吳起隨想．二

我個人嚟講，係幾欣賞吳起寫嘅兵法《吳子》，但如果講起吳起嘅人品，就只能話係不敢恭維。喺《史記》作者司馬遷筆下，佢係講一套做一套、爲求目的不擇手段嘅典型反面人物。

佢喺離開家鄉衛國，啱啱出道嘅時候，就已經做出能人所不能嘅惡行嚟博上位。“事魯君。齊人攻魯，魯欲將吳起，吳起取齊女為妻，而魯疑之。吳起於是欲就名，遂殺其妻，以明不與齊也。魯卒以為將。將而攻齊，大破之。 ”雖然古代亦有好似劉備咁，聲稱“兄弟如手足，妻子如衣服”嘅男人，但係去到殺妻以取信魯君，實在係非一般人所能想像嘅殘忍。難怪之後就出現對吳起不利嘅流言，令佢被魯君再次起疑---其實當中一啲内容，例如爲功名而不服母喪，甚至殺死恥笑佢嘅同鄉之類，以佢後來嘅作風嚟講，可能並非虛構。不過，更加重要嘅原因，相信係因爲魯國係古國，自有其源自西周初期嘅禮法及政治秩序，最忌憚吳起呢個野心勃勃嘅外國人。所以即使齊魯之間繼續有戰事，啱啱收拾“三桓”正式掌權嘅魯穆公都唔敢再留吳起。

好啦，東家唔打打西家，吳起喺戰國初年嘅亂世，仲有好多選擇。結果，佢去咗當時啱啱“三家分晉”而出現嘅魏國。

當時，吳起殺妻拜將嘅事跡可能已經非常有名，所以魏文候問相國李悝嘅時候，李悝都話吳起“起貪而好色，然用兵司馬穰苴不能過也。”當中嘅貪，可能係貪功、貪名，但無論如何，都肯定係殺妻拜將一事所得出嘅評價---唔只貪功名，仲要不擇手段，但魏國當時並無類似魯國一樣嘅禮法同政治秩序可以鞏固國本，所以必須靠各地人材爲魏國效力，吳起卒之獲得重用，得到不少偉大嘅戰績，獲封河西太守，呢個可算係佢最風光嘅時候。

但係好景不常，魏文候死後輪到個仔魏武候做國君，吳起嘅權勢就開始衰落。雖然吳起曾經講出“在德不在險”嘅著明勸諫，但係顯然佢唔知道，德，唔單止講道德，而且講人和---“人和”呢個詞語，係稍後嘅孟子講嘅，但吳起學儒家嘅輩份比孟子更高，照計冇理由未聽過孔子嘅名句“夫仁者，己欲立而立人，己欲達而達人”《論語·雍也 》如果佢真係明白而且身體力行，就唔會有以下嘅事件出現：

魏武候搵新相國，結果唔搵大熱門吳起，反而爆大冷搵咗田文，於是吳起唔忿氣，就搵田文出嚟，不斷講自己有幾威水有幾犀利，田文拍馬都追唔上；但係田文只係講咗一句就另吳起冇聲出：“主少國疑，大臣未附，百姓不信，方是之時，屬之於子乎？屬之於我乎？ ”顯然，吳起冇辧法穩固國家，令國君安心，大臣放心，百姓有信心，反而會令魏國崩潰。以吳起嘅政治同軍事才能，唯一會令佢爲魏國帶來災難嘅原因，只可能係佢爲求目的不擇手段嘅作風，足以令所有人疑心。結果，吳起冇幾耐之後就因爲一啲政治問題而被逼出走楚國。

去到楚國，吳起得到楚悼王賞識，破格委任做“令尹”呢個一人之下萬人之上嘅職位。有幾破格？令尹係楚國百官之首，歷來只會由楚王親族擔任，只有吳起同埋二百幾三百年前嘅彭仲爽係外國人。楚國幾百年來都未試過有外國人做令尹，可想而知楚悼王係幾咁仰慕吳起。

