參選裁判官及執政官嘅階梯。<br />
<br />
<br />
<br />
<h2>
<strong>主要官職及元老院議員之選舉制度</strong></h2>
<h2>
<strong> </strong></h2>
上面講咗咁多,終於嚟到今次嘅重點,就係羅馬共和國嘅選舉制度。究竟呢啲主要官職同議員,係點樣選出嚟嘅呢?<br />
<br />
<br />
執政官同裁判官係每年由百人會議選出,而百人會議實際上係將所有羅馬公民按經濟階級分成五等,然後分成193個百人隊,貴族及官員佔18個,普通平
民佔170個,貧民(當年嘅”貧窮線”係指窮到買唔到武器,當唔到兵)佔5個,呢193個百人隊經過辯論及會議後(非常重要,所以要粗體),根據內部嘅投
票每個百人隊等同一張”選舉人票”,以”選舉人票”決定支持邊個做執政官。<br />
<br />
<br />
監察官嘅選舉方式一樣,不過係每五年選舉一次。<br />
<br />
<br />
至於保民官,就係由部落會議入面嘅平民會議選出,而財務官及市政官就由部落會議選出。部落會議係按照羅馬公民所屬嘅35個部落嚟分配,包括所有貴族及平民,而平民會議就只包括平民。同樣,經過辯論及會議後,根據部落內部投票結果,每個部落代表一張”選舉人票”。<br />
<br />
<br />
而元老院議員呢,主要係世襲,而且多數係貴族,而擔任過上述官職嘅人,除咗保民官以外,喺共和國後期都可以自動加入元老院,甚至保民官亦經常加入。至於其他平民,除非你夠本事可以選財務官或保民官,否則入元老院嘅機會係唔屬於你嘅。<br />
<br />
<br />
<br />
由以上叙述,可見羅馬選舉法有四大特色:<br />
第一,呢個選舉法,實際上包括早期羅馬嘅部落分組方式嘅遺留,與及軍事上百人隊編制嘅延伸。<br />
第二,選舉人票制度廣泛運用,所有官職都係由選舉人票決定。<br />
第三,同現代嘅民主制度相反,一般羅馬公民能夠投票同參選嘅唔係議會成員,而係官職,元老院議席係貴族同官員嘅專利。<br />
第四,每次投票都需要喺指定嘅會議期間,經過辯論及會議後先可以投票,屬於西方城邦嘅直接民主制度之一。<br />
<br />
<br />
<br />
<h2>
<strong>政治、經濟、社會嘅轉變及危機</strong></h2>
<br />
<br />
以上嘅選舉方法,以現代嘅民主制度嚟講都可算稀奇,不過唔緊要,本來唔同時代唔同文化就應該有唔同嘅制度,去適應當時嘅社會。不過,即使只係以羅馬史嘅角度嚟講,去到羅馬共和國最後幾十年,呢套制度都愈來愈千瘡百孔,適應唔到羅馬由城邦變成超級大國嘅轉變。<br />
<br />
<br />
就以掌握實權嘅元老院嚟講,元老院其實主要係終身世襲制俱樂部,只係偶然開放俾新人入去做,例如首次當選嘅財務官同保民官,主要都係由名門貴族壟斷,結果必然係逐漸傾向保守。<br />
<br />
<br />
本來保守都唔壞,喺共和國早期無職業軍人,個個都係自耕農嘅時候根本唔需要不斷變革,而且有經驗有威望嘅長老數嚟數去都係嗰一百幾十個,你識我我又
識你,以鄉村小鎮嘅邏輯嚟講係冇所謂嘅。但係呢個制度喺羅馬末年就出事。幾百年嚟,羅馬南征北戰,領土由小小羅馬城嘅七個山頭,擴張至整個地中海,包括而
家法國、西班牙葡萄牙、北非、巴爾幹半島、土耳其、敘利亞、埃及等地;經濟亦由自耕農同地主經濟,變成地中海貿易嘅樞紐。於是出現咗大量新貴,包括長年征
戰在外嘅全職軍人、以放貴利同買賣各地奴隷維生嘅新富豪,而土地兼併更令不少平民變成貧民;掉返轉,有部分外地人,包括羅馬城以外義大利全體公民,與及唔
少外地嘅平民甚至奴隷,後尾都變成羅馬公民。於是羅馬公民就由幾千人增加到數以百萬計,而且同早年嘅簡單成份相比,變得非常複雜,但元老院議席嘅更新速
度,根本追唔上呢個變化,同公民入面嘅新成份更有利益矛盾。<br />
<br />
<br />
至於代表元老院以外公民嘅平民會議,與及代表全體公民嘅百人大會,由於上述嘅原因,分化矛盾只怕更爲嚴重。試諗下,本來開會傾project嘅只係
你嗰班嘅其中幾個老友同學,然後忽然間,同一個project變成成班咁開會傾,再變成成間學校咁傾,最後變成幾十間學校一齊傾……係咪好惡搞呢?羅馬公
民嘅數量不斷增加,地理分佈範圍亦不斷擴大,結果就係咁樣。佢哋選嘅人會入元老院,最終影響舊貴族嘅利益,但係之前就已經令公民之間嘅利益出現嚴重分化,
無法調和。<br />
<br />
<br />
總括嚟講,舊貴族同羅馬擴張時產生嘅新貴包括富豪同全職軍人﹑仲有逐漸失去土地嘅貧民之間產生尖銳矛盾,結果就係元老院嘅守舊派及新貴同民黨之間不斷衝突,而元老院同幾個直選會議嘅矛盾亦難以解決,最後變成內戰,終於摧毀共和,呢個過程歷時百年。<br />
<br />
<br />
其實最初,民黨、改革派唔係一開始就諗住用武力解決政治矛盾。格拉古兄弟喺公元前133年開始,以保民官身份展開土地改革,使用嘅政治手段完全合法
但比拉布有效得多,結果被元老院視爲叛國賊,喺動亂入面殺害呢兩兄弟。後果就係,民黨同野心家發現,原來有啲問題係唔可以用合法手段解決,必須使用武力,
而講武力,又有邊個大得過領兵在外嘅將軍?<br />
於是,公元前100-82年,民黨嘅軍閥馬略同秦那,與及貴族嘅軍閥蘇拉展開連串鬥爭,最後演變成內戰,兩派軍隊入羅馬城之後,都大量殺害政敵。<br />
<br />
<br />
馬略同蘇拉嘅內戰血流成河,但冇爲政治制度帶來重大改革,於是又出現新嘅執政同盟,敗壞共和國綱紀,即係前三頭同盟—凱撒,龐培同克拉蘇。其中龐培
係大地主出身嘅軍閥,而克拉蘇更係連綿阡陌又腰纏萬貫嘅貴利王,凱撒就最出奇,明明係貴族,但因爲鍾意玩女人搞到啲貴族唔歡迎佢,而且公開演説又非常犀
利,所以後來變咗民黨嘅軍閥。結果三頭同盟喺克拉蘇死後解散,龐培就決定同元老院聯手對付民黨嘅凱撒,卒之喺公元前49年,凱撒違反元老院命令,率軍渡過
盧比孔河,結果又開始另一場內戰,今次終於令共和國名存實亡,因爲凱撒勝出,令元老院派嚴重受挫,最後凱撒契仔屋大維得以令共和制度永遠屈服於「第一公
民」嘅權力之下。<br />
<br />
<br />
<br />
<h2>
<strong>選舉方式造就富豪軍閥執政,加速共和國滅亡</strong></h2>
<br />
<br />
咁具體嚟講,點解羅馬共和國末年,公民提名官職會導致內戰呢?因為無論當時嘅羅馬公民有幾多人都好,選舉都僅限於羅馬市內嘅百人會議、部落會議同平民會議,而且需要喺指定嘅會議期間,經過辯論及會議後先可以投票。<br />
<br />
<br />
而家試想像一下,各位係羅馬公民,到咗年尾選大官嘅日子。而家羅馬公民有幾十萬,但辯論嘅廣場,只係可以容納幾百人,你又逼唔逼到入去呢?逼唔到入去,咪唔知啲候選人點樣sell自己?就當你逼到入去,而家假設有689、紅酒王同鐵頭三個人選執政官,689係咁吹自己點樣根正苗紅四世三公,鐵頭就話
而家嘅政治制度非常唔掂,要窮人有地耕,而紅酒王就最實際,蛇齋餅粽都唔當一回事,之前已經搞咗幾場角鬥俾你哋睇,仲話當選之後會再搞多幾次賽車嚟慶
祝……俾着你,你會點投票?不過你點投都好,結果都係紅酒王會當選,因爲入到廣場聽演講嘅只有幾百人,但有份睇角鬥同賽車嘅就有千千萬萬人……<br />
<br />
<br />
所以即使係直接民主,到最後決勝負嘅依然要靠個別候選人嘅動員能力與及銀彈。除左羅馬市嘅公民之外,大概只有軍閥可以動員新舊部屬去投票。結果就
係,本來就好有錢嘅元老院貴族,與及買賣奴隸同放貴利嘅新富豪,為左爭取出任官職嚟支持對自己有利嘅經濟政策而不斷買票;軍隊方面,低層崛起嘅將領,同元
老貴族出身嘅將領,就同樣擁兵自重,試圖用軍隊嘅影響力左右政治,甚至令自己可以擔任執政官,然後以資深執政官身份繼續出去外面搵真銀,都需要動員部屬投
票。<br />
<br />
<br />
不過咁,既然今次紅酒王可以買票當選,其他人一樣可以,於是舉辦角鬥同賽車買票唔再係殺手鐗,而係選戰嘅例牌菜。咁嘅情況下,參選成本就高到不得
了,萬一家底唔夠厚又選唔到,就會週身債,喺呢個時代羅馬人都見唔少。例如喀提林就喺公元前63年,因爲俾人告而選唔到執政官,而且債務纏身,結果憤而發
動叛亂而被殺……又或者,爲咗當選而問有錢佬資助,以後就會成爲有錢佬嘅傀儡,例如貴族派就曾經收買同格拉古兄弟同屆嘅保民官嚟打擊佢哋。陳雲討論公民提
