內戰中設立之組織

事到如今，一個組織係必然出現。但係，同泛民嗰班舊電池，揾食主義者，間諜所講嘅大台完全無關。

假設內戰嘅結果，係香港脫共，喺外國監護下，準備雙普選。然後，出黎參選嘅就只有泛民嗰班舊電池，揾食主義者，間諜；唔要佢地嘅，就得返啲有錢佬代言人…講真，各位前線示威者見到，真係揀得落手？至於城邦熱血，相信好多人都覺得有問題，雖則我都唔知係乜問題…

揀黎揀去，所有19年之前出現過嘅人入面，其實好多人都係想選本民前，但係佢地喺外界眼中，除左掟磚同青靚白淨，仲有被迫害，幾乎乜都無，而且最少喺表面上，佢地喺呢場內戰入面，係完全缺席；至於真前線嘅蒙面人，內戰勝利之前，有邊個可以現真身呢？

講左咁耐，其實現時嘅問題除左贏，仲有贏左之後邊個收拾殘局嘅問題；而且，呢兩個問題係有關連嘅。外國就算有心出手，協助喺香港推行新體制，但見到嘅都係一班本來就無心奪權嘅人，只怕唔會肯出太多力---明明打緊內戰，但呢班人淨係想選議員，連特首都唔想選，咁究竟撐黎做乜？幾十個議員嘅力量，連功能組別都取消唔到啦！又點樣保障外國在港利益呢？

所以，呢度講嘅組織，事實上係一個代表前線示威者，為左實現五大訴求，從而代表全港利益嘅奪權組織，佢地應該會慢慢透過各種行動，去準備奪權：

1. 利用或製造台面上嘅政治明星，呢啲係用黎sale俾香港人同外國政府睇嘅；
2. 建立同宣傳一種香港未來嘅意識形態同藍圖，作為指導嘅思想；
3. 加緊與外國談判，意圖透過外國勢力扭轉香港局勢。

最後，係一個利申：我係愛國愛港嘅人，以上嘅組織唔好揾我，我實報警…