可惜楚悼王嘅賞識，最終反而爲吳起帶來殺身之禍。因爲楚國幾乎同魯國一樣古老，而且同衛國、魯國甚至魏國唔同，楚國並非周代嘅封國遺留，而係南面嘅楚文化獨立發展而來；更重要係楚國嘅貴族勢力非常強大，而吳起嘅政治理念同法家李悝比較接近，所以一到楚國就搞法治、削弱貴族嘅措施，“明法審令，捐不急之官，廢公族疏遠者 ”結果當然成爲楚國貴族嘅仇人。楚悼王一死，吳起就冇咗最後嘅靠山，被楚國貴族射殺。楚國貴族對佢嘅怨恨之深，可見於佢哋寧願誤中楚悼王屍首因而被夷族，都唔肯放過吳起，可見一班。

卒之，講完吳起嘅故事。如果我係電視節目主持人，可能會話吳起雖然有聰明才智，但係作風不擇手段，口講仁義而實際上“刻暴少恩 ”，我哋應引以爲鑑......

不過，我並唔係主持，無需講呢啲行貨嘢。我真正想講嘅係，專橫霸道、爲達目的不擇手段嘅作風，喺某啲時候其實並非壞事。關鍵係，喺古代、亦僅限於只有專制政治一種體制嘅中國古代，如果當事人係喺危急存亡之秋，爲一己以外嘅偉業行事，咁可能尚可接受；否則就係不可原諒。喺咁嘅角度，吳起嘅行爲道理有虧，但最少一直盡全力，爲佢所侍奉嘅國家打勝仗、改革弊政。戰國以後，可以同吳起一樣，並非皇帝但可以用強硬或者霸道嘅手段去進行改革嘅人實在好少，反而弄權、把持朝政而令嘅在所多有。少數可堪比較嘅包括張居正，佢嘅目標同樣遠大，希望改造明朝，下場亦唔好得過吳起幾多，雖然權傾朝野甚至自稱攝政，但死後下場非常可悲，全家皆受牽連，阿媽同幾個仔或死或充軍，原因同吳起被殺一樣，就係樹敵太多，加上唯一靠山死咗或者轉軚---呢個唯一靠山，就係楚王同皇帝。但掉轉嚟講，喺楚國、明朝呢啲制度又舊又霉、貴族或官僚山頭林立嘅國家，唔係咁霸道甚至偏激嘅人，點會肯走出嚟做得罪99%大人物嘅變法派？

正因如此，我認爲現代民主制度可貴之處，就係改革者可以有更好嘅方式去進行改革事業，而且只要唔犯法，依然可以全身而退。現代民主制度嘅彈性同修服能力，就係由此而來：無論改革者係乜出身，只要法案係可以喺議會提出，就無需驚法案被否決之後會被報復，因而失去生命財產嘅安全同自由。而且除咗少數不世出嘅天才，否則多數情況下，改革者亦不過普通人，因此喺議會同政黨集眾智立法，效果實勝於一言堂嘅霸道作風。最後，好多改革措施都係需要長時間先可以見效，而透過現代民主制度喺議會立法，就可以確保法案將會持續執行，唔會受皇帝嘅生命長短、或者係佢嘅政治立場變更而中斷。當然如果立法後發現有問題，亦可以喺議會用投票方式修訂或廢除，而且過程不見血，對所有改革者都有起碼嘅保障。

正因如此，吳起、張居正之類嘅霸道改革者，同埋佢哋嘅悲慘結局，只會喺專制政治出現。現代民主制度可以令其他改革者以更文明、更安全、更持久嘅方式---議會制度，去推行改革，對我嚟講，實在係人類各種偉大成就嘅基石。

懇請民建聯諸君爭取”豁免二次創作刑事化”

好啦，我向大家自首，下面呢篇真係一篇潮文嚟。當然，大家推上報，推到成功爭取"民建聯成功爭取豁免二次創作刑事化"，都無妨。

懇請民建聯諸君爭取”豁免二次創作刑事化”

致 民建聯諸君：

各位好。不才作為網民，對最近《2011年版權（修訂）條例草案》之中，含有刑事檢控網上侵權行為，並將網民「惡搞」等屬二次創作的作品列入侵權範圍，深感不安，如鯁在喉不吐不快，故希望 貴黨可以香港和諧穩定為念，爭取將二次創作列入豁免刑事檢控範圍，並獻有助維持香港穩定之小策，冀諸君明鑒。