名嘅禍害,講到<a href="http://hk.news.yahoo.com/blogs/sandwich/%E5%85%AC%E6%B0%91%E8%81%AF%E7%BD%B2%E6%8F%90%E5%90%8D-%E5%A6%A8%E7%A4%99%E6%9C%89%E6%95%88%E7%AE%A1%E6%B2%BB-231306631.html" target="_blank">「如果公民提名要獲勝,則必須候選人是富豪,或者公民聯署裡面有富豪集團在撐腰。」</a>絕非吹水,喺羅馬共和國歷史上其實係常見現象。<br />
<br />
<br />
即使紅酒王高票當選,都唔代表佢可以呼風喚雨,利用民意主導羅馬政治,點解?因爲元老院係唔駛選,議席大部分係世襲!所以到頭來,新勢力空有金錢同
軍隊仲有部分收買返嚟嘅民望,但無辦法喺元老院同舊貴族抗衡,於是決定用政治以外嘅手段對付元老院,最後嘅殺着就係內戰;而元老院派當然亦會即刻宣布對方
叛國,然後動員軍團鎮壓,國家社會於是分裂,死傷枕籍血流成河。<br />
<br />
<br />
除咗投票地點同方式有問題,羅馬嘅選舉制度仲有另一問題,就係百人會議嘅選舉人票反映唔到真實嘅社會階層分布。貴族佔18張人票明顯偏多,共和國貴
族就幾十個家門,又經常喺戰場上大量犠牲,點可能佔總人口一成之多?同理,共和國後期土地兼併成風,貧窮線以下嘅人點會得2.5%咁少?何況兩個執政官已
經保證有一個係貴族,結果權力依舊集中喺舊貴族手上,任何改革都唔可以動搖貴族利益,冇辦法解決貧富懸殊嘅問題。呢個亦係羅馬共和國末年動亂嘅原因之一。<br />
<br />
<br />
正因爲選舉方式有以上種種缺點,而呢啲缺點又會引起動亂,於是屋大維掌握全部權力之後,就決定架空百人大會、部落會議同平民會議,再加上元老院已經有大量佢嘅黨羽,共和國就咁畀佢毀滅咗。<br />
<br />
<br />
<br />
<h2>
<strong>香港會唔會重蹈覆轍?</strong></h2>
<br />
<br />
當日嘅羅馬人,最後喺動亂不斷嘅時代入面選擇咗凱撒同屋大維,令共和制度名存實亡。時光飛逝,而家輪到二千年後嘅香港人,選擇要點樣嘅政改方案。我
個人嘅擔心有兩點:第一,就係有人故意令政改方案被否決,令政制發展原地踏步。呢點大家都知道有幾大鑊,我就唔多解釋。第二,就係大家厭惡政黨政治,認爲
由公民自己提名特首更加好,結果令特首提名完全或者部分由公民提名。<br />
<br />
<br />
究竟公民提名係合適嘅選舉制度,定係洪水猛獸?呢一點大家有唔同睇法,而我個人認爲,要睇下香港而家嘅狀況係點。公民提名喺羅馬共和國末年係毒藥,而家香港同當年羅馬實在有唔少相似之處,所以對香港亦相當可能有毒。<br />
<br />
<br />
例如經濟同社會狀況。而家香港除咗政改,最多人討論嘅議題就係雙非人、新移民等,呢啲都係外來人口日多,對香港人身份嘅衝擊,同羅馬共和國嘅公民身份問題類似;兩個社會亦同樣貧富懸殊,土地同樣由富豪壟斷。<br />
<br />
<br />
去到政治方面,表面睇落唔係好似,但實際上經過分析之後,又有異曲同工之處。例如議會,羅馬實際上將現代議會分成兩部分,元老院代表守舊貴族,成員
並非選舉產生,而真正代表民意嘅係百人會議、部落會議同平民會議;香港同樣亦分成兩部分,即係主要代表財閥土豪利益、大部分議席都唔駛選嘅功能組別,與及
由直選產生嘅直選組別。當日梁國雄、黃毓民、陳偉業發起拉布,同格拉古兄弟利用行政手段癱瘓羅馬政府運作,又有幾分類似,更加唔駛講元老院會議實際上成日
都拉布!而羅馬百人會議入面,貴族每人佔票比例比其他平民超出甚多,亦同功能組別入面人人有兩票,但大多數界別只有極少數選民,所以嗰票有力好多嘅情況又
係差唔多……不過最關鍵嘅一點在於,羅馬共和國時期並冇政黨政治,而香港嘅政黨政治亦非常唔成熟,發揮唔到現代民主制度嘅功能。<br />
<br />
<br />
於是,假如2016年特首由公民提名而唔係政黨提名,結果會唔會又係同羅馬共和國末年一樣,因爲一般公民好難有高知名度,而政黨又唔夠成熟兼且唔夠
銀彈,所以非靠富豪甚至中聯辦助選不可?結果又會唔會令富豪或者中聯辦除咗壟斷半個議會之外,又多咗做王者身份,令利益進一步向現有嘅建制傾斜?又或者,
如果爆大冷由真正代表平民利益嘅人做特首,而議會依然有保守嘅功能組別,咁樣同羅馬共和國末年舊貴族同民黨﹑富豪﹑軍閥之間嘅衝突甚至內戰前嘅形勢有乜分
別?結果會唔會又係令香港亂上加亂,無法管治?<br />
<br />
<br />
民主政治要順利運作,人民要避免內爭,就需要同時喺議會同領袖都可以施加影響力,但同時唔可以令兩者長期對立,反而要令佢哋可以良性互動,透過領袖同議會、與及議會入面各黨派間嘅磋商,得出最後嘅決定。但係由公民提名特首、而功能組別又唔取消嘅話,我睇唔出可以符合上述理念嘅可能。如果特首由富
豪或親共建制嘅人出任,咁對依然由反對派爲主嘅直選議員及佢哋嘅支持者嚟講,就變成一個功能組別千秋萬世信號,結果爲咗解決種種社會問題,只能尋求政治以
外嘅激烈解決方法,例如暴動。如果特首由公民提名而且代表平民利益嘅人出任,結果就係功能組別議員以及佢哋後台嘅利益受到嚴重威脅,喺政治上甚至政治以外
作出杯葛,結果就係憲制危機,同樣有可能令各方面尋求政治以外嘅激烈解決方法。<br />
我嘅睇法係,爲咗令特首、議會同其他港人可以合理互動,應該由立法會或者加埋區議會作爲提名委員會,並加上合理提名門欖(例如需要議會入面約
10-15%嘅成員提名參選),去保證選出嘅特首除咗獲得市民認同,亦得到議會成員嘅支持,並且令支持落敗候選人嘅議員可以知道民意所向,從而調整立場。
咁樣同時亦可以好似陳雲所講,因爲功能組別先天上就缺乏認受性,所以提名嘅人難以當選,從而削弱功能組別嘅存在價值。<br />
<br />
<br />
最後,或者我嘅睇法過於杞人憂天,但係如果以後容許議會分裂成民選及非民選兩個部分,而特首係由議會以外嘅人提名,咁只會爲香港帶來無窮禍患。因此我而家比較傾向陳雲嘅方案,亦希望大家可以積極討論,直至搵到最適合嘅方案爲止。jackyhttp://www.blogger.com/profile/16476728886242158120noreply@blogger.com1tag:blogger.com,1999:blog-265489352246730875.post-57001793190840895032013-02-07T16:20:00.000+08:002013-02-07T16:20:06.052+08:00練乙錚 - 誠信問題已非要害 梁氏涉黑實可雙規 撐練公,兼自己留底。<br />
<br />
<h3 class="post-title entry-title">
練乙錚 - 誠信問題已非要害 梁氏涉黑實可雙規 </h3>
<div class="post-header">
<div class="post-header-line-1">
</div>
</div>
<div class="post-body entry-content" id="post-body-6942721571719081706">
<span style="font-family: Georgia, 'Times New Roman', serif;">信報 2013年1月29日</span><br /><span style="font-family: Georgia, Times New Roman, serif;"><br /></span><span style="font-family: Georgia, Times New Roman, serif;">重磅反水「梁粉」劉夢熊上周在《陽光時務週刊》的一個訪問裏投了一顆重磅深水炸彈,震撼之餘,不少不可告人的東西,瞬即浮出水面,呈現在大家眼前。 即時引導公眾視線的,是劉說的「交人」問題,即梁及其軍師張震遠交不出當日梁稱受他委託替他驗屋查僭的專業人士名單,因為那些驗樓專家其實都是子虛烏有。 劉認為這是點到梁身上誠信問題的死穴。</span><br /><span style="font-family: Georgia, Times New Roman, serif;"><br /></span><span style="font-family: Georgia, Times New Roman, serif;">不過,孤證不立,未有更多有關事實暴露之前,大家不妨存疑。