1. 真鐵甲萬能俠
第一話就出結局預告，畫面非常震憾，可惜雜亂無章；第二話才是真正開始，建議第一話直接無視。
第二話是很不錯，但是…
第一話就出結局預告，畫面非常震憾，可惜雜亂無章；第二話才是真正開始，建議第一話直接無視。
第二話是很不錯，但是…
愛美神竟然比鐵甲萬能俠還要早登場，還一腳踢飛機械獸，是不是太好太強大？
另外，本作的作畫時有走樣，聲優欠人氣之餘又虛得不行，恐怕今川艦長其實是跟超貧乏的預算艱苦作戰！這才是真正慘烈的戰場啊！
2. 東之伊甸
第一話還未介紹時代背景，只是讓男女主角登場而已，但是竟然第一話就讓男主角裸跑？op、ep都相當西式，加上由神山健治原作及監督，相當值得期待。
3. 戰場的女武神
竟然有人以為這是本格軍武作品，天！這麼萌的孖辮加短裙，分明就是以戰場為背景的小品呀！所以戰鬥略虛並不是大問題，倒是作畫千萬不要走樣呀！
4. 香格里拉
構想還不錯，只是gonzo的水準不穩，加上那公主的金銀妖瞳，令我想起幾年前的玻璃艦隊……真是個惡夢呀！
第一話還未介紹時代背景，只是讓男女主角登場而已，但是竟然第一話就讓男主角裸跑？op、ep都相當西式，加上由神山健治原作及監督，相當值得期待。
3. 戰場的女武神
竟然有人以為這是本格軍武作品，天！這麼萌的孖辮加短裙，分明就是以戰場為背景的小品呀！所以戰鬥略虛並不是大問題，倒是作畫千萬不要走樣呀！
4. 香格里拉
構想還不錯，只是gonzo的水準不穩，加上那公主的金銀妖瞳，令我想起幾年前的玻璃艦隊……真是個惡夢呀！
你好jcch君，本人是影大blog的常客，間中也在方墨當CD-ROM看過你的討論~
回覆刪除本人早前看完"地球防衛少年"後，十分喜歡，深感我一定要看看富野的"傳說巨神"與"珍寶3"，於是這幾天看了接觸篇與發動篇，再看了你在format茶館的評論文。
本人想問問jcch君，富野能將突破當時傳統的動畫公式，把自己的世界觀與理念，透過動畫表現出來，是一大創舉。可是，jcch君個人對富野的價值觀有有何看法(例如人與人關係的脆弱/對血緣家庭的不信任)?會否大多數的不認同?又~jcch君喜歡"老來從良"後的富野復活三部曲，還是珍寶3至Z高達的悲憤富野系列多一點?
未知jcch有沒有分別看過"地球防衛少年"的動畫與漫畫版?本人覺得鬼頭某程度上把"珍寶3-傳說巨神"的富野風格又帶回這個年代呢!
終於有第二位看官回文了T0T
回覆刪除坦白說，作為一個動畫迷，我看過的動畫還遠遠不夠多，因為我的嗜好還有寫小說、看其他劇集、看球賽、甚至跑步...加上年資有限，所以即使我現在失業，也沒有太多時間看動畫ORZ
也所以，珍寶3還未看過（不過它的情節和風格實在太有名了，很多地方都有介紹，所以算是略有所聞），地球防衛少年則當時只看了數話而已，為了騰出時間看其他好番，這部就只好割愛了。
至於悲憤富野和陽光富野，我個人還是喜歡悲憤富野多一點，因為我個人比較左傾（笑），一直都質疑現在的政治社會經濟體系為人帶來幸福的能力，所以體制甚至人性下的悲劇比較實際，亦比較有共鳴。
EX兄既然這樣推介，我就嘗試找一下地球防衛少年和珍寶3看看，如果真的有感興就寫一下吧！順道也可以把一直未看的OVERMAN看一下。
哈哈~多謝jcch君的溫暖迎新~(爆)
回覆刪除我從來都只在format當CD-ROM~一來動漫涉獵太少難以作出有水平的討論，二來我沒有傑特，Negator，NS，Alex等的咀炮水平，所以流亡到貴blog或影大blog討論~~~~(逃)
惡搞完畢~
想不到jcch在對富野的喜惡，是與方墨"主流"相反~其實看Negator的討論，覺得他有點馬克思主義色彩，可是他似乎對富野也不以為然呢。
其實，之前看傑特對悲憤富野的負面評價，我粗略綜合到的是:1.富野由海皇子到V高達廿多年只能重複反映同樣的社會觀，沒有進步與改變。2.富野先建立了"新人類論"，在Z已經否定，卻在"馬反"再強化為唯一的救世良方。
但係jcch君係點睇呢2個基本負面評價?