現今香港及內地皆面臨變局，維持穩定乃最大要務。然而，若草案通過，則會導致以下弊害，不但網民，甚至 貴黨、香港及大陸，均身受其害。

首先，諸君應當認清，香港人及當中的網民，大多數均非堅決反共者，即使是支持民主派者亦是如此。然則為何近年激進民主派聲勢日盛呢？唯一原因只能是，過去數年，特區政府之弊政已經令不少港人在政治及經濟上受損，逼使他們作激烈反抗。而是次草案，特別是授權政府刑事檢控二次創作之部分，恐將數以十萬計的網民推向激進派，令社會失去和諧穩定。

諸君不應認定，部分網民本就不喜 貴黨，即使以法例嚇阻惡搞，甚至將之拘捕亦無妨。此中不但有罪不罰眾及檢控困難之考慮，還有網民前途受威脅下，會作出更激烈對抗之可能。若網民因share或改圖而受檢控，最終判監及留案底，則前途已毀，最終或變成隱青宅男宅女，加重社會負擔；或變成激進民主派支持者，而判監經驗則成為令激進派鼓舞之鬥爭經歷；或因失去人生目標而為不法分子利用，危害治安。如此，草案加上執法人員之苛刻檢控，就會使滋事分子及依賴福利者增加，為社會增添亂源。

其次，諸君不應忘記，此草案於2011年6月3日刊憲，查當時之商務及經濟發展局乃劉吳惠蘭，曾蔭權之嫡系。在僅有一年任期之時間，提出如此草案，是否意欲為2012年之新任特首及政府添亂，實在難以猜度。唯有一點可以認定，要是此等草案在當今商務及經濟發展局局長， 貴黨黨友蘇錦樑在任期間通過，做成上述所提及之不良影響，難免成為蘇先生乃至 貴黨之污點。

再者，中央現時要面臨之挑戰乃二十年來僅見，黨中央有換屆及”倒薄”鬥爭，各地維權鬥爭之風日盛，疆獨藏獨之風熾熱，甚至經濟硬着陸、南海週邊關係緊張及美國重返太平洋戰略，都對中央有莫大麻煩。如今草案又將港人變得驚恐，甚至不得不激烈鬥爭，實在不合中央對香港繁榮穩定之期許。

因上述影響，不才反對草案中授權政府檢控網上侵權，尤其是二次創作，更希望 貴黨能爭取豁免二次創作。以現時政府之勢孤力弱， 貴黨定必能成功爭取。對 貴黨而言，豁免二次創作不但能避免之前數段的惡果，還有以下的好處。

第一， 貴黨如果要以更穩固權力基礎管治香港，或者促成香港各界大和解，就必須洗脫過往與相當多港人，尤其網民對立之形象。在不才眼中，網民雖然惡搞諸君甚力，但如 貴黨展示維護香港自由，促進民主，真正做到民主建港，則不但網民，而且大部分市民均必心悅誠服，最少不致加入激進派。而成功爭取”豁免二次創作刑事化”，就是改變形象的第一步。

第二，現時民主黨依然贊成草案，公民黨只是棄權，泛民兩黨之取態已經逐漸令網民支持者離心。 貴黨如果成功爭取”豁免二次創作刑事化”，可以將當中不少支持者拉過來，而不會令草案被否決。只要行動迅速，就可以先聲奪人，令其他黨派陷入被動。

第三， 貴黨在香港成功令政府取消一項致亂條款，不但港人歡迎，中央亦會為諸君消除曾蔭權弊政，成功維護香港穩定而對 貴黨青眼有加。而且香港必須保持自由，才能成為外資進入內地，內地企業走出國際的橋樑，這也是先任領導人對香港”長期利用”的真義。

不才僅一區區網民，並非 貴黨成員，但見諸君不斷為港人謀福祉，連地盤工程外也提醒市民小心過馬路，與及成功爭取行人燈號綠燈延長兩秒等，可謂無微不至，故仍然相信諸君真有民主建港的精神。因此，盼 貴黨能再次成功爭取”豁免二次創作刑事化”，革除曾蔭權時代弊法，保護網民之言論自由。