況且,經過大半年來的各種公開表演,梁在僭建事上欠缺誠信,早已是不爭之實,捅出「交人」問題,港人的邊際收益,頂多是知道貴為行會成員的張震遠乃是協助梁欺騙市民、欺騙中央的共犯而已。</span><br /><span style="font-family: Georgia, Times New Roman, serif;"><br /></span><span style="font-family: Georgia, Times New Roman, serif;">突把董建華擺上枱</span><br /><span style="font-family: Georgia, Times New Roman, serif;"><br /></span><span style="font-family: Georgia, Times New Roman, serif;">然而,劉在該次訪問中和盤托出的,至少還有比「交人」這點或其他枝節問題重要得多的另外兩組信息。這些信息與劉的主要立論並無必然關係,劉這個「準污點證 人」在此二環節作假的動機不強;而且,信息涉及的兩位大人物,至今並無公開否認事件具體內容,因而比較可信。兩組信息,其一暴露了紅色背景梁氏政權的不斷黑道化。去年,梁營在劉夢熊牽頭、有前高官「梁粉」參與的「上海仔飯局事件」之後,迅速在形象上與黑勢力切割,相當成功;不料,前不久的挺梁反示威中,出現黑道派錢計人頭的醜劇,傳媒報道人贓俱獲,梁政權的切割努力,就不顯得那麼有效。這次劉提供的有關信息,更令梁與黑道之間的盟友關係無法掩藏。其二,則是因為劉把董建華擺上枱面,致令唐梁之爭背後金權板塊的政治輪廓,忽然變得清晰。下面先談後者。</span><br /><span style="font-family: Georgia, Times New Roman, serif;"><br /></span><span style="font-family: Georgia, Times New Roman, serif;">梁營後面的政治勢力,到底是團派、江派,還是什麼派?這個問題一直以來說不清,連本地左派也摸不着頭腦,以至到了「選舉」很後期,還不知道怎樣押寶。</span><br /><span style="font-family: Georgia, Times New Roman, serif;"><br /></span><span style="font-family: Georgia, Times New Roman, serif;">當初,港人以為特首大位乃「儲君」唐氏囊中物,不期殺出一個程咬金,出現唐梁對峙局面,而雙方背後各有其金主,盡皆擺明陣勢,並不遮遮掩掩,港人於是漸次明白,這是要保住一哥地位的一線財團與欲取而代之的二線財團之間的一場你死我活攻防戰,而絕非北京為了準備若干年後搞普選而設的一次彩排(後一觀點已成政治笑話)。不過,在香港特定的政治環境底下,特首由誰當,一定深刻牽涉京港之間的「大政治」。在這些本地金主旁邊,還糾合了極具份量的京官及其黨內關係網, 再加上這些京官的經商家族成員把持的大大小小紅色財團,組成一個一個的政商三結合;這次特首「選舉」,其實就是最大的兩個這種由本地金、內地金、京官權三者構成的金權板塊之間的政治鬥爭。由於北京政治素來不透明,金權板塊的「權」那一面如何與黨內最高層的派系掛鈎,港人無從確切知道,只能根據當時的一些已知事實大略推測:唐家與上海幫首領江澤民關係密切,因此唐後面是江派勢力;梁營聲聲「求變」,撐腰的可能是有改革傾向的團派居多。現在看來,這個當時很普遍的二分法錯得很厲害。關鍵是劉夢熊在訪問中提到董建華。</span><br /><span style="font-family: Georgia, Times New Roman, serif;"><br /></span><span style="font-family: Georgia, Times New Roman, serif;">江握手後有江點頭</span><br /><span style="font-family: Georgia, Times New Roman, serif;"><br /></span><span style="font-family: Georgia, Times New Roman, serif;">過去,董氏給人的印象是個好好先 生、老好人,中國好、香港好,除了民主派,其他什麼都是好,並無明顯派性;唐、梁二人,當時都是他的重臣,董氏對待二人,理應無分軒輊。然而,劉在上述訪 問竟無意中透露了董氏的強烈派性。董支持梁,政界早有所聞,但劉提供的信息顯示,董這次不是簡單的表表態支持,而是全情投入、死命支持。他對劉說:「夢熊,你支持梁振英,做得很好!有你幫振英,我就放心了!」董不支持老同鄉唐氏,顯然不是因為唐搞僭建暴露了。此說的證據是:後來梁被發現也曾多次偷偷搞僭 建,董卻顧不了以前曾經公開要求主要官員注意品德必須「whiter than white」,關鍵時刻奮不顧身站出來替梁脫困,着港人勿拘小節、向前看。董氏此舉降格敗德不是重點,重點是證明了梁營背後也是江派;繼江握手之後還有這個江點頭。</span><br /><span style="font-family: Georgia, Times New Roman, serif;"><br /></span><span style="font-family: Georgia, Times New Roman, serif;">董氏下台之後,本應小心謹慎,脫離所有政治派別,專心一意為國家做外交方面的實事,以彌補一己過失;但這次再以江派身份積極干政挺梁,被劉無意中暴露了,也許會觸怒胡、溫、習,再惹麻煩,實屬不智。</span><br /><span style="font-family: Georgia, Times New Roman, serif;"><br /></span><span style="font-family: Georgia, Times New Roman, serif;">唐、梁惡鬥而同屬江派,此點並不稀奇;歷代帝皇膝下有幾個兒子不和、各擁重臣黨羽互相傾軋的例子多的是;就算是毛時代,他下面派系也廝殺不斷,何況江氏?江上台之後,改了黨章,大批黨員成為資本家,他眾多的手下、親屬,挾着黨國權力、資源和關係到香港覓食,泊哪個碼頭媚哪個金主,他無謂管,也管不着。</span><br /><span style="font-family: Georgia, Times New Roman, serif;"><br /></span><span style="font-family: Georgia, Times New Roman, serif;">既然梁後面是江派而非團派,那麼他的政治前途在習近平上台之後就充滿變數。大家知道,董是江欽點上台卻給胡錦濤即團派打下來的;胡、溫對梁這位江點頭,大概也沒很大好感,故梁得勝後首度上京面聖那次,胡、溫對他的態度半慍不火。若習上台而在江派與團派之間和稀泥,梁也許不難保住特首之位,做到2017。但顯然,年來的情況並不這樣發展;薄熙來事件之後,江派與團派惡鬥,習很快站到團派一邊。團派多次高調提反腐,江派掌控的《環球時報》卻推出「適度腐敗論」, 主張政府教導民眾養成接受「適度腐敗」的心態,以確保管治穩定;但習一上台,甚至不等今年3月兩會召開,就把反腐工作提升到首要地位,聲稱「老虎」、「蒼蠅」一起打,也順帶打了《環時》一巴掌。留意國內政治動態的人,還可以舉出多個類似的事例,說明江、習互鬥,刀光劍影;最近的一起,無疑是轟動國內外的「《南周》事件」。《南周》元旦獻詞支持習提出的「把憲法落到實處」的口號,卻被江派中宣部官員粗暴抽起;雙方最後打個平手,江派在輿論方面卻輸一大截。在香港,力推梁氏上台的中聯辦兩個領導,於去年底忽然倒台,一個下放廣西,一個官貶澳門。兒皇帝頓失牯持,形勢如何,他自己知道。下一回梁到中聯辦,要叩見的,是一個比他年輕一大截的小伙子,真是情何以堪。</span><br /><span style="font-family: Georgia, Times New Roman, serif;"><br /></span><span style="font-family: Georgia, Times New Roman, serif;">然而,更令梁氏不安的,無疑是替劉夢熊爆料的媒體《陽光時務》,據說與《南周》同一淵源,都有胡、溫、習的背景;大家若拿《陽光時務》訪問劉夢熊的原文看看,便可知道,堂堂一個香港特區行政長官候選人,得到「江氏紅」中聯辦的點頭去馬之後,是怎樣「斥之乞來」、「呼之不去」,怎樣誠惶誠恐,怎樣卑躬屈膝打哈哈擺和頭酒,最後得到黑道百分百支持,神一樣替他撐住了比唐氏高的「民意」,讓當時的中聯辦領導得以「名正言順」抬他上位。