2019年9月16日 星期一

初代高達

唔知道而家嘅香港人仲睇唔睇高達?
如果事過境遷,佢地有機會睇初代高達,應該會有好深感觸。
有幾多人好似阿寶咁,為自救同保護朋友,被逼反抗?因為觀念同立場嘅衝突,同家人爭炒甚至反目?
有幾多人好似馬沙咁,被人所害失去至親,為報仇又失去更多?
有幾多人好似白色基地嘅船員同難民咁,為避難而流離失所?目睹同伴犧牲但無可奈何?
有幾多權貴好似薩比家咁,到敗亡前依然為爭權奪利而自相殘殺?
今時今日,因為動畫技術嘅問題,應該無乜人會對裡面嘅戰鬥有興趣,但係劇情入面,角色嘅求不得,怨憎會,愛別離,因為鬥爭而激化,無人可以解脫…
不過,阿寶始終係不幸之中有大幸。歷盡劫難,滿手鮮血,但仍然有"家"可歸,有等待佢嘅同伴。唔知係咪製作組嘅意思,但佢得到精神嘅小小救贖,係因為阿寶雖然會因衝動而犯錯,最嚴重試過偷高達出走,但始終未曾受惡念操縱,濫殺無辜;而且佢仍然保留人應有嘅複雜同曖昧,既不如賴巴愚忠,又不若娜娜天真。始終,佢只係別無選擇,被逼殺出個未來嘅少年,觀眾甚至監督都只能心軟,唔希望悲劇收場。

2019年9月11日 星期三

衛我家邦耀香港

衛我家邦耀香港

衛我  衛我家與邦
熱血  熱勝紅日光
膽 似 鐵 打
骨 似 精 鋼
胸襟百千丈
眼光萬里長
誓奮發自強  耀香港

衛我家與邦
每天要自強
做我城衛兵
熱勝紅日光

昂步挺胸大家作棟樑  為香港
為世界生命
造千分安康

衛我家與邦
耀我家與邦
熱勝紅  日  光