網民 陳志浩 謹啟

吳起隨想

喺小弟同朋友一齊搞嘅"無聊聊聊"論壇仔入面，有網友(姑且稱爲網友D)提到，中國國勢強盛，反共只會令外國勢力入侵，而且中共倒臺中國就會出現權力真空，分裂割據咁話。於是我就諗，究竟乜嘢情況下，中共會打仗？中共嘅權力基礎係咪咁穩固？然後，就聯想起吳起呢位戰國兵家。

我最近鍾意睇陳雲老師嘅書同文章，佢經常強調自己係儒門正宗，又話要用現實政治(real politik)去令香港得以城邦自治。咁啱我對先秦兵法同西方戰略思想有些少認識，於是就諗，其實兵法又可唔可以同樣令我哋對現實政治同行動方面，有更好嘅認識呢？在我嚟睇，吳起嘅生平同著作《吳子》應該多多少少幫到手。

以下不妨由網友D嘅意見入手，睇下吳子會點講。

所謂外國勢力入侵，現代已經有好多種形式，由直接出兵攻打，到間諜戰、網絡戰，到經濟侵略同所謂文化侵略都有。不過，由網友D嘅意思嚟睇，佢顯然係指最古老、最明顯嘅入侵方式---打仗。打仗就係古人所講嘅用兵，以下睇睇吳起係點分析：

吳子曰：“凡兵之所起者有五：一曰爭名，二曰爭利，三曰積惡，四曰內亂，五曰因饑。其名又有五：一曰義兵，二曰強兵，三曰剛兵，四曰暴兵，五曰逆兵。禁暴救亂曰義，恃眾以伐曰強，因怒興師曰剛，棄禮貪利曰暴，國亂人疲舉事動眾曰逆。五者之數各有其道：義必以禮服，強必以謙服，剛必以辭服，暴必以詐服，逆必以權服。”（《吳子》圖國第一）

簡單嚟講，吳起認爲，之所以會有戰爭，係有五個原因，同時有五種相應嘅平息方法(服)：

爭名-禁暴救亂-義兵-以禮服
爭利-恃眾以伐-強兵-以謙服
積惡-因怒興師-剛兵-以辭服
內亂-棄禮貪利-暴兵-以詐服
因饑-國亂人疲舉事動眾-逆兵-以權服

呢個小弟姑且稱之爲"五兵論"嘅戰爭起因及平息方法配對，言簡意駭，相信大家就咁睇都會明白。"五兵論"同中共有乜關係？好簡單，只要中共變得強大或者衰弱，就會有機會出現呢幾種戰爭：

爭名：以中共邊界之廣大，同其他國家領土爭議之多，加上中共當政非以仁義、人道治國，只要中共變得強大，冇其他國家可以制衡，中共自然就會出手解決領土爭端、或者以武力"統一"台灣；或者中共變得衰弱，無力阻止入侵，咁各國就會以禁暴救亂嘅名義出兵攻打。

爭利：領土爭端除咗所謂"神聖不可侵犯"，好多時更有利益關係，例如釣魚臺就有東海油氣田開發嘅考慮。爲此美日磨刀霍霍，自然不過。

積惡：中共對鄰國嘅外交政策，頗有以鄰爲壑嘅意味，例如開發湄公河上遊水力發電，就會令下遊緬甸、越南等國生態受損，更唔需要提雙非嬰對香港及北美地區孕婦利益嘅損害；對國內少數民族嘅政策，好多時相當霸道，大家都明白西藏同新疆喺中共治下，實行漢化政策對藏民及維吾爾人係幾殘暴。咁嘅情況下，只要中共有明顯崩潰嘅跡象，鄰國會因積怨興兵，機會頗高。