是屆香港特區行政長官,可說是紅色父系與黑色母系結合的產物。</span><br /><span style="font-family: Georgia, Times New Roman, serif;"><br /></span><span style="font-family: Georgia, Times New Roman, serif;">香港社會黑道化? </span><br /><span style="font-family: Georgia, Times New Roman, serif;"><br /></span><span style="font-family: Georgia, Times New Roman, serif;">不過,北京當時的最高領導(胡、溫)不一定知道梁靠之上台的「民意」,背後原來還有這麼一筆。劉夢熊指梁氏犯欺君之罪,主要恐怕不是他說的「三個專業驗樓人士都是子虛烏有」那一條;<span style="color: #7f6000;">的確,僭建對北京而言,正如劉說,「小菜一碟」而已。真正嚴重的欺君罪,乃梁氏暗地裏炮製了一個帶有廣泛欺騙性的「黑底民意」——技巧高得連本地一份高格調的知識分子報的高層,也給糊弄得暈頭轉向</span>;而這個「黑底民意」,可能在北京作最後決策之時,起了作用。這是大得多的欺君罪。</span><br /><span style="font-family: Georgia, Times New Roman, serif;"><br /></span><span style="font-family: Georgia, Times New Roman, serif;">香港有了這樣的一個怪胎特首,人們心中肯定產生很多疑問:特區政權往後的性質是什麼?今後五年,黑道將如何透過特首的回禮,悄悄影響香港政治、社會、經濟?港人忍受得了?稍有良知的本地左派接受得了?(工聯會就有點受不了,認為「幾醜陋」;民建聯急急打圓場,看來還吞得下;一眾政府內外的「梁粉」新愛國則若無其事。本應最懂得「君子不立危牆之下」這條德訓的前高官如羅范、葉劉,第一時間替梁氏擋駕;精英中的精英猶利令智昏如此,可問是什麼世道人心了?)國際上,中國出了一個關鍵時刻靠黑道資源上台的特區首長,別的國家如何看待?梁氏外訪的時候,與別的國家、地區首長同席之際,別人會有些什麼眼光?(新加坡和英國已經在鄙夷;台灣的民進黨肯定是笑死了。)不過,笑罵由人,政治上最關鍵的是,新上台、據說要推一番清廉新氣象的習近平,如何看待這潭江派遺留下來新鮮熱辣上海屎蘇州屎?受得了受不了? 他若受得了,本國人民、港人會怎樣看他「海涵」一個染黑特首?外國政要又會怎樣看他的魄力、取向?回想解放前的國民黨,由最高領導蔣介石起,都黑道化了,怎麼現在梁振英也同樣黑道化?香港在共產黨員領導下回歸到萬惡的舊中國去了?</span><br /><span style="font-family: Georgia, Times New Roman, serif;"><br /></span><span style="font-family: Georgia, Times New Roman, serif;">兩組信息,兩個結論:其一說明梁營是江系裏頭的一個派別(而且只是一個少數派別,得不到香港的一線資本家支持,小圈子裏頭的千二票,靠了中聯辦擔當「黨鞭」,還不過佔了689);其二揭露梁氏取得政權,一半靠黑道,未來的香港社會各方面必定因而逐步染黑。跟隨梁氏進入本屆政府的人,要知道自己在吃的是什麼飯,吐出來看看是什麼個顏色,就會明白(頗令筆者難過的是,這些人當中,不少是筆者以前的朋友、好友、學生)。</span><br /><span style="font-family: Georgia, Times New Roman, serif;"><br /></span><span style="font-family: Georgia, Times New Roman, serif;">由大陸什麼派的人管治香港,對港人而言,分別也許不大;國內外很多人都認為江派是中國當今李鵬那派之外的另一最大貪腐派別,但說到底,大家還不知道習與江在本質上有何區別。光說話不算數,還要看得見他怎樣行事。另外一方面,香港黑道化,則香港有難了。當然,有可能劉夢熊也在此事上說謊;故首先應該在事實上嚴格求證。允許立法會以各種有效機制向三個涉黑助選當事人套取材料是一個辦法,但其實效勢將因為保皇派的阻撓而大打折扣。此外,因為當事人都是政協要人,不排除還是黨員,組織上因而都直接受共產黨領導;由中共中央循黨系統對這幾個以梁為首的涉黑當事人在大陸某處進行「雙規」,也許是一個更有效的清查途徑。但那要假定習近平是一個有所作為的人。</span><br /><span style="font-family: Georgia, Times New Roman, serif;"><br /></span><span style="font-family: Georgia, Times New Roman, serif;">《信報》特約評論員</span></div>
jackyhttp://www.blogger.com/profile/16476728886242158120noreply@blogger.com0tag:blogger.com,1999:blog-265489352246730875.post-59750583572764025202013-01-31T10:32:00.002+08:002013-01-31T10:32:35.051+08:00[林行止評施政報告]看政策無足觀 潛台詞堪玩味 我都知我懶,好耐無出文......其實一來係因為掛住玩game,二來係因為而家嘅政府已經擺明賣港,都唔知有乜好評,時勢日亂係必然,大家明就明,就做嘢,咁唔明我都無辦法幫到你囉<br />
不過喺呢個時候,依然有人熱衷於由穩中求實,務求民變嘅施政報告入面,逐句逐字咁睇,卒之揾到唔少未來嘅蛛絲馬跡。講緊嘅係信報林行止嘅六篇 "評《施政報告》" ,而精華盡在今日結尾嘅第六篇,現予以全文轉載。前五篇逐項評論及推測,亦甚可觀,但篇幅甚長,希望各位有興趣嘅可以自己揾......<br />
<br />
<div id="date">
2013年1月31日</div>
<div class="info">
<span class="author"><a href="http://www.hkej.com/template/dailynews/jsp/search_results.jsp?typeSearch=author&txtSearch=%E6%9E%97%E8%A1%8C%E6%AD%A2" target="_self">林行止</a> </span><span class="column"><a href="http://www.hkej.com/template/dailynews/jsp/search_results.jsp?typeSearch=column&txtSearch=%E6%9E%97%E8%A1%8C%E6%AD%A2%E5%B0%88%E6%AC%84" target="_self">林行止專欄</a> </span></div>
<h1 id="article-title">
看政策無足觀 潛台詞堪玩味
</h1>
十三、要從《施政報告》看梁振英政府制定政策的多寡好壞,不是失望,而是詫異,因為這是前所未見的空疏、全不實在。把每年量化政策、刻劃啟動、推進、檢討和完成時序的施政綱領抽掉,那是明顯的行政倒退;以向公眾交代而言,絕對是今不如昔的「混帳」做法,難道一直強調「用人唯才」因此理應人才濟濟的梁班子真的不知道、不明白?<br />
<br />
<br />
也許什麼都得過且過的「混帳」,正好把一些前人開了頭的政策、若干現任政府的新猷,「拉上補下」,效果好的一件、邀功一件;效果壞的那些,便諉過前人。如此這般,港澳辦、中聯辦這些督導、指揮特區政府的中央機構,滿目盈耳盡是吹捧吹擂之聲,對了解香港實際情況便隔了好幾層。<br />
