快餐冒險團 in Action！(Task. 1)---壓軸之雷

本來諗住新蒲崗附近無雷王活，今次掃雷行動將自然流產...點知臨時要出去葵涌交表？好，死就死啦！於是，懷住戰戰兢兢既心情，走入葵芳新都會廣場分店，處男下海了(誤)

今次挑戰既雷物，係task 1指定食品，焗豬扒飯，配低糖綠茶"只"加5蚊，盛惠港幣35元正。





賣相...照舊只供參考......

首先，由最唔應該出事既綠茶試起---
明明係"低糖"都整到咁甜，一d說服力都無囉......個人認為尾深0個杯好飲d

之後就係跟餐節瓜，無雷但又無驚喜，三個字，多舊魚。

然後開始食飯，咦，幾ok喎！番茄有番茄味，菠蘿有菠蘿味，而且份量尚可，唔係得d茄汁，算係咁啦！

之後就食最重要既豬扒...
係，係薄切，係得半呎，但起碼切得開、而且無異味，以雷王活黎講唔好要求太多......
可惜，壓軸之雷出現！骨位附近未熟透，見血......orz
家陣又唔係牛扒，未熟透既豬肉，我真係唔敢再食，即刻走人！

結論：雷王活即係雷王活，臨尾都要整個雷出黎。唯有酌量加下雷度啦......

低糖綠茶偏甜 +5%
節瓜太多餘 +2%
飯稍酸 +2%
豬扒骨位未熟透 +15%
總雷度： 24%，強度屬於中等