内亂：呢點可以稍加解釋。吳起認爲内亂即係"棄禮貪利"，當中"禮"嘅意思相當空泛，但大致嚟講，係講國内與國際間嘅秩序同規矩。所以佢嘅意思，用現代語言講，即係當國內外嘅秩序同權力均衡崩潰，當政者就會爲舒緩國內壓力而出兵，順便混水摸魚拎着數，近代史上拿破侖同希特拉就係呢類乘勢而起嘅獨裁者。既然我都講到拿破侖同希特拉，咁將來中共現有秩序崩潰，出現陳雲老師所講"中國急促民主之後，很有可能滑入法西斯軍國主義，由「中共法西斯」變成「中國法西斯」"(香港城邦論P.052)，大家就明白點解會打大仗喇。

因饑：當中共治下秩序全面瓦解，去到連基本糧食、自然資源都冇辧法滿足大陸人需要，就會出現而家非洲多個國家瓦解之後嘅連年内戰同對外劫掠。

既然以吳起嘅理論同中共嘅業績嚟睇，將來中共不論繼續崛起直至變成霸權，抑或由盛轉衰，都好大機會出現戰爭，咁跟住落嚟，就要睇下中共會係好似網友D咁講"自鴉片戰爭以來,中國國勢未有今日之強盛者"，還是只係沙上嘅樓閣，權力基礎不穩呢？

吳起認爲，國家要強盛，要戰勝攻取，最重要係君民和，親賢能遠不肖等。以佢自己嘅説話講，就係以下兩段，皆出自《吳子》圖國第一:

"昔之圖國家者，必先教百姓而親萬民。有四不和：不和於國，不可以出軍；不和於軍，不可以出陳；不和於陳，不可以進戰；不和於戰，不可以決勝。是以有道之主，將用其民，必先和而造大事。...民知君之愛其命，惜其死，若此之至，而與之臨難，則士以進死為榮，退生為辱矣。"

"君能使賢者居上，不肖者處下，則陳已定矣；民安其田宅，親其有司，則守已固矣；百姓皆是吾君而非鄰國，則戰已勝矣。"

當今之勢，中共正正就係倒行逆施，同吳起呢兩段教訓背道而馳。中共對人民生計、人權嘅關注不周，甚至幹部殘民自肥亦不嚴加懲處(不爲？不能？)，自然變成"不和於國"。所謂和諧，點會係靠把口或者靠網絡長城咁簡單？以中共而家嘅治國之道，點可能做到"士以進死為榮，退生為辱"？

中共縱容地方幹部殘民，地任圈樓任拆，而且升遷惟GDP是尚，點可以做到"使賢者居上，不肖者處下"，"民安其田宅，親其有司"，人民又點會真心"是吾君而非鄰國"呢？

因此，如果吳起今日復活，親眼目睹中共嘅弊政，睇怕只會用"成湯討桀而夏民喜悅，周武伐紂而殷人不非"（《吳子》圖國第一）嚟形容將來會大舉進攻中共嘅國家，而中共呢，自然會好似夏桀同商紂一樣敗亡，過程幾近兵不血刃。

最後，引用吳起對魏武侯嘅勸戒，結束本文。(見《史記卷六十五 孫子吳起列傳》)

"魏文侯既卒，起事其子武侯。武侯浮西河而下，中流，顧而謂吳起曰：「美哉乎山河之固，此魏國之寶也！」起對曰：「在德不在險。昔三苗氏左洞庭，右彭蠡，德義不修，禹滅之。夏桀之居，左河濟，右泰華，伊闕在其南，羊腸在其北，修政不仁，湯放之。殷紂之國，左孟門，右太行，常山在其北，大河經其南，修政不德，武王殺之。由此觀之，在德不在險。若君不修德，舟中之人盡為敵國也。」武侯曰：「善。」"

如果中共由中央至地方所有幹部都明白"在德不在險"，"若君不修德，舟中之人盡為敵國也"嘅道理，則事或尚有可爲；否則，恐怕終不免三苗、夏桀、殷紂嘅命運。

閒遊觀塘有感

糖糖是我舊居附近的161. 當年我還只是個黃毛小子, 仙都唔仙, 要解決需要 只好找她, 儘管她的樣子跟身材都不怎麼樣, 勝在收費便宜. 好幾年來我都有幫襯, 後來搬家, 已經幾年沒見了.