<br />
<br />
在政策方面,梁振英要是為港人着想的話,《施政報告》將不會那麼不着邊際、不得要領,以至可說不務「正」業,令向來關心港事的人,看了無名火起。然而,也許梁氏負有於維持香港「高度自治」以外的任務,那麼,《報告》雖不足以用作按圖索驥的參考,卻可找到不少蛛絲馬迹。舉其犖犖大者,便有如下六項—<br />
<br />
<br />
甲、特區政府的施政向內地政商團體的利益傾斜,以趨炎附勢的角度看,仍然高舉香港核心價值和堅持兩制的差異,當屬不識時務,是落後於形勢的政治不正確。<br />
<br />
<br />
行政長官梁振英反覆向港人傳達的訊息是,內地大國崛起,到處都有機會—有很多供港人發揮才能發展事業的機會;而國人來港,亦有廣泛的空間供其施展抱負。香港的確仍是嚮往自由者特別是內地同胞的「天堂」,這從回歸後內地來港的新移民(不管是每天一百五十名的配額、優才、投資及以公務員身份來港),人數很快趕上土生土長的老香港,那不僅會大大分薄老香港享有的一切公民權利(如教育、醫療、交通以至福利等),這些新移民還極有可能成為在二○一六年啟動的雙普選中按照北大人指示投票的生力軍。不過,這只是筆者順藤摸瓜的推想,事實的發展未必如此順利,以新移民中必有人認同非共管治遠較優勝的現實,他們的投票動向便不易駕馭;另一方面,內地人移居香港,他們一樣得享此間諸種內地所無的人權法治自由以至諸般福利及低稅率少稅項等的好處,比較起來,中共治下的內地便不免相形見絀,進而引起人心思變,後果可大可小……。湧進太多移民確有利於對投票意向的操控(但非絕對有效);然而,當香港的生活方式向內地投射時,其對中共政權的消極副作用,不容小覷。在把香港「打造」為「少數民族自治區」的前提下,「內地新移民」只會不斷增加,香港人慣享的種種有形無形權利和福利,必會漸次受規限、被削減,哪會拉近香港與內地人民生活條件的距離,是縮窄兩地差異進而紓緩內地人民對當政者不滿情緒的一種出路。<br />
<br />
<br />
乙、為了擺脫政務官系統的覊絆,第一任行政長官董建華相信「三流師爺」的擺布,引入所謂「政治委任制」,讓委任的官員騎在公務員系統之上,把「行政主導」改為「行政『長官』主導」。自此,代表有效率管治的前朝舊貌已支離破碎;到了現屆政府,英國人百餘年來經營建立的那套比較開誠布公的制度化管治,可謂壽終正寢。人治抬頭,正式登場!<br />
<br />
<br />
丙、從制度化管治走向人治,其實是「去英化」的重要一步,而梁振英頭也不回地邁出這一大步;不過,即使「去英化」彰彰明甚,四五十年前英治時期那些打造殖民地建構的部署和布局,卻如幽靈徘徊在亞厘畢道。避談民主化、權益向今日的祖家(國)傾斜,以至當年的總督代表英女皇(英國利益)而如今行政長官代表授權來源(中央),在體制上雖隱而不揚,但在實際上則表露無遺,那從給籌建中的前海以種種支援與人才培訓、開發新界西北以利九龍與深圳灣北連成一片,清楚窺見;這種「進化」,把以對香港精神、法治、兩制和高度自治有所堅持並引以為傲的「香港中堅分子」,逐漸邊緣化—在五星旗下香港將成為近似少數民族自治港!昨天引述羅貴祥教授在〈中國少數民族的認識論〉中的那段話,「邊緣視覺」是港人考慮未來不可或缺的「自知之明」。時光不能倒流、時勢難以逆轉。香港發展到今日,要回到從前的「王道(仁慈)專制」,已不大可能。徒具形式的雙普選,權位始終落在不以「一國兩制」為施政核心而是以投北京所好為主旋律者之手,香港社會必有一次民意與權威的攤牌甚至對決,那是一個很難避免的局面,牽連有多深多廣,尚難估計。不過,一旦出現「血濺街頭」(肇端可能是有心人的布局),那意味與當權者對着幹的人將要付出或大或小的「機會成本」。<br />
<br />
<br />
丁、從把民望超高的唐英年拉下馬把民望超低的梁振英送上行政長官寶座的競選流程看,老於世故的港人對港共動員、西環插手(不好意思不承認吧)、港澳辦「協理」和領導人「調停」的連串動作,一一看進眼裏,當然亦深切明白了香港政壇「誰主浮沉」的現實!而梁振英成為行政長官後的不成體統,其核心成員相繼「中箭而不落馬」,好官我自為之,以至把上街「倒梁」視作等閒。看梁振英的行事作風,其對「有效管治」的詮釋,顯然是把社會大眾(遑論可能早被定性為「敵」的泛民派)的反對聲音,放在無關宏旨不能影響其管治的次要位置。<br />
戊、行政倒退對於支持「港人治港、高度自治」的老香港而言,明顯是實力減了一大截。向以「梁粉」中堅甚至是「造王者」姿態出現的政協委員(見報時可能已是前政協委員)劉夢熊周前倒戈相向、高調「反梁」,抖出港澳辦、政協中人甚至當權領導人在行政長官選舉過程中諸多大小動作,予人以蛇鼠一窩黑幕重重的觀感;而梁振英從競選到當選至今,短短七八個月內,已三番四次受到廉署立案調查,但當事人從容自適、若無其事,讓人感到廉署正直不阿的形象,正不斷受到懷疑和衝擊。其實,香港核心價值已經七癆八傷,廉署近日被泛民充分利用為打擊政敵的擂台,日後港共會否「有樣學樣」對之加以利用,使其淪為「整人」工具,已非過慮,而是相當實際的顧慮!<br />
<br />
<br />
己、金融風暴以來,金融業發展本已困阻重重,香港作為地區性(國際?)金融中心地位,因新加坡和上海的蓬勃發展、急起直追而露出頹疲之態,雖然她們要取代香港的地位,尚須「假以時日」,但客觀環境對香港日趨不利,是不爭的事實。在這種環境下,《施政報告》拋出的金發局,目標是以本港金融業發展為本位還是另有所圖?比如為前海培訓人才或為抽調儲備變為圍內友好主理的「主權」基金的部署……,諸如此類的變化,究竟會把香港帶上更廣闊的康莊大道還是面對危險重重的蛻變?筆者並無答案。筆者知道的僅是,令港人不安並對前景滋生疑懼的政策都是劣政!<br />
<br />
<br />
一句話,如果特區政府的施政不是朝港人自求多福盤算,而是謀求一國治下二制變一的融合,香港人以之自豪的核心價值,必然日漸衰落,而在這過程中,港人會在不同階段爆發出不同規模的群眾活動,社會不和諧不安定是難以遏制的趨勢;曾為人權、法治、自由、管治和廉政感到驕傲的人,未來幾年是難過的,那難過,不只於心情上,而會反映在實際生活層面上。<br />
<br />
<br />
評《施政報告》.六之六<br />
jackyhttp://www.blogger.com/profile/16476728886242158120noreply@blogger.com0tag:blogger.com,1999:blog-265489352246730875.post-86778023172609232552012-11-21T15:04:00.002+08:002012-11-21T15:04:34.288+08:00[潮文]某台其實係寵物,兼論奴才之高下<div class="MsoNormal" style="margin: 0in 0in 10pt;">
<span lang="ZH-TW" style="font-family: 'PMingLiU','serif'; mso-ascii-font-family: Calibri; mso-ascii-theme-font: minor-latin; mso-fareast-font-family: PMingLiU; mso-fareast-theme-font: minor-fareast; mso-hansi-font-family: Calibri; mso-hansi-theme-font: minor-latin;">功利小家又無知嘅香港人,經常以為某個電視台係一盤生意,所以推而廣之,認為佢嘅收視咁低,應該執咗佢,收返個牌俾其他人搞</span><span style="font-family: Calibri;">...<o:p></o:p></span></div>
<div class="MsoNormal" style="margin: 0in 0in 10pt;">