富野既信念同理論有好多自相矛盾/偏激/天真的地方，就講馬沙，佢推垃圾落藍星其實就等於香港憤青開含TNT無人駕駛貨車撞去有一辦高官地產佬既特首辦一樣；就算特首高官地產佬領左便當，一樣不可能動搖或改變香港既社會政經結構。馬反真係鐨牛角尖喇......(雖然就算係咁我都appreciate馬沙，呢D就係年輕所犯下既錯喇)
不過我與jcch君一樣對悲憤富野是肯定的，因為我都左傾。好似你講，富野對現代人人性既脆弱同不可信真係捉得好準!(仲要係三十年前已經睇到今日既野呀!)已經令我好有共鳴同折服，我地生活既天空下，社會流動性差，20-30一代冇幾多人有能力建立合理既家庭事業(合理程度:我選小新一家喇，不過香港有幾多家庭可以做到!?)，先理解人性既軟弱/不可信/自私/矛盾比認識真善美更加急切。
我既文章一向比較嫩，如果jcch不嫌棄還望指教一下~未知你係點樣成為方墨一份子?
其實悲憤富野既風格，除左年紀同荷爾蒙水平外(?)，同當年既時代背景有好大關係。60年代後期至80年代初為止，係冷戰秩序開始瓦解既迷失年代，不論係資本主義抑或係共產主義、甚至傳統道德觀念同其他社會經濟體系既合法性都備受質疑。由60至70年代發生既大事，就可以見到悲憤富野、與及70年代末至80年代初既動畫主流元素：
回覆刪除1. 古巴飛彈危機(1962):當年核大戰幾乎一觸即發，令所有人都意識到人類非常接近世界末日；
2. 越戰(1959-1975):由此形成既反戰及嬉皮士浪潮，影響整個70年代；
3. 太陽神11號登陸月球(1969):堪稱20世紀最大既科學奇蹟之一，為人類開發宇宙邁出第一步。
悲憤富野既作品、尤其最經典既傳說巨神，就充滿呢三件大事既影響。死光光結局對應核戰恐慌，對人性既質疑回應嬉皮士文化(當然，爆炸頭都係...)，至於宇宙大戰當然係呼應太空探索熱潮。傳說巨神能夠成為動畫史上不朽既經典，正正就係因為佢破格之餘，又能夠令當時觀眾有所共鳴---所有經典作品，不論戲劇、小說、詩歌，都一定包含呢兩項條件。
不過，正因為富野係嬰兒潮世代既先驅(生於1941年，而所謂嬰兒潮世代通常指40年代後期至50年代後期出生人士)，因此，到80至90年代，嬰兒潮世代開始少睇動畫，佢就顯得out左：80年代中後期日本經濟到左表面安定繁榮、實則逐漸泡沫化既階段，當時廿幾歲既人開始回歸建制，而且經濟發達，就覺得富野作品太負面，加上富野當時被名氣所累，焗住被gundam既框架限死，所以就無辦法做到另一部經典。不過Z之後富野編劇水平無突破，不進則退，亦係事實。
至於我點成為方墨一份子，其實係偶然既機會下，0係其他FORUM睇到幾篇傑特寫既GUNDAM文，再搵翻方墨個網出黎。之後過左一兩年就投過下稿咁囉。至於點寫文章...其實我都唔係最好0個類，不過我本身讀歷史，大學三年入面有好多寫論文既機會，所以能夠寫得比較好。其實分析一部作品，除左了解作品既內容，仲要有切入點去分析，先至可以有多D野寫同有系統。
真係慚愧，我都係歷史迷，不過AL成績唔容許我入去；
回覆刪除而且成個現代世界史我都認識，卻未能好似你睇富野時切入作品既時代脈絡~
唔不jcch君係U選科時，選既係近來歐美史定係中國歷史多?