今天剛好有事要到舊居附近. 辦完事後, 反正有空, 就去幫襯一下糖糖吧.


一按門鈴, 一打開門, 她熟悉的小眼睛, 扁鼻子, 還有一如往日的"是浩哥你啊", 都讓我覺得親切.

"浩哥還是要聽人鬼情未了嗎?"


Oh, my love

my darling

I've hungered for your touch

a long lonely time


完事後, 我正在穿衣, 她卻拿一張國內暗星的照片, 說:

"浩哥, 我下個月就去做整形手術, 變成潘冰冰這麼美."

聽完後, 我呆了. 糖糖的樣子, 跟潘冰冰根本是兩回事. 我不禁要問:

"那...要整哪裡呢?"

"要割眼皮啦, 隆鼻隆嘴唇啦, 還有升cup到F囉."


也就是說, 現在我看到的小眼睛, 扁鼻子, 剛才手握的飛機場, 一個月以後就沒了. 不僅如此, 整形整得如此大手筆, 如此人工美, 糖糖以後還要當161嗎? 難道要去當大陸富豪的二奶嗎?


付錢後, 我祝她手術順利, 然後就離開了這棟熟悉的唐樓. 一股莫名的哀愁, 在我心中盤據著.

這就是人生嗎? 就是一個甚麼都抓不住, 留不住, 連161的樣子都說變就變的人生嗎?


and time goes by so slowly

and time can do so much

are you still mine?

.

狼英與哈德良之別

今日有個0靚仔見到狼英，就想過去影相定唔知做乜，結果當然係唔得啦。然後佢話，狼英一當選就唔親民咁話喎。

我同阿媽一樣，都覺得佢好戇居，但同時我會記得呢個古仔：（見《羅馬人的故事IX-賢君的世紀》，P.297）



哈德良爲了舉行祭禮，在前往神殿途中被一位女子叫住。這位女子爲了向皇帝陳情，一直在路邊守候皇帝到來。不過，哈德良卻對她説『我現在沒空』，便將她拋在身後準備離去。結果這位女子在他背後大叫，『你沒有權利做我們的統治者』。

結果哈德良皇帝只好回過身來聆聽這名女子的陳情。



類似嘅情景，唔同嘅結局，究竟點解會咁？



1. 當然有人格上嘅考慮。哈德良係責任感極強、成大業前願意鞠躬盡瘁死而後已咁勤奮，甚至有完美主義嘅傾向，所以如果呢件事傳出去，哪怕會稍爲影響自己嘅治國權威，令自己冇辦法完成重整羅馬帝國嘅大業，都唔希望出現，結果唯有聽呢位女性嘅陳情。(不過，大業成咗之後就另一回事，所以到晚年佢做晒所有想做嘅功業，就性情大變，唔再理他人嘅諗法，爲所欲爲)

相反，狼英可能都有“大業(孽？)”想完成，但係佢並非着重光明正大、重視弱者意見嘅人，反而喜歡陰謀詭計。所以佢當嗰個0靚仔冇到，其實好正常。



2. 亦有制度上嘅考慮。哈德良做皇帝嘅年代，並唔係好似中國皇帝咁容易爲所欲爲，冇公民大會嘅鼓掌支持，就登唔到基；所立法案唔經元老院通過，就冇辦法成爲法律。因此，佢嘅皇位，佢嘅施政，其實必須得到公民及元老院嘅授權，而被質疑『你沒有權利做我們的統治者』，的確有機會影響佢嘅權力基礎。