<span lang="ZH-TW" style="font-family: 'PMingLiU','serif'; mso-ascii-font-family: Calibri; mso-ascii-theme-font: minor-latin; mso-fareast-font-family: PMingLiU; mso-fareast-theme-font: minor-fareast; mso-hansi-font-family: Calibri; mso-hansi-theme-font: minor-latin;">錯</span><span style="font-family: Calibri;">! </span><span lang="ZH-TW" style="font-family: 'PMingLiU','serif'; mso-ascii-font-family: Calibri; mso-ascii-theme-font: minor-latin; mso-fareast-font-family: PMingLiU; mso-fareast-theme-font: minor-fareast; mso-hansi-font-family: Calibri; mso-hansi-theme-font: minor-latin;">錯晒</span><span style="font-family: Calibri;">! </span><span lang="ZH-TW" style="font-family: 'PMingLiU','serif'; mso-ascii-font-family: Calibri; mso-ascii-theme-font: minor-latin; mso-fareast-font-family: PMingLiU; mso-fareast-theme-font: minor-fareast; mso-hansi-font-family: Calibri; mso-hansi-theme-font: minor-latin;">一間蝕足廿幾年,日日推架法拉利落海嘅公司,點可能係一盤生意</span><span style="font-family: Calibri;">? </span><span lang="ZH-TW" style="font-family: 'PMingLiU','serif'; mso-ascii-font-family: Calibri; mso-ascii-theme-font: minor-latin; mso-fareast-font-family: PMingLiU; mso-fareast-theme-font: minor-fareast; mso-hansi-font-family: Calibri; mso-hansi-theme-font: minor-latin;">咁嘅生意,點可能唔破產之餘,仲有幾個老闆接住買</span><span style="font-family: Calibri;">?<o:p></o:p></span></div>
<div class="MsoNormal" style="margin: 0in 0in 10pt;">
<span lang="ZH-TW" style="font-family: 'PMingLiU','serif'; mso-ascii-font-family: Calibri; mso-ascii-theme-font: minor-latin; mso-fareast-font-family: PMingLiU; mso-fareast-theme-font: minor-fareast; mso-hansi-font-family: Calibri; mso-hansi-theme-font: minor-latin;">不才以為,由一隻寵物,或者一件富貴玩具嘅角度睇比較合符事實。好簡單一個道理,唔計狗房,寵物店,車廠之類,呢個世界養寵物,儲法拉利同林寶嘅人,有幾多係為賺錢</span><span style="font-family: Calibri;">? </span><span lang="ZH-TW" style="font-family: 'PMingLiU','serif'; mso-ascii-font-family: Calibri; mso-ascii-theme-font: minor-latin; mso-fareast-font-family: PMingLiU; mso-fareast-theme-font: minor-fareast; mso-hansi-font-family: Calibri; mso-hansi-theme-font: minor-latin;">只怕萬中無一。相反,我哋只會見到狗主同車主用一大筆錢買返嚟,再用好多大筆錢去養狗養車,經濟效益係絕對負數,但對佢哋嚟講,又有乜所謂,自己開心就得啦。</span><o:p></o:p></div>
<div class="MsoNormal" style="margin: 0in 0in 10pt;">
<span lang="ZH-TW" style="font-family: 'PMingLiU','serif'; mso-ascii-font-family: Calibri; mso-ascii-theme-font: minor-latin; mso-fareast-font-family: PMingLiU; mso-fareast-theme-font: minor-fareast; mso-hansi-font-family: Calibri; mso-hansi-theme-font: minor-latin;">呢間一日幾次零收視,節目重播幾十次嘅電視台亦一樣,而家只係某政權為咗自己開心自己爽,揾某富商代養嘅超富貴寵物,或者係一堆寵物,同以前</span><span style="font-family: Calibri;">MJ</span><span lang="ZH-TW" style="font-family: 'PMingLiU','serif'; mso-ascii-font-family: Calibri; mso-ascii-theme-font: minor-latin; mso-fareast-font-family: PMingLiU; mso-fareast-theme-font: minor-fareast; mso-hansi-font-family: Calibri; mso-hansi-theme-font: minor-latin;">個動物園一樣。而特衰政府當然唔夠膽做任何危害呢隻寵物嘅事,俾着你,就算老闆隻狗點樣鍾意亂吠,都唔敢毒死佢;如果老闆就係鍾意隻狗狂吠,你又等錢駛,可能仲要讚隻狗好中氣,主動提出幫手放狗,擦狗毛順便擦老闆鞋。</span><o:p></o:p></div>
<div class="MsoNormal" style="margin: 0in 0in 10pt;">
<span lang="ZH-TW" style="font-family: 'PMingLiU','serif'; mso-ascii-font-family: Calibri; mso-ascii-theme-font: minor-latin; mso-fareast-font-family: PMingLiU; mso-fareast-theme-font: minor-fareast; mso-hansi-font-family: Calibri; mso-hansi-theme-font: minor-latin;">當然,你真係頂唔順隻衰狗嘅可以釜底抽薪,介紹老闆養其他狗,等老闆覺得呢隻狗其實無其他狗咁好玩,令呢隻惡頂狗失寵。失寵嘅寵物下場永遠都淒慘,睇住隻衰狗嘅慘樣,你條氣當堂順返晒,仲可以藉呢啲功績得到賞賜及加分。九流嘅奴才淨係識忍,三流嘅奴才淨係識讚,一流嘅奴才呢</span><span style="font-family: Calibri;">?</span><span lang="ZH-TW" style="font-family: 'PMingLiU','serif'; mso-ascii-font-family: Calibri; mso-ascii-theme-font: minor-latin; mso-fareast-font-family: PMingLiU; mso-fareast-theme-font: minor-fareast; mso-hansi-font-family: Calibri; mso-hansi-theme-font: minor-latin;">要識得俾老闆更好嘅選擇,而令老闆貪新厭舊。連呢個道理都唔識,喺處理電視牌照時只會粒聲唔出,就證明處理發牌嘅官員以及特衰政府根本只係九流嘅奴才,難怪乜都做唔成。</span><o:p></o:p></div>