歡迎第3位留言看官~~
回覆刪除我大學既時候選既大多數係近代同現代史，基本上國別不拘。
其實唔單止富野，其他好多作品、甚至school days都可以用代際研究、符號學、社會學...總之你諗得到同認識既角度分析架。而且仲可以搞比較研究，例如比較下唔同年代既超機人主角出身、性格、獲得機體方式、取得能力方式等，藉此反映唔同年代觀眾既口味差別、與及造成呢種差別既原因等。
唔好意思呀jcch君，其實我都係ex，因為blogger加左個新名.....希望你唔好失望。
回覆刪除你俾左好多方向我去諗點樣了解一套作品，我會嘗試係呢D野搵一個方向品評"地球防衛少年"交流交流。
你好jcch君，今日又黎打擾貴blog，係想同你討論一D歷史同社既問題。
回覆刪除以前細過睇到德國既柏林圍牆拆左，本來係同一個民族既國家，因為政治既問題分裂，過左幾十年終於和解統一，真係會發自內心高興。
不過世事既野就唔係咁便宜或單純既~
因為東德既經濟同西德既落差太大，兩德統一後到近來，德國東部既經濟承受唔到外來競爭；失業率嚴重不特止，亦有年青人因為生活唔好，投向"新納粹主義"懷抱。結果呢，就我膚淺D講，德國變相要以西德賺到既錢去養埋東德，為統一付出代價。即使德國人有歷史包袱或民族感情因素去支持統一既局面，恐怕西德一邊既人多多少少都有D無奈。(我諗，對某D香港人黎講，德國統一搞到全個國家一齊蝕大本，係好唔"世界仔"又好愚昧既事嘛~)
呢個係我對德國統一既少少感想，不過我對現代歷史同國際既認識有限，所以我希望可以聽聽jcch君對德國統一既矛盾既睇法，謝謝~
ex_dung_beetle上
無錯，東德的確比較窮，需要大量補助，甚至有人引用民調數據話："現在東德人和西德人相互不買賬，《明鏡週刊》民調顯示，近七成西德人與八成東德人認為，他們是不一樣的。"(見：東西德統一的沉痛教訓 曹長青 http://www.open.com.hk/2006_2p76.htm)
回覆刪除但係，我自己就覺得未駛咁灰住。首先，西德企業到現在為止，仍然維持投資東德地區，政府仍然有資助東德發展，所以東德地區仍然有繼續發展既可能性；其次，德國並唔係一個小國，而係歐洲人口最多既國家，有地域性既發展差別，非常正常，同美國、中國等相比，其實唔係好嚴重。
我始終認為，東德仍然有可能為德國既繁榮作積極貢獻，關鍵係東德唔一定要按照西德模式發展。東德以前未同西德合併，樣樣都要自己搞，而家經過一段時間，淘汰左一部分唔需要既企業、人口減少到一定程度後，就有更大空間同西德部分既經濟融合，成為西德地區既新腹地。
回jcch君:
回覆刪除今次真係受教喇~
西德既發展模式，如果我冇判斷錯，應該係高科技業，重工業同金融業為主....我覺得東德錯過左冷戰時期搞好呢D野，係咪發展中小企同埋農業比較有機會同西德一邊配合?
話時話意大利統一成百幾年，其實都有一樣問題，不過係經濟上"南北分裂"而唔係"東西分裂"，不過我相信情況一樣比中美兩國好好多~
其實jcch會唔會有感覺香港人對本地，中國或外面既歷史，都係冷感(其實我覺得係去到刻意遺忘既階段，香港人既文化，片面講係過去或舊時代既野=out/老土，歷史亦然)，亦對歷史課未夠其他他方尊重，甚至財政上開刀就搵歷史課算帳?
我既留言比較長氣，如果令你呢篇blog load得慢，下次我回覆可以轉去另一帖文，thanks~