相反，狼英嘅任命權在中央，而且由小圈子選出，因此佢嘅權力基礎同香港人冇關係。所以佢根本就唔需要理會香港人嘅陳情甚至擁戴。



3. 有一個更重要但更陰暗嘅理由，可以解釋兩個人遇到類似情景時，點解會有咁嘅分別：2世紀嘅羅馬人同20世紀香港人，對何謂領袖嘅諗法相差好遠。

2世紀嘅羅馬人，依舊認爲領袖有才能之餘，唔應該離開民衆，因爲領袖之所以係領袖，全靠公民嘅擁戴同支持。所以公元前一世紀，凱撒可以以民黨領袖嘅身份成功奪權，並立出身不高嘅屋大維做養子，奠定羅馬帝國嘅基礎；公元一世紀，羅馬陷入内戰，結果可以由平民出身嘅維斯帕先做皇帝，重新統一帝國；就算係哈德良嘅養父圖拉真，佢嘅父親亦只係軍團長，帝國入面每年都有廿幾三十個，單就出身根本講唔上有任何特殊之處。正因如此，不但羅馬公民要求領袖貼近民衆，就連唔少皇帝都唔認爲自己比群眾有高高在上之處，只要有時間都會去公眾浴堂沖涼，同民衆面對面交流，哈德良亦係其中之一。

相反，香港人並唔係想像中咁喜愛民主。佢哋當中，有好多人先天上就認爲，領袖本來就唔應該理會啲草民，同草民保持距離係必須嘅，所以我阿媽、仲有好多其它香港人，都認爲狼英唔理個0靚仔非常合理，因爲“貴人事忙”，順便將個0靚仔打成“飽食終日，游手好閒”嘅廢人行列；狼英耍太極耍到冇人知佢講乜，佢哋就認爲咁樣係高深莫測，有領袖風範；至於普選，當然係唔緊要，學特首同啲官員話齋，要等適當時候，聽候政府安排，而當政府同中共全無誠意推動民主進程、走數走到冇朋友、次次政改方案都死攬小圈子同功能組別等嘅現象冇到。政治？唔係淨係啲大人物玩架咩？所以大部分香港人，對爭取民主不但興趣全無，對政治更加畏如蛇蠍，如此，點可能唔支持強人鐵腕治港？



所以，我真心覺得，呢個見到狼英就當係偶像，結果大失所望嘅0靚仔，真係傻得交關。狼英之前扮親民，完全係因爲覺得脅民意，有機會逼到唐狗嘅宮，而家選到，就緊係唔駛理民意，而且愈唔理，愈可以得到大部分市民嘅擁護。咁都唔明，唔係傻仔又係乜嘢？



(但話時話，其實我都唔係好知單所謂新聞係咪好似我講嘅情形，歡迎大家指正)

時不我予

不諱言，我在很多方面，都是追不上時代的人。喜歡歷史，即使歷史在香港，死得比香港還快；對待感情認真，相信從一而終，總希望跟戀愛對象結婚；手機不壞都不想換，結果到現在依然未擁有過智能手機，等等。還真不太像廿多歳的青年。

這些個人方面還好，最少不會影響其他人。不幸的是，就連政治、社會方面的觀點，我都不能追得上時代。不是嗎？在中港如火如荼地融合時，我支持主張中港區隔的香港自治運動；在地產霸權不斷深入香港之際，我只盼財閥們早日瓦解；在共產黨即將全面掌政之際，我仍然出口出手出腳，反對小圈子選舉及功能組別。時代已經跌進深淵，我依然緊抓懸崖邊，希望能拖一分半秒，但我甚麼都不是，只是一介普通公民，就連發網誌都沒人看，對此根本無能爲力。

也許，你們---如果這篇文章真有人看的話---根本不這樣認爲。你們樂觀地認爲，中共、地產霸權已經開始崩潰，很快香港就可以從這兩個陣營中解放出來。但是，我並不敢如此樂觀，因爲舊秩序崩潰後，會出現不同的可能性，可以是出現長期的無序狀況，也可以是爲終結無序狀況，出現強力但爲害更甚的新秩序，甚至是成爲外來勢力侵略的目標；在未有合宜的新組織出現前，舊秩序崩潰往往只會帶來無法承受的苦難。更何況，如果只因爲中共經濟發展開始停滯、內部出現權鬥、香港建制派也開始內鬨，就認定舊秩序即將瓦解，也許言之尚早。只是希望你們能繼續爲瓦解舊秩序、建立美好新秩序而努力。

時不我予。但是，我將繼續逆時代而行，只因我不知道，隨波逐流以後，我還可以如何找回天理良心，如何報答香港，這個給我所有值得珍重之事的地方。