jackyhttp://www.blogger.com/profile/16476728886242158120noreply@blogger.com0tag:blogger.com,1999:blog-265489352246730875.post-5749211352857715342012-10-03T21:37:00.002+08:002012-10-03T21:39:06.391+08:00以詩歌悼念海難死者
<span style="font-family: 新細明體, serif;"><span style="font-size: small;">以詩歌悼念海難死者</span></span><br />
<br />
<span style="font-family: 新細明體, serif;"><span style="font-size: small;">10</span></span><span style="font-family: 新細明體, serif;"><span style="font-size: small;">月</span></span><span style="font-family: 新細明體, serif;"><span style="font-size: small;">1</span></span><span style="font-family: 新細明體, serif;"><span style="font-size: small;">日,南丫島<span lang="zh-HK">附近</span>發生了海難,做成</span></span><span style="font-family: 新細明體, serif;"><span style="font-size: small;">38</span></span><span style="font-family: 新細明體, serif;"><span style="font-size: small;">人不幸喪生。</span></span><br />
<br />
<span style="font-family: 新細明體, serif;"><span style="font-size: small;"><span lang="zh-HK">作爲香港人,不才與各位一般難過,但是又不知如何表達。就在這個時候,我非常偶然地,在公司的舊樣辦中,看到</span></span></span><span style="font-family: 新細明體, serif;"><span style="font-size: small;">Henry
Scott Holland (27 January 1847 – 17 March 1918) </span></span><span style="font-family: 新細明體, serif;"><span style="font-size: small;"><span lang="zh-HK">所寫的詩歌
</span></span></span><span style="font-family: 新細明體, serif;"><span style="font-size: small;">"Death
is Nothing at All"</span></span><span style="font-family: 新細明體, serif;"><span style="font-size: small;"><span lang="zh-HK">。到現在,我才開始了解甚麼是物輕情義重,一張紙卡上的詩句,可以譲人得到安慰。</span></span></span><br />
<br />
<div lang="zh-HK">
<span style="font-family: 新細明體, serif;"><span style="font-size: small;">以下,謹分享英文原版及不才的中譯版,以悼念海難死者。</span></span></div>
<div lang="zh-HK">
<br /><br />
</div>
<div style="margin-bottom: 0cm;">
<span style="font-family: Times New Roman, serif;"><span style="font-size: small;">"Death
is Nothing at All," Henry Scott Holland </span></span>
</div>
<div style="margin-bottom: 0cm;">
<br />
</div>
<div style="margin-bottom: 0cm;">
<br />
</div>
<div style="line-height: 200%;">
<span style="font-family: Times New Roman, serif;"><span style="font-size: small;">Death
is nothing at all. <br />I have only slipped away to the next room. <br />I
am I and you are you. <br />Whatever we were to each other, <br />That,
we still are.<br />Call me by my old familiar name. <br />Speak to me in
the easy way <br />which you always used. <br />Put no difference into
your tone. <br />Wear no forced air of solemnity or sorrow.<br />Laugh as
we always laughed <br />at the little jokes we enjoyed together. <br />Play,
smile, think of me. Pray for me. <br />Let my name be ever the
household word <br />that it always was. <br />Let it be spoken without
effect. <br />Without the trace of a shadow on it.<br />Life means all
that it ever meant. <br />It is the same that it ever was. <br />There is
absolute unbroken continuity. <br />Why should I be out of mind
<br />because I am out of sight?<br />I am but waiting for you. <br />For
an interval. <br />Somewhere. Very near. <br />Just around the
corner.<br />All is well.</span></span></div>
<div lang="zh-HK" style="line-height: 200%;">
<br /><br />
</div>
<div lang="zh-HK" style="line-height: 200%;">
<br /><br />
</div>
<div lang="zh-HK" style="line-height: 200%;">
<br /><br />
</div>
<div lang="zh-HK" style="line-height: 150%;">
<span style="font-size: small;">死亡不算甚麼</span></div>
<div lang="zh-HK" style="line-height: 150%;">
<span style="font-size: small;">我只是溜去隔壁的房間</span></div>
<div lang="zh-HK" style="line-height: 150%;">
<span style="font-size: small;">我還是我
你還是你</span></div>
<div lang="zh-HK" style="line-height: 150%;">
<span style="font-size: small;">哪管從前我們關係如何</span></div>
<div lang="zh-HK" style="line-height: 150%;">
<span style="font-size: small;">現在仍然未變</span></div>
<div lang="zh-HK" style="line-height: 150%;">
<span style="font-size: small;">像從前般叫我熟悉的名字吧</span></div>
<div lang="zh-HK" style="line-height: 150%;">
<span style="font-size: small;">如過去般與我閑聊吧</span></div>
<div lang="zh-HK" style="line-height: 150%;">
<span style="font-size: small;">別改變你的語調</span></div>
<div lang="zh-HK" style="line-height: 150%;">
<span style="font-size: small;">別添上莊嚴或悲傷的氣氛</span></div>
<div lang="zh-HK" style="line-height: 150%;">
<span style="font-size: small;">像我們以前般歡笑</span></div>
<div lang="zh-HK" style="line-height: 150%;">
<span style="font-size: small;">開我們常開的玩笑</span></div>
<div lang="zh-HK" style="line-height: 150%;">
<span style="font-size: small;">玩樂、微笑、想念我。爲我禱告</span></div>
<div lang="zh-HK" style="line-height: 150%;">
<span style="font-size: small;">讓我的名字繼續人人熟悉</span></div>
<div lang="zh-HK" style="line-height: 150%;">
<span style="font-size: small;">如同往昔</span></div>
<div lang="zh-HK" style="line-height: 150%;">
<span style="font-size: small;">人人都能無礙、無陰影地將它説出來</span></div>
<div lang="zh-HK" style="line-height: 150%;">
<span style="font-size: small;">生命的意義從來未變</span></div>
<div lang="zh-HK" style="line-height: 150%;">
<span style="font-size: small;">今惜如是</span></div>
<div lang="zh-HK" style="line-height: 150%;">
<span style="font-size: small;">永遠綿延不絕</span></div>
<div lang="zh-HK" style="line-height: 150%;">
<span style="font-size: small;">爲何不再記念我</span></div>
<div lang="zh-HK" style="line-height: 150%;">
<span style="font-size: small;">只因不再見到我?</span></div>
<div lang="zh-HK" style="line-height: 150%;">
<span style="font-size: small;">雖看不見我,但我卻等待着你</span></div>
<div lang="zh-HK" style="line-height: 150%;">
<span style="font-size: small;">在某處。很近很近</span></div>
<div lang="zh-HK" style="line-height: 150%;">
<span style="font-size: small;">就在轉角處</span></div>
<div lang="zh-HK" style="line-height: 150%;">
<span style="font-size: small;">休息</span></div>
<div lang="zh-HK" style="line-height: 150%;">
<span style="font-family: 新細明體, serif;"><span style="font-size: small;">一切安好</span></span></div>
jackyhttp://www.blogger.com/profile/16476728886242158120noreply@blogger.com0tag:blogger.com,1999:blog-265489352246730875.post-72470066370120566232012-09-08T19:40:00.001+08:002012-09-08T19:40:12.399+08:00思歪轉軚之毒計<div class="mbl notesBlogText clearfix">
<span><div>
剛剛梁振英宣布,取消開展德育及國民教育科的3年死線,由學校自行決定是否開辦國教科及如何開辦。這真是毒計呀,其實只是由公開政策變成向逐間學校逼迫開科,但梁振英如此宣稱,將有效破壞反國教統一陣線,以後要對抗國教科就更難了!<br />
<br />
爲甚麼這個宣稱會有如此威力?因爲當這樣宣稱之後,政府的責任就下放到辦學團體,學校名義上自決後,這樣將有以下效果:<br />
<br />
首
先,當決定權由政府交還到學校,而且取消死線,那第一個影響就是辦學團體、反國教團體等從此就難以公開對抗國教科。之後必然出現的後果,就是大家的焦點必
須分散,由政府變成個別辦學團體及學校,共同戰線即將分裂。現時個別學校之所以不敢立即開科,僅僅只是懾於共同戰線的人數,現在部分學校及家長已經不用擔
心被逼接受國教,因此他們恐怕不會再全力反對國教科,這些欲開而未開的學校即將爲媚共而開科,實在可以預期。<br />
<br />
其次,政府不
利用公開的政策,一樣可以用其他手段逼使學校開科,例如校本條例規定,校董會必須加入家長、教師及校友代表,這些部分名義上由選舉產生,但實際上有不少都
是政府代表。這方面的事蹟,不才並非教育界人士,不算太清楚,但顯然是一大缺口,足以削弱辦學團體自決的權力,此所以陳日君在校本條例訴訟敗訴後,決定絕
食明志。其他還包括撥款、派位等種種或明或暗的卑劣的手段......應該説,沒有政策限制,這些手段反而更加層出不窮,在學校自決的掩護下,亦有更多操
作空間。再者,現在政府表面上不再堅持三年後開科,示威人士跟反對派就沒有針對政府的理由和合法性。以後示威人士繼續集會,激進民主派用拉布及彈劾特首爲
手段反對國教科,就變成失去焦點,甚至可被抹黑爲擾亂公共秩序、干預辦學團體自主!甚至萬一要流血清場,也將有更正當的名分!<br />
<br />
梁振英此計甚毒,表面上很難以抗拒。但筆者還是看到一絲希望,因爲反國教鬥爭早就透過校友聯署等方式,由政府轉移到學校層面,希望各位家長、教師、學生可以繼續努力,勸說學校、辦學團體放棄開科。</div>
</span></div>
jackyhttp://www.blogger.com/profile/16476728886242158120noreply@blogger.com0